Matiu 7:1 - EBƆRƐ BE KAWƆL

¹ “Men sa maa wu abar be alubi nɛ Ebɔrɛ e sa maŋ ji menyi alɛ gba sheria.

Matiu 7:1 ပူးပေါင်းရင်းမြစ်များ

Aizaaya 66:5

Menyi nɛ menyee ŋana Enyɛnpe Ebɔrɛ nsaa wora mo kasonu na e nu kusɔ nɛ e kaŋɛ. E yɛ: “Ŋkpal men ka bee ji kashenteŋ a sa ma so, menyi gbagba be basa ko kishi menyi nna a maa sha ketu menyi n wora shɛŋ. Baa wora menyi eyurto nna a kaŋɛ le: ‘Men shin nɛ Enyɛnpe Ebɔrɛ na e ŋini mbe eleŋgboŋ nseŋ mɔlga menyi, saŋɛ na so anyeeŋ wu fanɛ menyi be ŋgbene fuli menyi.’ Ama bumo gbagba beeŋ ji anishinyɔr!”

Matiu 7:2

Ŋkpal manɛ so, ekpa kama so nɛ menyee bɔla a wu abar be alubi na gbagba so nɛ Ebɔrɛ gba beeŋ bɔla n wu menyi be alubi nseŋ ber asɔ kanaŋkamaso nɛ menyee ber amo a sa men braana na gbagba chap n sa menyi.

Matiu 7:5

Kebirkɔnshiwura ere, a daga fanɛ fo lara kedishaŋ nɛ k wɔ fo gbagba be kenishi to na pɔɛŋ nseŋ tiŋ n wu nɛnɛ n lara kaduubi ashi fo barkasa be kenishi to.

Luuk 6:37

Men sa maa wu abar be alubi nɛ Ebɔrɛ e sa maŋ ji menyi alɛ gba sheria. Men sa maŋ kaŋɛ fanɛ eko wora n jija n daga kasogberge nɛ Ebɔrɛ e sa maŋ kaŋɛ fanɛ men wora n da so n daga kasogberge. Men baa ta men braana be alubi a paŋ bumo nɛ Ebɔrɛ e ta men be alubi m paŋ menyi.

Luuk 6:41

Manɛ e ba nɛ fee wu kaduubi nɛ k wɔ fo niopibi be kenishi to nsaa kplaŋ kedishaŋ nɛ k wɔ fo gbagba be kenishi to so?

Baru lela nɛ Jɔn kute na 8:7

B ka kraa wɔtɔ a bishi mo na nɛ e niŋi to n yili ŋ kaŋɛ bumo: “Menyi be ekama nɛ e maŋ kɔ kulubi e fara ŋ kpa kache ere kejembu.”

Jeems 3:1

Ŋ kurgepoana, men be bedamta e sa maa kɔ a fin fanɛ men ki beŋinipoana, ŋkpal manɛ so, asheŋ nɛ Ebɔrɛ beeŋ yili so n ji anyi beŋinipo demu shi a chɔ basa pɔtɛ peya.