Matiu 6:23 - EBƆRƐ BE KAWƆL

²³ Ama nɛ fo anishi baa maŋ walɛ, tentembiri e naaŋ baŋ bɔlɔ fo eyur na kikɛ to. Amoso, nɛ kefulto nɛ k wɔ fo to na baa la tentembiri, kumo ere tentembiri gbagba nna pasaa!

Matiu 6:23 ပူးပေါင်းရင်းမြစ်များ

Aŋasa 26:12

Ewulpo bɔ esa nɛ e bee tre mbe kumu enyiashempo, mo alɛ nseŋ wuli.

Aizaaya 8:20

Ndoŋ nna nɛ men kaŋɛ bumo le: “Men baa nu kusɔ nɛ Enyɛnpe Ebɔrɛ na bee ŋini menyi nsaa maa nu a sa bekpalpo nɛ belejipo, ŋkpal manɛ so kusɔ nɛ baaŋ kaŋɛ menyi na maaŋ tiŋ n lara menyi ashi etɔrɔ to. Kare maaŋ chɛ bekama nɛ baa malga le ere be ekama!

Jɛremaya 4:22

Ndoŋ nna nɛ Enyɛnpe Ebɔrɛ na kaŋɛ le: “Ma basa maŋ kɔ nfɛra, bumo alɛ maŋ naa nyi ma. B du fanɛ mbia wulpo nɛ b maa pin asheŋ to nna. Asheŋ lubi be kebaawora nɛ b nyi ga, ama asheŋ lela bre b maŋ nyi amo be kewora.”

Matiu 20:15

M maŋ kɔ ekpa nna nɛ n ta ma amansherbi n wora kusɔ nɛ mee sha a? Ŋko fee besa eyur nna ŋkpal ma kelela so?”

Matiu 6:22

Esa be anishi e la mbe eyur be kefulto. Amoso, nɛ fo anishi baa walɛ, kefulto malɛ bee bɔlɔ fo eyur kikɛ to nna.

Maak 7:22

Ndoŋ nɛ kayu nɛ kamɔ nɛ kubojuaji nɛ kayɛlga nɛ dalubisheŋ nɛ kafule nɛ kusɔjigaya nɛ kayurbesa, nɛ basa be atre be kejija nɛ kamoowu nɛ kawuli kikɛ bee shi.

Luuk 11:34

Fo anishi e la fo eyur be kefulto. Fo anishi baa walɛ, kefulto malɛ bee bɔlɔ fo eyur kikɛ to nna. Ama nɛ fo anishi baa maŋ walɛ, tentembiri e naaŋ baŋ bɔlɔ fo eyur na kikɛ to.

Luuk 8:10

Nɛ e kaŋɛ: “Ebɔrɛ bugi mbe kuwura na to be kesheŋ ŋini be ewulo nna n sa menyi, ama aŋasa to nɛ basa pɔtɛ bre beeŋ nu Ebɔrɛ be kuwura na to be asheŋ. Loŋ nɛ baaŋ keni, ama b maaŋ wu shɛŋ, baaŋ nu, ama b maaŋ pin to.”

Romebi 1:22

B yɛ b nyi asheŋ, ama bumo alɛ ki bewulpo nna.

1 Kɔrintebi 2:14

Durnya ere to be esa bre maaŋ tiŋ n nya asɔ nɛ a bee shi Ebɔrɛ be Kiyoyu na kutɔ. Kashenteŋto, a la kawulisheŋ nna n sa mo nɛ e maaŋ tiŋ m pin amo to kikɛ, ŋkpal manɛ so, Kiyoyu na nawule e naaŋ tiŋ ŋ ŋini mo amo be asheŋ.

Ɛfesesebi 4:18

Alubi tegsi bumo nna n shin nɛ bumo be ŋgbene biri to tuum a maŋ naa pin asheŋ to ŋkpal bumo be ŋgbene kpakpaso nɛ kemaa nyi nɛ k bee ji kuwura bumo so na so. Naniere bumo nɛ ŋkpa nɛ Ebɔrɛ bee sa na barga abar cheche.

Ɛfesesebi 5:8

Ŋkpal manɛ so, dra na menyi alɛ gba daa wɔ tentembiri to nna, ama naniere bre men wɔ kefulto to nna ashi Enyɛnpe na to. Amoso, men baa wɔtɔ fanɛ basa nɛ b wɔ kefulto to.

1 Jɔn 2:11

Ama ekama nɛ e bee kishi mo niopibi wɔ tentembiri to nna na, mo alɛ nsaa na tentembiri to. E maŋ nyi kakpa nɛ e bee yɔ, ŋkpal manɛ so, tentembiri na e naa shin nɛ e maa wu.