Matiu 6:28 - EBƆRƐ BE KAWƆL

²⁸ Nɛ manɛ so nɛ menyee fɔŋ asɔbuuso so? Men keni kananɛ kupuŋ to be afitiri be atoto bee daŋ a walɛ loŋ, ama amo alɛ maa shuŋ shɛŋ ŋko a lue amo gbagba be asɔbuuso,

Matiu 6:28 ပူးပေါင်းရင်းမြစ်များ

Hoziya 14:5

Meeŋ ki fanɛ bunyaŋ nɛ k bee tɔr kasawule so n sa menyi, Israɛl be basa. Menyeeŋ ba ki fanɛ Lebanɔn be ndibi nɛ a kɔ atoto damta nɛ a bugi to a walɛ nɛ amo be nliŋi luri kasawule to m pɛ amo to kpakpa na.

Matiu 10:10

Men sa maŋ ta ekɔlgu n lar ekpa na to ŋko nle anyɔnyɔ ŋko asɛbta nyɔsopoana ŋko akpabiana n ti men be amu so n yɔ. A daga eshumpo ka nya mbe keji mbe kushuŋ to.

Matiu 6:25

Amoso, mee kaŋɛ menyi nna fanɛ men sa maa fɔŋ men be ŋkpa so a wɔtɔ a fɛ kananɛ menyeeŋ tiŋ n nya kusɔ jiso nɛ kusɔnuuso be asheŋ, ŋkpal manɛ so, mannɛ ŋkpa e chɔ ajibi a? Menyi alɛ e sa maŋ naa fɔŋ menyi be eyurana so a wɔtɔ a fɛ kananɛ menyeeŋ tiŋ n nya asɔbuuso be asheŋ, ŋkpal manɛ so, mannɛ eyur e chɔ asɔbuuso a?

Matiu 6:27

Ŋko menyi be emo e naaŋ tiŋ n ta kafɔŋ n shin nɛ mbe ŋkpa e wora nteŋ n ti so?

Matiu 6:31

Amoso, men sa maa fɔŋ so a kaŋɛ le: ‘Manɛ nɛ anyeeŋ ji ŋko manɛ nɛ anyeeŋ nuu ŋko manɛ nɛ anyeeŋ buu?’

Luuk 10:41

Ndoŋ nna nɛ Enyɛnpe na kaŋɛ Maata: “Maata Maata, sa maŋ shin nɛ asheŋ damta e tir fo a jija fo kagbene.

Luuk 12:11

“Nɛ b baŋ yɛr menyi nshɛrbuana to be benimuana be anishito ŋko n yɛr menyi egomena nɛ bewuraana kutɔ, men sa maa fɔŋ kananɛ menyeeŋ ya malga so ŋko kusɔ nɛ menyeeŋ ya kaŋɛ so.

Luuk 12:22

Nɛ Yesu kaŋɛ mbe bebɛsopo: “Amoso, mee kaŋɛ menyi nna fanɛ men sa maa fɔŋ menyi be ŋkpa so a wɔtɔ a fɛ kananɛ menyeeŋ tiŋ n nya kusɔ jiso be asheŋ, ŋkpal manɛ so, ŋkpa e chɔ ajibi. Menyi alɛ e sa maŋ naa fɔŋ menyi be eyurana so a wɔtɔ a fɛ kananɛ menyeeŋ tiŋ n nya asɔbuuso be asheŋ,

Luuk 12:27

Men keni kananɛ afitiri be atoto bee daŋ a walɛ loŋ, ama amo alɛ maa shuŋ shɛŋ ŋko a lue amo gbagba be asɔbuuso, ŋkeshin nɛ men baa nyi fanɛ Ewura Sɔlɔmɔn e daa kɔ kemaŋkura nɛ asɔ ga ere gba daa maa kɔ asɔbuuso nɛ a walɛ n fo atoto ere so.

Luuk 3:11

Nɛ e kaŋɛ bumo: “Ekama nɛ e kɔ nle anyɔ, e lara kuko n sa emo nɛ e maŋ kɔ. Nɛ ekama malɛ nɛ e kɔ ajibi e sa beko.”

Filipaiebi 4:6

Men sa maa fɔŋ kusɔ kama so men be kebaawɔtɔ to, ama kusɔ kama to men baa kaŋɛ Ebɔrɛ men be asheŋ tirso be asheŋ a kule mo fanɛ e chɛ menyi to nsaa chɔrɔ mo.

1 Pita 5:7

Men ta men be asheŋ tirso kikɛ a lɛ mo so, ŋkpal manɛ so, men be asheŋ wɔ mbe kagbene to ga.