Matiu 6:20 - EBƆRƐ BE KAWƆL

²⁰ Men baa bela men be ekpanjawu a yili ebɔrɛso, ndoŋ nɛ elala ŋko keku edare ŋ kreŋ so ŋko beyu ka beeŋ luri n yuri be asheŋ maŋ wɔ.

Matiu 6:20 ပူးပေါင်းရင်းမြစ်များ

Aizaaya 33:6

Mo nɛ anyee fute a yige so, ŋkpal e kaa bee mɔlga mbe basa jemanɛ kikɛ nsaa sa bumo kanyiasheŋ nɛ kashennyi damta so. Kebaaŋana Enyɛnpe Ebɔrɛ nsaa nu a sa mo nɛ baaŋ baa sha kewora ga a chɔ kusɔ kikɛ.

Matiu 19:21

Ndoŋ nna nɛ Yesu kaŋɛ mo: “Nɛ fee sha kebaadu cheembi, fo ya fa fo asɔ kikɛ n ta amo be amansherbi n sa betirpo, loŋ nɛ feeŋ nya ekpanjawu ashi ebɔrɛso. Ade be kaman nɛ fo ba bɛ ma so.”

Matiu 6:19

Men sa maa bela men be ekpanjawu a yili durnya ere to, ŋkpal manɛ so, elala beeŋ tiŋ n ji amo ŋko a beeŋ tiŋ ŋ ku edare ŋ kreŋ so n jija ŋko beyu beeŋ tiŋ n luri n yuri amo.

Maak 10:21

Nɛ Yesu keni mo kashaso ŋ kaŋɛ: “Kusɔ koŋwule e kraŋ ka nɛ fo wora. Kumo alɛ nde: Ya fa fo asɔ kikɛ n ta amo be amansherbi n sa betirpo. Loŋ nɛ feeŋ nya ekpanjawu ashi ebɔrɛso.

Luuk 12:33

Men fa menyi be ekpanjawu to be asɔ nseŋ ta amo be amansherbi n sa betirpo. Loŋ e naaŋ shin nɛ men baa kɔ ekpanjawu nɛ a bɔlɔ menyi be ekɔlgu a yil ebɔrɛso a maa jija, amo alɛ maa duga so. Eyu kikɛ maaŋ tiŋ n yuri amo ndoŋ, elala malɛ gba maaŋ tiŋ n ji amo.

Luuk 18:22

Yesu ka nu loŋ nɛ e kaŋɛ kanyɛn na le: “Kusɔ koŋwule e kraŋ ka nɛ fo wora. Kumo alɛ nde: Ya fa fo asɔ kikɛ nyam n ta amo be amansherbi n chige betirpo. Loŋ nɛ feeŋ nya ekpanjawu ashi ebɔrɛso. Ade be kaman nɛ fo ba bɛ ma so.”

1 Timoti 6:17

Ŋini bumo nɛ b kɔ dama durnya ere to na fanɛ b sa maa wu bumo be amu ŋko a ta bumo be yirda a deŋi bumo be asɔ so, ŋkpal manɛ so, esa kikɛ maaŋ tiŋ m pin kananɛ mbe asɔ beeŋ chɛr a wɔ mo kutɔ. Kusɔ nɛ k daga damawuraana ka wora e la b ka yirda Ebɔrɛ, ŋkpal manɛ so, mo e naa bugi kagbene a kɛ anyi asɔ yɛlyɛla so nɛ an baa ta a wushi an be ŋgbene.

1 Timoti 6:19

Le be asheŋ ere e naaŋ shin nɛ b nya asɔ nɛ baaŋ fute n yige so kachako so. Nɛ baa wora loŋ, baaŋ nya ŋkpa gbagba na.

Hibruwebi 10:34

Men daŋ tu basa nɛ b ti ebuana n ji awurfoŋ nɛ saŋɛ nɛ b daŋ ba suge menyi be asɔ na gba, men daŋ ta kagbenefuli n nyiti loŋ be kesheŋ na gba ŋkpal men ka daa nyi fanɛ men kɔ kusɔ nɛ k chɔ asɔ na ga nsaa maŋ kɔ ekar na so.

Hibruwebi 11:26

E daa sha kekpal Mesaya na so n ji anishinyɔr ga a chɔ keji Ijipt be damaso be asɔ na, ŋkpal manɛ so, mbe anishi daa yuu tɔnɔ mo nɛ e daa beeŋ nya kachako na so nna.

Jeems 2:5

Ŋ kurgepo shasoana, men baa nyi fanɛ basa nɛ b maŋ kɔ shɛŋ basa be anishito na nɛ Ebɔrɛ lara fanɛ b yirda Yesu Kristo nseŋ ki damawuraana ashi Ebɔrɛ be anishito nseŋ nya n luri mbe kuwura mo nɛ e nase kɔnɔ fanɛ e beeŋ sa basa nɛ baa sha mo na to.

1 Pita 1:4

Kede e shin nɛ an kɔ tama nɛ k maa chɛrga nseŋ naa keni enɛfa damta nɛ Ebɔrɛ kɔ a jo mbe basa na ekpa. Ebɔrɛso nɛ e kɔ amo a jo menyi, kakpa nɛ a maaŋ tiŋ m bɛ ŋko n jija ŋko ŋ kpeŋ kikɛ na.

1 Pita 5:4

Saŋɛ na so, Ekenipo Nimuso na kaŋ ya lar m ba, menyeeŋ nya kemaŋkurawuro mo nɛ k maa terge kikɛ na.

Kelaraŋŋini 2:9

N nyi men be etɔrɔ nsaa nyi men be ketir be asheŋ, ama kashenteŋ bre, damawuraana e la menyi. Ma alɛ kraŋ naa nyi mmalga lubi mo nɛ basa nɛ baa tre bumo be amu Juwebi, bumo alɛ ŋkaa maŋ la na bee malga a gbiti menyi, ama bumo alɛ la Setani be katuŋ to be basa nna.