Matiu 6:12 - EBƆRƐ BE KAWƆL

¹² nseŋ ta anyi be alubi m paŋ anyi fanɛ kananɛ anyi alɛ gba ta m paŋ bumo nɛ b wora n da anyi so na.

Matiu 6:12 ပူးပေါင်းရင်းမြစ်များ

1 Bewura 8:30

Saŋkama nɛ ma nɛ fo basa Israɛlebi baŋ kilgi anishito n shoŋi kakpa ere a kule fo Ebɔrɛ, fo yili fo pe ebɔrɛso n nu n sa anyi nseŋ ta anyi be alubi m paŋ anyi.

1 Bewura 8:34

kumo ere fo yili esoso n nu bumo be kekule nseŋ ta bumo be alubi m paŋ bumo n naŋ bɛta bumo m ba kasawule nɛ fo ta n sa bumo nɛ bumo nananyɛnana na so.

1 Bewura 8:39

fo yili esoso n nu bumo be kekule nseŋ ta bumo be alubi m paŋ bumo. Fo nawule e nyi dimɛdi be kagbene to. Shin nɛ ekama e nya mbe asheŋ woraso be kakɔka,

1 Bewura 8:50

n ta fo basa be alubi nɛ b wora ŋ gbiti fo kikɛ m paŋ bumo n shin bumo doŋana e baa wora bumo kelela.

Nshɛ 130:4

Ama fee ta anyi be alubi a paŋ anyi nna; saŋɛ na so kɔnɔ beeŋ mɔ anyi ashi fo anishito.

Nshɛ 32:1

Kagbenefuli la bekama nɛ Ebɔrɛ ta bumo be alubi m paŋ bumo na peya nna. Bumo nɛ e ta bumo be aworandeso ŋ kɛ bumo na.

Ɛksodɔs 34:7

Ma e naa ŋini benananyɛn ŋgboŋto ŋgboŋto kasha nsaa ta basa be edalubi nɛ kumukpakpaso nɛ alubi a paŋ bumo na. Ama ma alɛ maa kplaŋ alubiworapoana be kewora n jija so a maa gberge bumo kusoe. Ma e naa kpal betuto nɛ benio be alubi so e gberge bumo be mbia kusoe hale n ya fo bumo be kenanafofo nɛ kenana gbiramuli na.”

Aizaaya 1:18

Ade be kaman nɛ Enyɛnpe Ebɔrɛ na naŋ kaŋɛ le: “Naniere, men shin nɛ an ji kesheŋ na. Kulubi shin nɛ men pere kpeŋ fanɛ ŋklaŋ, ama meeŋ fɔr menyi so nɛ men fuli parr a chɔ ateebi.

Danɛl 9:19

Enyɛnpe Ebɔrɛ, nu anyi be kekule nseŋ ta an be alubi m paŋ anyi! Enyɛnpe Ebɔrɛ, wora kusɔ ko n sa anyi naniere, saŋɛ na so fo ketre beeŋ nya kemaŋkura.”

Matiu 26:28

Ma ŋklaŋ nɛ a lar a sa basa damta na nde. Amo e naa ti Ebɔrɛ nɛ dimɛdi be kɔnɔkoŋwule be ŋkre na so a bar alubi be ketampaŋ na.

Matiu 9:2

Ndoŋ nna nɛ basa ko sulɔ eyurwusowura ko mbe kekpata so m ba nɛ b ba sa mo. Yesu ka wu yirda nɛ basa nɛ b bar mo na kɔ nɛ e kaŋɛ eyurwusowura na: “Baa kɔ kagbene, m pibinyɛn. N ta fo alubi m paŋ fo.”

Maak 11:25

Nɛ men ya kaa yil a kule Ebɔrɛ, men baa kɔ nfɛra niŋiso a sa esa kama nɛ e wora n da menyi so na nsaa ta a paŋ mo nɛ men Tuto nɛ e wɔ ebɔrɛso na e ta menyi alɛ gba be alubi m paŋ menyi.

Luuk 11:4

Ta anyi be alubi m paŋ anyi, ŋkpal manɛ so, anyi alɛ gba ta m paŋ ekama nɛ e wora n da anyi so. Sa maŋ shin nɛ an luri kechɔŋkeni to.’ ”

Luuk 13:4

Ŋko menyee tama fanɛ basa kuduaburwa nɛ Sailowam be kejaŋ jeŋgreŋ daŋ tɔr bumo so m mɔ na e daŋ wora n da Ebɔrɛ so ga a chɔ basa nɛ b daa wɔ Jerusalɛm to na kikɛ a?

Luuk 6:37

Men sa maa wu abar be alubi nɛ Ebɔrɛ e sa maŋ ji menyi alɛ gba sheria. Men sa maŋ kaŋɛ fanɛ eko wora n jija n daga kasogberge nɛ Ebɔrɛ e sa maŋ kaŋɛ fanɛ men wora n da so n daga kasogberge. Men baa ta men braana be alubi a paŋ bumo nɛ Ebɔrɛ e ta men be alubi m paŋ menyi.

Ashuŋ Shunso 13:38

Ŋ kurgepoana, men kikɛ e baa nyi geeŋ fanɛ Yesu nawule so nɛ b bɔ alubi be ketampaŋ be kubɔya na a sa menyi.

Ɛfesesebi 1:7

Ŋkpal manɛ so, Kristo be luwu na so e shin nɛ an nya an be amu na. Ebɔrɛ ta anyi be alubi m paŋ anyi. Kashenteŋto malɛ Ebɔrɛ be kuwɔr be kakɛ nɛ e bugi kagbene kikɛ n sa anyi na shi pasaa.

Ɛfesesebi 4:32

Kebaawɔtɔ nɛ k daga fanɛ men baa kɔ e la fanɛ men baa la basa a wu abar kuwɔr nsaa ta abar be alubi a paŋ abar fanɛ kananɛ Ebɔrɛ bɔla Kristo so n ta men be alubi m paŋ menyi na.

Kɔlɔsiebi 3:13

Men baa kɔ kanyiti a kɔ abar to a ta abar be asheŋ a paŋ abar. Kananɛ Enyɛnpe na ta m paŋ menyi na, menyi alɛ gba e baa ta a paŋ abar.