Matiu 6:2 - EBƆRƐ BE KAWƆL

² Amoso, men baŋ kɛ betirpo asɔ, men sa maa na a ber kumo be loŋ be kebomboŋ fanɛ kananɛ kebirkɔnshiwuraana na wɔ nshɛrbuana to nɛ agbembiana so a wora nɛ basa e chɔrɔ bumo na so. Kashenteŋ nɛ mee kaŋɛ menyi na fanɛ loŋ be basa na teŋ nya bumo be kechɔrɔ kikɛ.

Matiu 6:2 ပူးပေါင်းရင်းမြစ်များ

Nshɛ 112:9

Baa bugi ŋgbene nna a kɛ betentaŋasepo asɔ nɛ bumo be kelela be kewora malɛ maŋ kɔ ekar. Amoso basa bee nyiŋi bumo jemanɛ kikɛ nna.

Nshɛ 37:21

Belubiworapo bee paŋ asɔ nna, nsaa kini keka. Ama basa nɛ baa wora asheŋ nɛ a niŋi na bre bee bugi kagbene nna a kɛ basa asɔ saŋkama.

Aŋasa 19:17

Kekɛ etirpo kusɔ du fanɛ fo ka ta kumo m paŋ Enyɛnpe Ebɔrɛ nna; Ebɔrɛ beeŋ ka fo kumo be kukɔ.

Aŋasa 20:6

Basa damta bee tre bumo amu beshenteŋjipo nna, ama kashenteŋ be beshenteŋjipo maa tiŋ a nya.

Kaŋinichiŋgeliŋ 11:2

Baa chige fo asɔ to a sa basa be yiri yiri damta, ŋkpal manɛ so, fo maaŋ tiŋ m pin jemanɛ nɛ kumu lubi beeŋ tu fo.

Aizaaya 10:6

N shuŋi Asiriyaebi nna fanɛ b ya kɔ efuli nɛ b kini ma n shin nɛ n nya agbo na kena. Ma e shuŋi bumo fanɛ b ya suge, nseŋ fuu bumo be asɔ eleŋso nsaa chichi bumo be basa so fanɛ agbembi so be depɔ na.”

Aizaaya 58:7

Men baa chige menyi be ajibi to a sa basa nɛ b maŋ kɔ nɛ b ji nsaa sa bumo nɛ b maŋ kɔ edesekpa kakpa nɛ b dese ashi menyi peana. Menyi alɛ e naa chɛ basa nɛ b maŋ kɔ asɔbuuso to, a sa bumo asɔbuuso nsaa maa kini kebaachɛ men kurgepoana to.

Aizaaya 9:17

Amoso Enyɛnpe Ebɔrɛ na maaŋ shin nɛ mbrantiɛfɔlbi na be ekama e nya n shile. Mo alɛ maaŋ wu bekulpoche nɛ amunibiana na be ekama kuwɔr. Ŋkpal manɛ so basa na kikɛ la amu kpakpaso wuraana nɛ b kini Ebɔrɛ nna. Bumo be malga kikɛ gba daa la asheŋ lubi be mmalga nna. Ama amo nɛ amo kikɛ, Enyɛnpe Ebɔrɛ na be agbo kra maaŋ wushi. E kraa shin nɛ e gberge bumo kusoe n ti so nna.

Hoziya 8:1

Enyɛnpe Ebɔrɛ yɛ: “Foŋ kabel! Ŋkpal ma basa ka kini kebɛ kɔnɔkoŋwule be ŋkre nɛ ma nɛ bumo wora na, nɛ ma keŋini so so, bedoŋ chala a gbelge ma kasawule so nna fanɛ njɔnɔkoso na.

Matiu 15:7

Kebirkɔnshiwuraana ere! Anebi Aizaaya ka daŋ wu menyi be asheŋ ŋ kaŋɛ na baa la kashenteŋ nna. E yɛ Ebɔrɛ kaŋɛ:

Matiu 16:3

Kumo be ŋklade nɛ men naŋ kaŋɛ: ‘Bɔrɛ bee sha keba nna na,’ ŋkpal men ka wu awɔlpa ka pere m biri to so. Menyee tiŋ a keni awɔlpa so a pin kananɛ a du be afito, ama men maaŋ tiŋ ŋ keni asheŋ nɛ a bee wora jemanɛ ere to ere m pin amo be afito.

Matiu 22:18

Ama Yesu daŋ pin bumo be nfɛra lubi na nseŋ bishi bumo:

Matiu 23:5

Bumo be asheŋ woraso kama to, basa nɛ baa sha fanɛ b wu bumo. Men keni kananɛ baa shin nɛ bumo be kabɔrɛkule be awulbi bee kpalga to loŋ nsaa shin nɛ bumo be nle malɛ be nnɔ bee shi a du jolijoli.

Matiu 23:6

Kejigboŋ be bunyanso be echenakpaana nɛ baa sha nsaa sha kebaachena bunyanso be mbɛ so ashi nshɛrbuana to.

Matiu 24:51

Enyɛnpe na malɛ ba tu mo loŋ, e beeŋ kuya mo so m bɛlɛ to nseŋ shin nɛ e yɔ kakpa nɛ kebirkɔnshiwuraana bee yɔ na. Ndoŋ nɛ basa wɔtɔ a shu nsaa we anyi to na.”

Matiu 5:18

Kashenteŋto nɛ mee kaŋɛ menyi na fanɛ, pɔɛŋ nɛ esoso nɛ kasawule e ba mur, mbra na to be kasibɛbi ŋko kedosobi nyitiibi kama maaŋ chɛrga m mur ama amo kikɛ ba bɔla so nna nyam.

Matiu 6:16

Nɛ men baa kishi, men sa maa gbir kenishi to fanɛ kananɛ kebirkɔnshiwuraana na bee wora na, ŋkpal manɛ so, baa kaa chɛrga bumo be anishiakpaana nna nɛ basa e wu b ka bee kishi. Kashenteŋ nɛ mee kaŋɛ menyi na fanɛ b teŋ nya bumo be kechɔrɔ kikɛ.

Matiu 6:3

Nɛ ekama nɛ e kɛ betirpo kakɛ kama, amodoŋwura e sa maŋ shin nɛ mbe enɔ bena e pin kusɔ nɛ mbe enɔjiso bee wora.

Matiu 6:5

Nɛ men baa kule Ebɔrɛ, men sa maa kule fanɛ kananɛ kebirkɔnshiwuraana bee kule na. Ŋkpal manɛ so, bumo ere bee kaa sha fanɛ b baa yil nshɛrbuana to nɛ ŋkpancheriana to nna a kule Ebɔrɛ nɛ basa e wu bumo. Kashenteŋ nɛ mee kaŋɛ menyi na, b teŋ nya bumo be kechɔrɔ kikɛ.

Matiu 7:5

Kebirkɔnshiwura ere, a daga fanɛ fo lara kedishaŋ nɛ k wɔ fo gbagba be kenishi to na pɔɛŋ nseŋ tiŋ n wu nɛnɛ n lara kaduubi ashi fo barkasa be kenishi to.

Maak 12:39

Bumo e naa sha kebaachena bunyanso be mbɛ so ashi nshɛrbuana to nseŋ naa sha kejigboŋ to be bunyanso be echenakpaana na.

Maak 7:6

Nɛ Yesu kaŋɛ bumo: “Kebirkɔnshiwuraana ere, anebi Aizaaya ka daŋ wu menyi be asheŋ ŋ kaŋɛ na baa la kashenteŋ nna. E yɛ: Ebɔrɛ kaŋɛ: ‘Basa ere be nnɔ nawule nɛ b kɔ a bunyaŋ ma, ama bumo be ŋgbene maŋ taga ma to.

Luuk 11:41

Kusɔ nɛ k daga kewora e la men ka bee ta asɔ ashi menyi be ekpanjawu to a kɛ betirpo nɛ kusɔ kama e nyalɛ n sa menyi.

Luuk 11:43

Farisiebi, asheŋ maaŋ nyalɛ n sa menyi nɛ menyee sha kebaachena bunyanso be mbɛ so ashi nshɛrbuana to nseŋ naa sha nɛ basa e baa tu menyi kebɛ to a chɔrɔ menyi bunyanso na.

Luuk 12:33

Men fa menyi be ekpanjawu to be asɔ nseŋ ta amo be amansherbi n sa betirpo. Loŋ e naaŋ shin nɛ men baa kɔ ekpanjawu nɛ a bɔlɔ menyi be ekɔlgu a yil ebɔrɛso a maa jija, amo alɛ maa duga so. Eyu kikɛ maaŋ tiŋ n yuri amo ndoŋ, elala malɛ gba maaŋ tiŋ n ji amo.

Luuk 12:56

Kebirkɔnshiwuraana ere, menyee tiŋ a keni kasawule nɛ awɔlpa so a pin kananɛ a du be afito. To, nɛ manɛ e ba nɛ men maaŋ tiŋ m pin jemanɛ ere be kebaawɔtɔ be kifito?”

Luuk 13:15

Nɛ Enyɛnpe kaŋɛ mo: “Kebirkɔnshiwuraana e la menyi! Menyi be emo e maa saŋɛ mbe kena ŋko mbe kurma ashi kumo be kuluu to kewushiachɛ na a yɛr kumo nchu akpa nɛ k ya kaa nuu?

Luuk 20:46

“Men baa de mbraŋinipoana na so. Bumo e naa sha kebaabuu epiŋi tenteŋ a nite a kilgi to nɛ basa e baa tu bumo kebɛ to a chɔrɔ bumo bunyanso na. Bumo e naa sha kebaachena bunyaŋ be mbɛ so ashi nshɛrbuana to nseŋ naa sha kejigboŋ to be bunyanso be echenakpaana na.

Luuk 6:24

Asheŋ maaŋ ba nyalɛ n sa menyi nɛ men wɔ kebaawɔtɔ belbelso to a kɔ asɔ naniere kikɛ, ŋkpal manɛ so, men teŋ nya men be tɔnɔ.

Luuk 6:42

Nuso nɛ feeŋ wora n nya kagbene ŋ kaŋɛ fo niopibi: ‘N niopibi, shin nɛ n lara kaduubi nɛ k wɔ fo kenishi to ere n sa fo’, nsaa maa de kedishaŋ nɛ k wɔ fo gbagba be kenishi to so? Kebirkɔnshiwura ere! A daga fanɛ fo lara kedishaŋ nɛ k wɔ fo gbagba be kenishi to na pɔɛŋ nseŋ tiŋ n wu nɛnɛ n lara kaduubi nɛ k wɔ fo barkasa be kenishi to na.

Baru lela nɛ Jɔn kute na 13:29

Ŋkpal Judas ka daa keni katuŋ na be amansherbi so so, bumo be beko daa fɛ fanɛ Yesu daa kaŋɛ mo nna fanɛ e ya tɔ Kejigboŋ na to be asɔ nɛ baaŋ baa sha m ba ŋko fanɛ e ta kusɔ ko n ya sa betirpo.

Baru lela nɛ Jɔn kute na 5:41

M maa fin kechɔrɔ ashi basa kutɔ.

Baru lela nɛ Jɔn kute na 5:44

Menyee sha kebaanya mbo abar kutɔ, ama men maa wora ania a fin mbo ashi Ebɔrɛ koŋwule na kutɔ nɛ nuso nɛ menyeeŋ wora n yirda?

Baru lela nɛ Jɔn kute na 7:18

Esa kama nɛ e kɔ mo gbagba be eleŋ a malga asheŋ, bee fin mo gbagba be kemaŋkura nna na. Ama esa kama nɛ e bee fin kemaŋkura a sa esa nɛ e shuŋi mo la kashenteŋwura nna nɛ efɛsheŋ kikɛ maŋ wɔ mo so.

Ashuŋ Shunso 10:2

E daŋ chɛ Juwebi be betirpo to ga nseŋ daa kule Ebɔrɛ saŋkama.

Ashuŋ Shunso 10:31

‘Kɔɔnilias, Ebɔrɛ nu fo kabɔrɛkule na nseŋ naŋ wu fo alelasheŋ na.

Ashuŋ Shunso 10:4

Nɛ e ta mbe anishi n yuu malaika na so kufuso nseŋ bishi mo: “Manɛ nna, n nyɛnpe?” Nɛ malaika na kaŋɛ: “Ebɔrɛ nu fo kabɔrɛkuleana nseŋ naŋ wu fo kelela be kewora na nsaa shin nɛ e wora asɔ nɛ fee kule na.

Ashuŋ Shunso 11:29

Ndoŋ nna nɛ bebɛsopoana na kikɛ wora kɔnɔkoŋwule fanɛ bumo be ekama e bar amansherbi kanaŋkamaso nɛ e beeŋ tiŋ nɛ b ta n ya sa bekurgepoana nɛ b daa wɔ Judiya na.

Ashuŋ Shunso 24:17

Ŋ ka lar Jerusalɛm kumo be nfɛ damta nde kabre, nɛ n naŋ bɛta n ta amansherbi nɛ n ya kɛ ma basa nseŋ lara sarga.

Ashuŋ Shunso 9:36

Kache ko daa la eyirdapo a wɔ Jɔpa nɛ baa tre mo Tabita. Mbe Griik tre e la Dɔɔkas. Kumo be kifito e la Chibir. Kelela nɛ e daa wɔtɔ a wora saŋkama nsaa chɛ betirpo to.

Romebi 12:8

Nɛ kumo alɛ naa la basa be keleŋto, fo baa wora loŋ. Ekama malɛ nɛ e bee barga mbe kanya to a sa beko e baa bugi kagbene a wora loŋ. Ekama nɛ e la ejuŋkparpo e baa shuŋ ga nɛ emo nɛ mo alɛ naa wu basa kuwɔr e baa bugi kagbene a wora loŋ.

1 Kɔrintebi 13:3

Nɛ m baa tiŋ a ta kusɔ nɛ ŋ kɔ a kɛ basa ŋkaa beeŋ naŋ tiŋ n ta ma eyur n sa fanɛ b chɔɔ edɛ ŋkpal ma yirda so, ma alɛ ŋkaa maa kɔ kasha bre, kumo ere m maŋ nya tɔnɔ kikɛ.

Galeeshaebi 2:10

Kusɔ nɛ b daŋ baŋ kaŋɛ n ti so e la fanɛ an baa kraa chɛ betirpo to, loŋ malɛ gbagba nɛ n daa baŋ pere kenishi a wora.

Ɛfesesebi 4:28

Ekama nɛ e daa yuri e yige kayu na naniere nseŋ fara a ta mbe enɔana a wora asheŋ lela a shuŋ, saŋɛ na so e beeŋ nya kusɔ nɛ k daga n tiŋ n chɛ bumo nɛ b maŋ kɔ to.

1 Tɛsalɔnikaebi 2:6

An daa beeŋ tiŋ n shin nɛ men wora kusɔ kikɛ n sa anyi ŋkpal an ka la Yesu be beshuŋipo so, ama an daa maŋ fin mbo ashi esa kikɛ kutɔ ŋko menyi gbagba kutɔ ŋko basa pɔtɛ kutɔ.

1 Timoti 6:18

Ŋini bumo fanɛ b baa wora kelela nsaa la basa a bugi ŋgbene a sa basa bumo be asɔ na be ako.

Failimɔn 1:7

Ekurgepo, kasha nɛ fo kɔ na leŋ ma to ga n shin nɛ ma kagbene fuli ma ga, ŋkpal manɛ so, fo leŋ beyirdapoana na to.

Hibruwebi 13:16

Menyi alɛ e sa maŋ teŋ kebaawora kelela nɛ kebaata menyi be asɔana a chɛ abar to so, ŋkpal manɛ so, loŋ be esarga e naa par Ebɔrɛ.

1 Pita 4:11

Ekama nɛ e bee malga e shin nɛ mbe mmalga na e baa la fanɛ Ebɔrɛ be mmalga gbagba, nɛ ekama malɛ nɛ e bee shuŋ mo braana e baa ta eleŋ mo nɛ Ebɔrɛ bee sa mo na a wora loŋ, saŋɛ na so, kusɔ kama to, Ebɔrɛ beeŋ bɔla Yesu Kristo so n nya epaŋ be kedi. Kemaŋkura nɛ eleŋ e baa la mo peya mbaanaayɔ. Amɛn.

1 Samuɛl 15:30

Nɛ Sɔɔl kaŋɛ le: “N wora kulubi ama mee kule fo nna nɛ fo ta bunyaŋ m buu ma so ashi benapo be benimu ere nɛ Israɛl be basa kikɛ be anishito n shin nɛ n tu fo n ya bunyaŋ Enyɛnpe fo Ebɔrɛ na.”