Matiu 6:19 - EBƆRƐ BE KAWƆL

¹⁹ Men sa maa bela men be ekpanjawu a yili durnya ere to, ŋkpal manɛ so, elala beeŋ tiŋ n ji amo ŋko a beeŋ tiŋ ŋ ku edare ŋ kreŋ so n jija ŋko beyu beeŋ tiŋ n luri n yuri amo.

Matiu 6:19 ပူးပေါင်းရင်းမြစ်များ

Job be kawɔl 24:16

Kanyɛso nɛ beyu bee bure a luri basa be elaŋ to, ama kare baŋ chɛ nɛ b shile ŋ ŋana, ŋkpal manɛ so, b maa sha kefulto be asheŋ.

Job be kawɔl 31:24

Ma ere maŋ naŋ ta ma yirda n deŋi kedamaya so kikɛ,

Nshɛ 39:6

K bee choŋ manaŋ manaŋ nna fanɛ kiyoyul na. Awurfoŋ nɛ anyee ji ere kikɛ la fuloŋ nna. Anyee fin asɔ nna a deŋi abar so a yili nsaa maŋ nyi esa nɛ e beeŋ ba ji amo be kapetɛ kachako so.

Nshɛ 62:10

Sa maŋ ta fo tama n deŋi kapuni be asɔ so, ŋko a wu fo kumu ŋkpal kayu be asɔ so. Loŋ beeŋ tiŋ n sa fo asɔ damta, ama sa maŋ ta fo kagbene n deŋi amo so.

Ɛksodɔs 22:2

K daga fanɛ esa e ka kusɔ kama nɛ e yuri be kukɔ. Nɛ e maŋ kɔ nɛ e ka malɛ, b fa mo fanɛ kenya ŋ ka kusɔ nɛ e yuri na be kukɔ. Nɛ esa yuri kena ŋko kurma ŋko kubolpɔ nɛ b ya wu kumo amodoŋwura kutɔ nɛ k kraa keni, k daga fanɛ e ka loŋ be asɔbɔya anyɔ n sa kusɔbɔyawura. Nɛ esa bee kɔ a fin keluri esa be laŋ to n yuri kanyɛso, nɛ b ŋmɛa mo m mɔ, esa nɛ e mɔ mo na maŋ wora kulubi, ama nɛ k la kapaso bre, esa nɛ e mɔ mo na wora kulubi ŋkpal e ka mɔ mo na so.

Aŋasa 11:4

Kedamaya maaŋ ba kɔ tɔnɔ n sa fo gbagba fo kaluwuachɛ, ama kashenteŋji bre beeŋ tiŋ m mɔlga fo ŋkpa.

Aŋasa 16:16

Kanyiasheŋ nɛ kenyi bɔ shuwa nɛ gbiti.

Kaŋinichiŋgeliŋ 2:26

Ebɔrɛ bee ta kanyiasheŋ nɛ kenyi nɛ kagbenefuli nna a sa bekama nɛ baa wora mbe aparsheŋ. Ama belubiworapo bre, e bee shin nna nɛ baa shuŋ a nya asɔ a yili, nɛ bekama nɛ baa wora Ebɔrɛ be aparsheŋ na e ba ji amo be kapetɛ. Ade kikɛ la asheŋ fuloŋ nna. A du nna fanɛ kebaa ju a bɛ afu so.

Zefanaiya 1:18

Kachɛ nɛ Enyɛnpe Ebɔrɛ na be agbogboŋ na beeŋ gbelge bumo so na, eshuwa nɛ egbiti nɛ b kɔ na kikɛ gba maaŋ tiŋ m mɔlga bumo. Mbe agbo na beeŋ koso fanɛ edɛ m mur kasawule kikɛ. Nɛ esa kama nɛ e wɔ durnya to be kebaawɔtɔ e ba ekar epul to.

Matiu 19:21

Ndoŋ nna nɛ Yesu kaŋɛ mo: “Nɛ fee sha kebaadu cheembi, fo ya fa fo asɔ kikɛ n ta amo be amansherbi n sa betirpo, loŋ nɛ feeŋ nya ekpanjawu ashi ebɔrɛso. Ade be kaman nɛ fo ba bɛ ma so.”

Matiu 6:20

Men baa bela men be ekpanjawu a yili ebɔrɛso, ndoŋ nɛ elala ŋko keku edare ŋ kreŋ so ŋko beyu ka beeŋ luri n yuri be asheŋ maŋ wɔ.

Luuk 12:21

Nɛ Yesu kaŋɛ: “To, kusɔ nɛ k beeŋ nya basa nɛ b maŋ kɔ shɛŋ Ebɔrɛ be anishito nsaa wɔtɔ a chala asɔ a sa bumo be amu nna na.”

Luuk 12:33

Men fa menyi be ekpanjawu to be asɔ nseŋ ta amo be amansherbi n sa betirpo. Loŋ e naaŋ shin nɛ men baa kɔ ekpanjawu nɛ a bɔlɔ menyi be ekɔlgu a yil ebɔrɛso a maa jija, amo alɛ maa duga so. Eyu kikɛ maaŋ tiŋ n yuri amo ndoŋ, elala malɛ gba maaŋ tiŋ n ji amo.

Luuk 12:39

Men baa nyi fanɛ laŋwura kama baa nyi saŋɛ nɛ eyu beeŋ ba mbe laŋ to e maaŋ shin nɛ eyu na e ba tintiŋ n luri mbe kowu m ba yuri.

Luuk 18:22

Yesu ka nu loŋ nɛ e kaŋɛ kanyɛn na le: “Kusɔ koŋwule e kraŋ ka nɛ fo wora. Kumo alɛ nde: Ya fa fo asɔ kikɛ nyam n ta amo be amansherbi n chige betirpo. Loŋ nɛ feeŋ nya ekpanjawu ashi ebɔrɛso. Ade be kaman nɛ fo ba bɛ ma so.”

Luuk 18:24

Ndoŋ nna nɛ Yesu keni mo boeŋ nseŋ kaŋɛ le: “Kashenteŋto, a beeŋ nu damawuraana ga pɔɛŋ nɛ b luri Ebɔrɛ be kuwura na to.

1 Timoti 6:17

Ŋini bumo nɛ b kɔ dama durnya ere to na fanɛ b sa maa wu bumo be amu ŋko a ta bumo be yirda a deŋi bumo be asɔ so, ŋkpal manɛ so, esa kikɛ maaŋ tiŋ m pin kananɛ mbe asɔ beeŋ chɛr a wɔ mo kutɔ. Kusɔ nɛ k daga damawuraana ka wora e la b ka yirda Ebɔrɛ, ŋkpal manɛ so, mo e naa bugi kagbene a kɛ anyi asɔ yɛlyɛla so nɛ an baa ta a wushi an be ŋgbene.

Hibruwebi 13:5

Men lara menyi be ŋgbeneana ashi kemansherbisha to nseŋ shin nɛ asɔ nɛ men kɔ na e baa kukwe menyi, ŋkpal manɛ so, Ebɔrɛ kaŋɛ fanɛ: “M maaŋ yige menyi kikɛ, ma alɛ maaŋ kplaŋ menyi so kikɛ.”