Matiu 5:7 - EBƆRƐ BE KAWƆL

⁷ Kagbenefuli la kuwɔrwupoana peya nna, ŋkpal manɛ so, Ebɔrɛ beeŋ wu bumo alɛ gba kuwɔr.

Matiu 5:7 ပူးပေါင်းရင်းမြစ်များ

2 Samuɛl 17:28

B daŋ bar ntishaŋ nɛ mpuliya nɛ b ta ebɔ m pɔr, nɛ asɔ deseso, nɛ ajibi nna m ba sa Deevid nɛ mbe basa. Ayu nɛ aboyu nɛ aboyutɔso nɛ chɛbɛ nɛ akuloŋku nɛ mushoŋ nɛ wagashi nɛ mbolpɔ gba daŋ ti so. Ŋkpal manɛ so b daa nyi geeŋ fanɛ akoŋ nɛ achukoŋ nɛ kegben beeŋ pɛ Deevid nɛ mbe basa ashi kiyi na to.

2 Samuɛl 22:26

O Enyɛnpe Ebɔrɛ, fee ji kashenteŋ a sa bekama nɛ bumo alɛ gba bee ji kashenteŋ a sa fo. Nsaa wora bumo nɛ b maŋ kɔ amoso na kelela.

Nshɛ 112:4

Basa nɛ baa wu kuwɔr nsaa la basa a wora asheŋ niŋiso na du fanɛ kefulto nna ashi tentembiri to.

Nshɛ 112:9

Baa bugi ŋgbene nna a kɛ betentaŋasepo asɔ nɛ bumo be kelela be kewora malɛ maŋ kɔ ekar. Amoso basa bee nyiŋi bumo jemanɛ kikɛ nna.

Nshɛ 18:25

Fee ji kashenteŋ nna a sa bekama nɛ baa ji kashenteŋ na. Fo alɛ maa pɔlɔ bumo nɛ b maŋ kɔ mpulɔ na.

Nshɛ 37:26

Ama baa nya a ji nɛnɛ nna, nsaa bugi kagbene a kɛ basa asɔ yɛlyɛla so; nɛ bumo be mbia malɛ bee nya nɛfa.

Aŋasa 11:17

Nɛ fee wora kelela fo kumu nɛ fee wora a sa. Nɛ basa be awurfoŋ bee wora fo ebel, fo alɛ gba beeŋ luri tɔrɔ to.

Aŋasa 11:25

Fo baa bugi enɔ a kɛ feeŋ dii dama. Chɛ beko to nɛ beko malɛ e chɛ fo to.

Aŋasa 14:21

Kekishi fo kurgepo la kulubi nna, ama Ebɔrɛ beeŋ nɛfa bekama nɛ baa chɛ betirpo to.

Aŋasa 19:17

Kekɛ etirpo kusɔ du fanɛ fo ka ta kumo m paŋ Enyɛnpe Ebɔrɛ nna; Ebɔrɛ beeŋ ka fo kumo be kukɔ.

Aizaaya 57:1

Basa niŋiso bee wu nɛ ekama malɛ be shɛŋ maŋ wɔtɔ bumo to. Ama nɛ b baŋ wu malɛ b maŋ naa luri alubi to.

Danɛl 4:27

Amoso Yiramu, nu n sa ma kasotoji ere. Yige alubi be kebaawora nsaa wora alela nɛ asheŋ niŋiso. Baa wu betirpo kuwɔr. Loŋ nɛ fo kanyɛ beeŋ baa ti so saŋkama.”

Hoziya 1:6

Gooma ka naŋ di kedampo nɛ e kurge ebiche. Nɛ Enyɛnpe Ebɔrɛ kaŋɛ Hoziya le: “Nase kebia na be ketre Lo-Ruhaama, kumo be kifito e la m maaŋ naŋ ŋini kasha; ŋkpal manɛ so maaŋ naŋ ŋini Israɛlebi ma kasha ŋko n ta bumo be alubi gba m paŋ bumo.

Hoziya 2:1

Amoso tre fo braana Israɛlebi, Ebɔrɛ be basa nɛ basa nɛ Enyɛnpe Ebɔrɛ bee sha.

Hoziya 2:23

Meeŋ chɛ ma basa to nɛ b chena kasawule ere so n dii dama. Meeŋ ŋini bekama nɛ b maa sha na ma kasha. Nseŋ shin nɛ bekama nɛ b yɛ b maŋ la ma basa na e ki ma basa, nɛ bumo alɛ e shuli so a tre ma bumo be Ebɔrɛ.”

Maika 6:8

Ayai, Enyɛnpe Ebɔrɛ na teŋ kaŋɛ anyi kusɔ nɛ k walɛ. Kusɔ nɛ e bee fin anyi kutɔ e la, kebaawora asheŋ nɛ amo be ekpa so nɛ kebaa ŋini kasha nsaa kɔ kamubrase a nu a sa mo.

Maak 11:25

Nɛ men ya kaa yil a kule Ebɔrɛ, men baa kɔ nfɛra niŋiso a sa esa kama nɛ e wora n da menyi so na nsaa ta a paŋ mo nɛ men Tuto nɛ e wɔ ebɔrɛso na e ta menyi alɛ gba be alubi m paŋ menyi.

Luuk 6:35

Men baa sha men doŋana nsaa wora bumo kelela. Men sa maa ta men be asɔ a paŋ basa nsaa tama kebɛta n nya tɔnɔ kama ashi bumo kutɔ. Loŋ nɛ menyeeŋ nya tɔnɔgboŋ nseŋ ki Enyɛnpetale Ebɔrɛ na be mbia. Ebɔrɛ gba bee wora ebutuli nɛ dalubiwuraana kelela.

Romebi 11:30

An ta fanɛ menyi nnyamase le, saŋɛ na men daa maa nu a sa Ebɔrɛ, ama naniere e bee wu menyi kuwɔr nna ŋkpal Juwebi ka maa nu a sa mo so.

1 Kɔrintebi 7:25

To, naniere men shin nɛ an keni bumo nɛ b maŋ naŋ luri kakil to na be asheŋ to. Enyɛnpe maŋ ta kamalga naseso nɛ k bee yɔ bumo be kaplɛa so n sa ma, ama meeŋ kaŋɛ menyi kusɔ nɛ ma nɛ n la esa nɛ baaŋ tiŋ n yirda ŋkpal Enyɛnpe na be kuwɔr so na gbagba be nfɛra bee kaŋɛ ma.

2 Kɔrintebi 4:1

To, ŋkpal Ebɔrɛ ka wu anyi kuwɔr n sa anyi le be kushuŋ ere so, anyi maa pɔ aba.

Ɛfesesebi 4:32

Kebaawɔtɔ nɛ k daga fanɛ men baa kɔ e la fanɛ men baa la basa a wu abar kuwɔr nsaa ta abar be alubi a paŋ abar fanɛ kananɛ Ebɔrɛ bɔla Kristo so n ta men be alubi m paŋ menyi na.

Kɔlɔsiebi 3:12

Amoso, men baa wora le be kelela ŋkpal Ebɔrɛ ka lara menyi ŋ kɔr a sha menyi a shin nɛ men baa du cheeŋ na so. Men baa wu kuwɔr, men baa la basa, men baa kɔ bunyaŋ, men baa kɔ kushuso, men baa kɔ kanyiti.

1 Timoti 1:13

Ama e wu ma kuwɔr, ŋkpal manɛ so, ŋ ka daa maŋ yirda na so e shin nɛ n wora kawulisheŋ na.

1 Timoti 1:16

Ama Ebɔrɛ wu ma, alubiworapoana be ejuŋkparpo na kuwɔr nɛ e ŋini durnyaebi kananɛ Kristo Yesu be kanyiti ka shi nɛ b yirda mo nseŋ nya ŋkpa nɛ k maŋ kɔ ekar na.

Hibruwebi 4:16

Amoso, naniere, men shin nɛ an nya kagbene m ba Ebɔrɛ na be kuwurputiakpa, kakpa nɛ kuwɔr be kakɛ wɔ na. Ndoŋ nɛ Ebɔrɛ beeŋ wu anyi kuwɔr nɛ an nya kuwɔr be kakɛ mo nɛ k beeŋ chɛ anyi to saŋɛ nɛ k daga na.

Hibruwebi 6:10

Ebɔrɛ maŋ la esa nɛ e maa wora asheŋ nɛ amo be ekpa so nna nɛ e teŋ menyi be kushuŋ na so nseŋ naŋ teŋ kechɛto nɛ men kpal kasha mo nɛ men kɔ a sha mo na so n chɛ mbe basa to nseŋ kraa chɛ bumo to na so.

Jeems 2:13

Esa nɛ e maa wu mo braana kuwɔr, kachɛ nɛ Ebɔrɛ bee ji amodoŋwura demu e maaŋ wu mo alɛ gba kuwɔr. Ama esa nɛ e bee wu basa kuwɔr, Ebɔrɛ beeŋ wu amodoŋwura kuwɔr a chɔ loŋ.

Jeems 3:17

Kanyiasheŋ nɛ k shi ebɔrɛso na bre maŋ kɔ kulubi kikɛ kumo to. Kumo e naa bar kagbenewushi nsaa shin nɛ basa du boeŋ nsaa shuli a nu asheŋ nɛ basa pɔtɛ bee kaŋɛ. Kuwɔr nɛ alelasheŋ e bɔlɔ kumo to. Esa nɛ e kɔ loŋ be kanyiasheŋ maŋ la nfɛranyɔnyɔwura, mo alɛ maŋ kɔ kebirkɔnshi.

1 Pita 2:10

Saŋko men daa maŋ la Ebɔrɛ be basa, ama naniere men la mbe basa nna. Saŋko Ebɔrɛ daa maŋ wu menyi kuwɔr, ama naniere men nya mbe kuwɔr.