Matiu 5:8 - EBƆRƐ BE KAWƆL

⁸ Kagbenefuli la bekama nɛ kulubi kama maŋ wɔ bumo be ŋgbene to na peya nna, ŋkpal manɛ so, baaŋ wu Ebɔrɛ.

Matiu 5:8 ပူးပေါင်းရင်းမြစ်များ

Jɛnesis 32:30

Amoso nɛ Jeekɔb daŋ nase kaboŋ na be ketre Peniyɛl na, ŋkpal manɛ so, e yɛ: “N wu Ebɔrɛ kenishiso nfe nna, ma alɛ maŋ wu.”

2 Samuɛl 22:27

Basa kama nɛ kulubi maŋ wɔ bumo to na nɛ fee lara fo kumu a ŋini, ama belubiworapo bre be alubi be kakɔka nɛ fee sa bumo.

Nshɛ 15:2

Basa nɛ baa wora Ebɔrɛ kasonu kusɔ kama to na, nɛ bumo nɛ bumo be asheŋ woraso niŋi akpa na, nɛ bumo nɛ baa ji kashenteŋ ashi bumo be ŋgbene to

Nshɛ 18:26

Fee ta kagbenekoŋwule nna a wora asheŋ a sa bumo nɛ b kɔ kagbenekoŋwule. Ama fee gberge alubiworapoana bre kusoe nna.

Nshɛ 24:4

Basa nɛ bumo be ashuŋ shuŋso nɛ nfɛra fɛso niŋi ekpa, nɛ bumo alɛ maa shuŋ agbir, ŋko a bɔ ntaŋ a ku efɛ na.

Nshɛ 51:10

Shin nɛ n nya nfɛra niŋiso nseŋ shin nɛ n naa ji kashenteŋ.

Nshɛ 51:6

Kashenteŋ nawule nɛ fo ere bee sha. Amoso ŋini ma kashenteŋ be kanyiasheŋ.

Nshɛ 73:1

Kashenteŋto, Ebɔrɛ walɛ n sa Israɛl nɛ bekama nɛ baa bunyaŋ mo nɛ ŋgbene fuful na.

Aŋasa 22:11

Fo baa sha asheŋ niŋiso nsaa kɔ kamalga belbelso, kumo ere feeŋ tiŋ n ji ewura kenekpa.

Ashuŋ Shunso 15:9

E maŋ ŋini fanɛ an kɔr bumo to. Bumo be yirda so nɛ e ta bumo be alubi m paŋ bumo.

1 Kɔrintebi 13:12

Naniere bre anyee wu asɔ nna lii fanɛ an ka bee keni digi to na. Ama saŋko anyeeŋ wu kusɔ kama kenishiso nɛnɛ. Naniere n nyi asheŋ to gbrɛbi nna, ama saŋko meeŋ pin kusɔ kama to nɛnɛ n loge fanɛ kananɛ Ebɔrɛ nyi ma to na.

2 Kɔrintebi 7:1

N teri shasoana, ŋkpal an ka kɔ le be nnɔ nasesoana ere kikɛ so, men shin nɛ an fɔr kusɔ kama nɛ k bee sa dimɛdi be eyur nɛ mbe kiyoyu eyurpi n lɛ ŋkeŋ shin nɛ an baa pere kenishi a sha kebaaki cheembi nɛnɛ a wɔ Ebɔrɛ be kaŋana be kebaawɔtɔ to.

Taites 1:15

Basa nɛ b du cheembi, kusɔ kama malɛ du cheembi nna bumo kutɔ, ama bekama nɛ b maŋ du cheembi bumo alɛ nsaa maŋ kɔ yirda na, shɛŋ shɛŋ maŋ du cheembi bumo kutɔ. Bumo be ŋgbene nɛ bumo be nfɛra fɛso kikɛ maŋ lar so.

Hibruwebi 10:22

men shin nɛ an ta kashenteŋ be ŋgbene nɛ yirda nɛ k maŋ kɔ shikashika nɛ ŋgbene mo nɛ b fɔr amo be nfɛra fɛso lubi n lɛ na nɛ eyurana nɛ b ta nchu mo nɛ a maŋ kɔ eyurpi amo to n fɔr na n firgi n taga Ebɔrɛ to.

Hibruwebi 12:14

Men wora ania nɛ menyi nɛ basa kikɛ e baa wɔ ebel nɛ men baa kɔ kebaawɔtɔ cheembiana, ŋkpal manɛ so, esa kama maaŋ wu Ebɔrɛ na ama amodoŋwura baa kɔ kebaawɔtɔ cheembi nna.

Hibruwebi 9:14

kumo ere, kusɔ nɛ Yesu be ŋklaŋ na bre beeŋ tiŋ n wora shi pasaa. Ŋkpal manɛ so, e bɔla Kiyoyu nɛ e wɔ ŋkpa to saŋkama na so nna n ta mo gbagba be kumu nɛ k maŋ kɔ kulubi kikɛ na n lara sarga n sa Ebɔrɛ. Mbe ŋklaŋ na e naa fɔr anyi be ŋgbeneana to be nfɛra fɛsoana ashi amo be aworbi jiga to na, saŋɛ na so anyeeŋ tiŋ n shuŋ Ebɔrɛ nɛ e wɔ ŋkpa to na.

Jeems 3:17

Kanyiasheŋ nɛ k shi ebɔrɛso na bre maŋ kɔ kulubi kikɛ kumo to. Kumo e naa bar kagbenewushi nsaa shin nɛ basa du boeŋ nsaa shuli a nu asheŋ nɛ basa pɔtɛ bee kaŋɛ. Kuwɔr nɛ alelasheŋ e bɔlɔ kumo to. Esa nɛ e kɔ loŋ be kanyiasheŋ maŋ la nfɛranyɔnyɔwura, mo alɛ maŋ kɔ kebirkɔnshi.

Jeems 4:8

Men firgi n taga to Ebɔrɛ nɛ e firgi n taga to menyi. Alubiworapoana nɛ nfɛraanyɔnyɔwuraana ere, men lara men be enɔana nɛ ŋgbene ashi alubi be kewora to.

1 Pita 1:22

Naniere bre men ka nu n sa kashenteŋ na nɛ b fɔr men be ŋgbeneana to nɛ men nyalɛ so a kɔ kashenteŋ be kasha a sha men kurgepoana ere, men baa ta men be ŋgbene kikɛ a sha abar kagbene koŋwuleso.

Kelaraŋŋini 22:4

Baaŋ wu mbe anishiakpa nɛ mbe ketre malɛ e baa deŋ bumo be nsɔtoana so.