Matiu 7:14 - EBƆRƐ BE KAWƆL

¹⁴ Ama ekpa nɛ k bee yɔ ŋkpa to na maŋ kpalga to nɛ kumo be kabuna malɛ maŋ shi. Basa nɛ baa nya kumo a nite to na malɛ maŋ shi.

Matiu 7:14 ပူးပေါင်းရင်းမြစ်များ

Nshɛ 16:11

Fo shin nɛ m pin fo ŋkpa be ekpa na. Fo kebaawɔ ma kutɔ, e naa shin nɛ ma kagbene bee fuli ga saŋkama.

Aŋasa 8:20

Ekpa niŋi so, nɛ kebaaji asheŋ nɛ amo be ekpa so be ekpa nɛ m bɔ.

Aizaaya 30:21

Nɛ fanɛ men foe ekpa a yɔ jisoso ŋko bena so gba, menyeeŋ nu mbe ebɔl menyi be kamanto ka bee kaŋɛ le: “Ekpa na nde. Men bɔla kumo so.”

Aizaaya 35:8

Kegbembi lela beeŋ ba dese ndoŋ, nɛ b baa tre kumo “Kecheembiya be ekpa.” K beeŋ baa la Ebɔrɛ be basa be ekpa. Esa nɛ e maa shuŋ Ebɔrɛ maaŋ nite kumo so. Bewulpo gba maaŋ nite loŋ be kegbembi na so.

Aizaaya 57:14

Ade be kaman nɛ Enyɛnpe Ebɔrɛ naŋ kaŋɛ le: “Men lɔŋɛ ekpa nseŋ lara ajembu nɛ keyimu kikɛ kumo so n sa ma basa nɛ b bɔla kumo so m bɛta m ba ma kutɔ!

Jɛremaya 6:16

Ade kikɛ be kaman nɛ Enyɛnpe Ebɔrɛ naŋ kaŋɛ mbe basa le: “Men yili ŋkpancheri n to anishi ŋ keni, nseŋ bishi m pin ekpa dra nɛ men nananyɛnana daa bɔla so a wora asheŋ na nsaa bɔla kumo so wora asheŋ, saŋɛ na so nɛ men baa wɔ kayurwushi be kebaawɔtɔ to.” Ama le nɛ men daŋ kaŋɛ: “Ayai, anyi maaŋ wora loŋ!”

Matiu 20:16

Keŋasa ere be kaman nɛ Yesu kaŋɛ le: “To, amoso, bumo nɛ b shir kaman naniere beeŋ ba ki bejuŋkparpo nɛ bumo nɛ b juŋkpar naniere e ba ki bemantopo.”

Matiu 22:14

Amo alɛ kikɛ be kifi to e la fanɛ basa damta nɛ b tre, ama bumo to be gbrɛ nɛ b lara.”

Matiu 7:13

Men bɔla kabunabi na to n luri. Ŋkpal manɛ so, ekpa nɛ k bee yɔ kemur be kakpa na kpalga to nna nɛ kumo be kabuna gba kpalga to. Nɛ basa nɛ baa bɔla kumo so a luri na malɛ shi.

Matiu 7:15

Men baa de anebi fɛpoana so. Baa kaa wɔ mbolpɔ be nwɔl to nna a ba men kutɔ, ama ekuntuŋ lubi gbagba nna na.

Maak 8:34

Nɛ Yesu tre jimaŋ na nɛ mbe bebɛsopo m ba shɛr ŋ kaŋɛ bumo: “Ekama nɛ e bee sha kebɛ ma so, a daga e ka teŋ mbe kumu so nseŋ sulɔ mbe kedibi largato m bɛ ma so.

Luuk 12:32

Ma basa, men maŋ shi, ama men sa maa lɔ kufu. Ŋkpal manɛ so, men Tuto be keparso nna nɛ e yili kumo fanɛ e beeŋ ta mbe kuwura na n sa menyi.

Baru lela nɛ Jɔn kute na 16:2

Basa beeŋ ba kaa ju menyi ashi nshɛrbuana na to be keluri to. Saŋko beeŋ ba fo nɛ esa kama nɛ e mɔ menyi beeŋ baa fɛ fanɛ Ebɔrɛ nɛ e bee shuŋ.

Baru lela nɛ Jɔn kute na 16:33

Ŋ kaŋɛ menyi asheŋ ere nna, saŋɛ na so, menyeeŋ bɔla ma so n nya kagbenewushi. Menyeeŋ nya tɔrɔ durnya ere to, ama men baa kɔ kagbene, ma e pɔɔ durnya ere so.”

Ashuŋ Shunso 14:22

Kumo be kaman nɛ b bɛta n yɔ Listra nɛ Ikoniam nɛ Pisidia be Antiɔk a wushi beyirdapoana na be ŋgbene nseŋ naa leŋ bumo to fanɛ b baa kɔ yirda nɛ kashenteŋto kpakpa. Le nɛ b daŋ naa kaŋɛ bumo: “An kikɛ beeŋ luri etɔrɔ damta to pɔɛŋ nseŋ luri Ebɔrɛ be kuwura na to.”

Romebi 12:2

Men sa maa ta menyi be ŋgbene a wɔtɔ durnya ere to ebi be asheŋ to, men shin nɛ Ebɔrɛ e chɛrga menyi be ŋgbene n sa menyi nɛ men nya nfɛra popɔr. Saŋɛ na so nɛ menyeeŋ tiŋ m pin kusɔ nɛ Ebɔrɛ bee sha, kumo e la fanɛ alelasheŋ, mbe aparsheŋ nɛ asɔ nɛ a daga.

Romebi 9:32

To, nɛ manɛ e ba nɛ bumo alɛ maŋ nya loŋ be kebaawɔtɔ na? Kusɔ nɛ k ba e la fanɛ b daa maŋ ta yirda n fin bumo nɛ Ebɔrɛ be nferinto be kelela na, b daŋ ta ashuŋ shunso nna a fin kumo. Amoso, b daŋ fiti kejembu nɛ basa bee fiti kumo so na nna.