Matiu 6:5 - EBƆRƐ BE KAWƆL

⁵ Nɛ men baa kule Ebɔrɛ, men sa maa kule fanɛ kananɛ kebirkɔnshiwuraana bee kule na. Ŋkpal manɛ so, bumo ere bee kaa sha fanɛ b baa yil nshɛrbuana to nɛ ŋkpancheriana to nna a kule Ebɔrɛ nɛ basa e wu bumo. Kashenteŋ nɛ mee kaŋɛ menyi na, b teŋ nya bumo be kechɔrɔ kikɛ.

Matiu 6:5 ပူးပေါင်းရင်းမြစ်များ

Nshɛ 5:2

Ma Ebɔrɛ nɛ ma ewura, nu ma kushu. Enyɛnpe Ebɔrɛ, mee kule fo nna, chɛ ma to.

Nshɛ 55:17

Chipurso nɛ kapaso nɛ kanyɛso kikɛ, e bee nu ma nfubel nna.

Aŋasa 15:8

Enyɛnpe Ebɔrɛ kishi belubiworapo be sarga ga, ama basa lela bre be kabɔrɛkule bee bɔlɔ mo kenishi nna ga.

Aŋasa 16:5

Enyɛnpe Ebɔrɛ kishi esa nɛ e kɔ mpuchi ga. Kumo alɛ maŋ kɔ emɔrɔ fanɛ e beeŋ gberge loŋ be basa kusoe.

Aizaaya 1:15

Nɛ menyee maŋ menyi be enɔana so ashi kabɔrɛkule to, m maaŋ gbɛ ŋ keni menyi gba. Kanaŋkama nɛ men kule ma gba, m maaŋ nu n sa menyi, ŋkpal manɛ so, men la bemɔpo nna nɛ ŋklaŋ gbiti menyi be enɔana.

Jɛremaya 29:12

Saŋɛ na so menyeeŋ bɛta m ba ma kutɔ m ba shu n tre ma a fin kechɛto nɛ n nu menyi be kekule na.

Danɛl 6:10

Danɛl ka nu mbra na be asheŋ nɛ e yɔ epe. Mbe laŋ to be kuchoŋi be esoso be ebu be etokuro malɛ daŋ shoŋi Jerusalɛm be kaba so nna. Ndoŋ nna nɛ e gbir etokuro na ase a kule Ebɔrɛ fanɛ kananɛ e chɛr a wora na. E bee kaa gbir ndoŋ nna a kule Ebɔrɛ ale asa karechɛ kikɛ.

Matiu 21:22

Nɛ men baŋ yirda, menyeeŋ nya kusɔ kama nɛ men kule ashi kabɔrɛkule to.”

Matiu 23:13

Asheŋ maaŋ nyalɛ n sa menyi mbraŋinipoana nɛ Efarisiana ere kikɛ, kebirkɔnshiwuraana ere, ŋkpal men ka bee kuŋ basa ashi Ebɔrɛ be kuwura na to be keluri na to so. Men gbagba maa luri ebɔrɛso be kuwura na to, menyi alɛ nseŋ naa shin nɛ basa nɛ b daa beeŋ baa sha keluri bee paŋ kumo to be keluri.

Matiu 23:5

Bumo be asheŋ woraso kama to, basa nɛ baa sha fanɛ b wu bumo. Men keni kananɛ baa shin nɛ bumo be kabɔrɛkule be awulbi bee kpalga to loŋ nsaa shin nɛ bumo be nle malɛ be nnɔ bee shi a du jolijoli.

Matiu 23:6

Kejigboŋ be bunyanso be echenakpaana nɛ baa sha nsaa sha kebaachena bunyanso be mbɛ so ashi nshɛrbuana to.

Matiu 6:1

“Men baa da so nɛ men maa shuŋ men be kabɔrɛshuŋana basa be anishito nɛ b baa wu menyi. Nɛ mannɛ aloŋ, men maaŋ nya kechɔrɔ kikɛ ashi men Tuto nɛ e wɔ ebɔrɛso na kutɔ.

Matiu 6:16

Nɛ men baa kishi, men sa maa gbir kenishi to fanɛ kananɛ kebirkɔnshiwuraana na bee wora na, ŋkpal manɛ so, baa kaa chɛrga bumo be anishiakpaana nna nɛ basa e wu b ka bee kishi. Kashenteŋ nɛ mee kaŋɛ menyi na fanɛ b teŋ nya bumo be kechɔrɔ kikɛ.

Matiu 6:2

Amoso, men baŋ kɛ betirpo asɔ, men sa maa na a ber kumo be loŋ be kebomboŋ fanɛ kananɛ kebirkɔnshiwuraana na wɔ nshɛrbuana to nɛ agbembiana so a wora nɛ basa e chɔrɔ bumo na so. Kashenteŋ nɛ mee kaŋɛ menyi na fanɛ loŋ be basa na teŋ nya bumo be kechɔrɔ kikɛ.

Matiu 9:38

Amoso, men kule Kasɔteŋiwura na nɛ e shuŋi beshumpo ko n ti so nɛ b chala mbe asɔ na.”

Maak 11:25

Nɛ men ya kaa yil a kule Ebɔrɛ, men baa kɔ nfɛra niŋiso a sa esa kama nɛ e wora n da menyi so na nsaa ta a paŋ mo nɛ men Tuto nɛ e wɔ ebɔrɛso na e ta menyi alɛ gba be alubi m paŋ menyi.

Maak 12:38

Yesu be keŋini na to nɛ e kaŋɛ bumo: “Men baa de mbraŋinipoana so. Bumo e naa sha kebaabuu epiŋi tenteŋ a nite a kilgi to nɛ b baa chɔrɔ bumo bunyanso na.

Luuk 11:43

Farisiebi, asheŋ maaŋ nyalɛ n sa menyi nɛ menyee sha kebaachena bunyanso be mbɛ so ashi nshɛrbuana to nseŋ naa sha nɛ basa e baa tu menyi kebɛ to a chɔrɔ menyi bunyanso na.

Luuk 18:1

Nɛ Yesu bɔ bumo keŋasa ere a ŋini kananɛ a daga fanɛ b baa kule Ebɔrɛ saŋkama nsaa maa pɔ aba.

Luuk 18:13

Ndoŋ nna nɛ lamposɔpo na malɛ ya yili kufɔ ŋ kur kumu n yuu kasawule nseŋ bri mbe kagbene so ŋ kaŋɛ: ‘Ebɔrɛ, n la alubiworapo nna, wu ma kuwɔr.’ ”

Luuk 20:47

Bumo e naa puni bekulpocheana a suge bumo be nwu nsaa ta kabɔrɛkule tenteŋ kebirkɔnshiso a kule Ebɔrɛ na. Ŋkpal loŋ be asheŋ ere kikɛ so, bumo be kasogberge beeŋ baa shi a chɔ ekama peya.”

Luuk 6:24

Asheŋ maaŋ ba nyalɛ n sa menyi nɛ men wɔ kebaawɔtɔ belbelso to a kɔ asɔ naniere kikɛ, ŋkpal manɛ so, men teŋ nya men be tɔnɔ.

Baru lela nɛ Jɔn kute na 16:24

Hale m ba fo mbre, men maŋ naŋ ta ma ketre ŋ kule shɛŋ. Men kule nseŋ nya nɛ menyi be ŋgbene e fuli menyi m baŋ so.

Ɛfesesebi 6:18

Jemanɛ kikɛ, men baa kule Ebɔrɛ ashi kiyoyu na to a ta kabɔrɛkule be yiri kikɛ nɛ asheŋ nɛ menyee sha fanɛ a wora kikɛ a kule Ebɔrɛ. Men baa kɔ le be asheŋ ere men be ŋgbene to nsaa keni so a de so nsaa kule Ebɔrɛ saŋkama a sa Ebɔrɛ be basa kikɛ.

1 Tɛsalɔnikaebi 5:17

a kule Ebɔrɛ saŋkama.

Jeems 4:6

K kɔ kifi, ama Ebɔrɛ be kuwɔr e shi ga. Abɔrɛsibɛ na malɛ e naa kaŋɛ loŋ fanɛ: “Ebɔrɛ maa shuli a sa kamoowuwuraana, basa nɛ b maŋ kɔ kamoowu nɛ e bee wu kuwɔr.”