Matiu 5:9 - EBƆRƐ BE KAWƆL

⁹ Kagbenefuli la bekama nɛ baa bar kagbenewushi basa so na peya nna, ŋkpal manɛ so, Ebɔrɛ beeŋ tre bumo mbe mbia.

Matiu 5:9 ပူးပေါင်းရင်းမြစ်များ

1 Kronikɛls 12:17

Ndoŋ nna nɛ Deevid daŋ lar n ya tu bumo nseŋ kaŋɛ bumo le: “Nɛ men la beteri nɛ baa ba nɛ b ba chɛ ma to ŋ kɔ nna bre, kumo ere mee wora menyi ansaŋ nɛ keba. Ama nɛ fanɛ men ba nna nɛ men ba debɔr ma ŋ ŋini ma doŋana saŋɛ nɛ m maŋ wora menyi kulubi kikɛ ere, an nananyɛnana be Ebɔrɛ na beeŋ gberge menyi kusoe.”

Nshɛ 120:6

N chena basa nɛ b kishi kayurwushi be asheŋ na to n chɛr ga!

Nshɛ 34:12

Menyeeŋ baa sha kenu kebaawɔtɔ to be ebel a? Menyeeŋ baa sha efute tenteŋ nɛ kagbenefuli a?

Matiu 5:45

saŋɛ na so menyeeŋ baa la men Tuto nɛ e wɔ ebɔrɛso na be mbia. Men baa nyi fanɛ mo ere gbagba maa kpɛa to a shin nɛ mbe epeŋi bee nyaŋɛ a yuu basa lela so a ka basa lubi, mo alɛ maŋ naa shin nɛ bɔrɛ bee ba a sa basa nɛ baa ji asheŋ nɛ amo be ekpa so a ka bumo nɛ b maa wora loŋ na.

Matiu 5:48

A daga fanɛ menyi ere e baa du cheembi fanɛ kananɛ men Tuto Ebɔrɛ nɛ e wɔ ebɔrɛso na du na.

Luuk 20:36

Ŋkpal manɛ so, b maaŋ naŋ tiŋ n wu, baaŋ baa wɔtɔ nna fanɛ emalaika nsaa la Ebɔrɛ be mbia ŋkpal b ka naŋ ba ŋkpa to so.

Luuk 6:35

Men baa sha men doŋana nsaa wora bumo kelela. Men sa maa ta men be asɔ a paŋ basa nsaa tama kebɛta n nya tɔnɔ kama ashi bumo kutɔ. Loŋ nɛ menyeeŋ nya tɔnɔgboŋ nseŋ ki Enyɛnpetale Ebɔrɛ na be mbia. Ebɔrɛ gba bee wora ebutuli nɛ dalubiwuraana kelela.

Ashuŋ Shunso 7:26

Kumo be ŋklade nɛ e wu Israɛlebi be benyɔ ka bee bile nɛ e yɔ nɛ e ya wora ania m barga bumo to ŋ kaŋɛ: ‘Men nu nfe, men la basa koŋwule nna nɛ manɛ e ba nɛ menyee wora a da abar so le?’

Romebi 12:18

Men baa wora ania kanaŋkamaso nɛ menyeeŋ tiŋ nɛ menyi nɛ basa kikɛ e baa wɔ kagbenewushi be kebaawɔtɔ to.

Romebi 8:14

Bekama nɛ Ebɔrɛ be Kiyoyu na bee juŋkpar bumo na kikɛ la Ebɔrɛ be mbia nna.

Romebi 8:16

Kiyoyu na malɛ gbagba e naa chɛ anyi be ayoyu to a ŋini fanɛ an la Ebɔrɛ be mbia nna kashenteŋto.

Romebi 8:19

Ebɔrɛ be kepɔrso kikɛ nyam malɛ baa jɔŋ kumo be aya so nna a jo saŋɛ nɛ Ebɔrɛ beeŋ lara mbe mbia efuli na.

1 Kɔrintebi 6:6

Ama ekurgepo ko bee ta mo barkasa nna a yɔ demujikpa nɛ b ya yili basa nɛ b maa bɛ Yesu so na be anishito a?

2 Kɔrintebi 13:11

To, bekurgepoana, Ebɔrɛ e chɛ menyi to. Men baa kɔ a fin kebaawɔtɔ niŋiso. Men baa du fanɛ kananɛ ŋ kule menyi na nsaa kɔ kɔnɔkoŋwule a wɔtɔ nseŋ naa wɔ kagbenewushi to, nɛ kasha nɛ kagbenewushi be Ebɔrɛ na e baa wɔ menyi to.

2 Kɔrintebi 5:20

Amoso, anyi e la Ebɔrɛ be katelamushuŋipoana a du fanɛ basa nɛ Ebɔrɛ bee bɔla bumo so a kule menyi nsaa fiɛ menyi so. Amoso, anyee ta Kristo be ketre nna a kule menyi ga fanɛ: Men shin nɛ menyi nɛ Ebɔrɛ e naaŋ nyalɛ.

Galeeshaebi 5:22

Ama nɛ Kiyoyu na baa wɔ esa to, le be asɔ lela ere e du fanɛ kusɔrso a wɔ amodoŋwura to nɛ e bee wora: Kasha nɛ kagbenefuli nɛ kagbenewushi nɛ kanyiti nɛ kebaala esa nɛ alelasheŋ nɛ kebaayɛ a wora

Ɛfesesebi 4:1

Ma Pɔɔl nɛ n wɔ kabuti to ŋkpal Enyɛnpe so na e naa leŋ menyi to a kaŋɛ menyi fanɛ men baa kɔ kebaawɔtɔ nɛ k maa ji ketre nɛ Ebɔrɛ tre menyi na emɔrɔ.

Filipaiebi 4:2

Yuodia nɛ Sintiki, men jande, mee kule menyi nna fanɛ men wora ania n lɔŋɛ abar a wɔtɔ fanɛ besipoche nɛ b la Enyɛnpe na peya.

Kɔlɔsiebi 3:13

Men baa kɔ kanyiti a kɔ abar to a ta abar be asheŋ a paŋ abar. Kananɛ Enyɛnpe na ta m paŋ menyi na, menyi alɛ gba e baa ta a paŋ abar.

Hibruwebi 12:14

Men wora ania nɛ menyi nɛ basa kikɛ e baa wɔ ebel nɛ men baa kɔ kebaawɔtɔ cheembiana, ŋkpal manɛ so, esa kama maaŋ wu Ebɔrɛ na ama amodoŋwura baa kɔ kebaawɔtɔ cheembi nna.