Matiu 5:6 - EBƆRƐ BE KAWƆL

⁶ Kagbenefuli la bekama nɛ alelasheŋ be kebaawɔtɔ bee yɛlga bumo nsaa pere bumo kenishi na peya nna, ŋkpal manɛ so, baaŋ ba nya kumo kanaŋkamaso nɛ baa sha.

Matiu 5:6 ပူးပေါင်းရင်းမြစ်များ

Nshɛ 107:9

E bee sa ekama nɛ achukoŋ kɔ kusɔnuuso nna nɛ e bee nuu. Ekama malɛ nɛ akoŋ kɔ, e bee sa mo kusɔ jiso lela nna.

Nshɛ 145:19

Mo alɛ bee sa bekama nɛ baa bunyaŋ mo na asɔ nɛ a tir bumo nna nsaa nu bumo be kekule a mɔlga bumo ashi etɔrɔ to.

Nshɛ 17:15

Meeŋ ba fo anishito, ŋkpal manɛ so, m maŋ wora kulubi kikɛ. M baŋ tiŋi nseŋ wu fanɛ fo wɔ ma kutɔ, ma kagbene beeŋ fuli nna.

Nshɛ 63:5

Meeŋ boŋ kapandi be nshɛ kagbenefuliso; nɛ ma eyur e saŋɛ ma to n shin nɛ m moɛ, fanɛ b ka wora kejigboŋ nɛ n ji na.

Nshɛ 65:4

Fo nɛfa bekama nɛ fo lara na nna, n shin nɛ b chena n sha fo ashi fo bɔrɛlambu to. Anyeeŋ ji anyi be amu ashi fo laŋ to nɛ fo bɔrɛlambu cheembi na to.

Nshɛ 84:2

Kumo to be keyɔ bee yɛlga ma ga! Enyɛnpe Ebɔrɛ na be bɔrɛlambu to be keyɔ wɔ ma kagbene to ga. N ta ma kagbene nɛ ma eyur kikɛ nna a boŋ nshɛ kagbenefuliso a sa Ebɔrɛ nɛ e wɔ ŋkpa to na.

Aŋasa 10:24

Basa nɛ baa wora asheŋ niŋiso bee nya kusɔ nɛ baa sha nna, ama kusɔ nɛ belubiworapo bre maa sha nɛ baa nya ga.

Aŋasa 21:21

Esa kama nɛ e bee wora asheŋ nɛ a niŋi nsaa sha basa bee yɔ anishito nna, nsaa nya kemaŋkura nɛ kebaawɔtɔ lela.

Sɔlɔmɔn 5:1

M ba ma kudɔbi to, ŋ jipo, nɛ ma kejafɔ. N chala ma etulale nɛ asɔ dufɛso Ŋ ji ma mushoŋkɔrfɔ nɛ mushoŋchu; nseŋ nuu ma nsa belbelso nɛ kenyipochu. Ji nseŋ nu kanaŋkama so nɛ fee sha; shin nɛ kasha e boo fo.

Aizaaya 25:6

Enyɛnpetale Ebɔrɛ na beeŋ bela ajibi lela nɛ asɔ nuuso belbelso be kejigboŋ ase n sa durnya to be efuliana kikɛ so ebi ashi kebee nɛ baa tre Zayɔn na so ashi Jerusalɛm.

Aizaaya 41:17

Nɛ ma basa be ebɔl to wɔlto ŋkpal achukoŋ so, nɛ baa fin nchu nɛ b nuu nseŋ kule ma, ma, Enyɛnpe Ebɔrɛ na beeŋ nu bumo be kekule. Ma, Israɛl be Ebɔrɛ na, maaŋ kplaŋ bumo so kikɛ.

Aizaaya 44:3

Meeŋ shin nɛ kasawule nɛ k wɔl a baŋɛ ŋ ki mbombi e shile kumo so. Meeŋ shin nɛ ma kiyoyu e gbelge menyi be mbia so nɛ ma nɛfa e ba menyi be kaman to ebi so.

Aizaaya 65:13

Kumo be kaman nɛ Enyɛnpetale Ebɔrɛ na naŋ kaŋɛ le: “Basa kama nɛ baa shuŋ ma nsaa wora ma kasonu na beeŋ nya n ji nseŋ nuu yilayilaso, ama akoŋ nɛ achukoŋ e naaŋ mɔ menyi alubiworapoana bre. Bumo be ŋgbene beeŋ fuli bumo ama menyi ere beeŋ ji anishinyɔr.

Aizaaya 66:11

Ŋkpal manɛ so, kumo be kemaŋkura nɛ kedamaya kikɛ beeŋ suse menyi alɛ gba fanɛ kananɛ kebibi bee nya a nyipo mo nio be anyipo na.

Jɛremaya 31:25

Meeŋ sa basa nɛ b gbeŋ a chul to na eleŋ popɔr nseŋ sa bumo nɛ akoŋ bɛlɛ na ajibi nɛ b ji m moɛ.

Luuk 1:53

E sa bumo nɛ akoŋ bee mɔ na asɔ lela ga nseŋ shin nɛ damawuraana bɛta n yɔ nɛ enɔfuloŋ.

Luuk 6:21

Kagbenefuli la menyi nɛ akoŋ kɔ naniere peya nna, ŋkpal manɛ so, menyeeŋ ba moɛ. Kagbenefuli la menyi nɛ menyee shu naniere peya nna, ŋkpal manɛ so, menyeeŋ ba mushe.

Luuk 6:25

Menyi nɛ menyee moɛ naniere, asheŋ maaŋ ba nyalɛ n sa menyi, ŋkpal manɛ so, akoŋ e naaŋ ba kaa mɔ menyi. Asheŋ maaŋ ba nyalɛ n sa menyi nɛ menyee mushe naniere, ŋkpal manɛ so, men be ŋgbene beeŋ ba jija menyi ga nɛ men shu anishichubi.

Baru lela nɛ Jɔn kute na 4:14

ama esa kama nɛ e nuu nchu nɛ meeŋ sa mo na maaŋ naŋ shu achukoŋ kikɛ. Kashenteŋto, nchu nɛ meeŋ sa amodoŋwura na beeŋ baa wɔ mo to a bul fanɛ ketirbu na a sa mo ŋkpa nɛ k maŋ kɔ ekar na.”

Baru lela nɛ Jɔn kute na 6:27

Men sa maa kɔ a fin ajibi nɛ a bee jija ere, men baa kɔ a fin ajibi nɛ a bee sa ŋkpa nɛ k maŋ kɔ ekar na. Ma, Nyiŋgbasa Pibinyɛn e naa sa loŋ be ajibi na, ŋkpal manɛ so, Ebɔrɛ Etuto na e ŋini fanɛ mbe kenyi wɔ ma so.”

Baru lela nɛ Jɔn kute na 7:37

Kejigboŋ na be nshɛr na be lalaloge be kachɛ, kumo be kachɛgboŋ na ka fo nɛ Yesu niŋi to n yili ŋ kaŋɛ awɔrso: “Esa kama nɛ achukoŋ kɔ mo, e ba ŋ kutɔ m ba nuu.

Kelaraŋŋini 7:16

Akoŋ maaŋ naŋ pɛ bumo, achukoŋ malɛ gba maaŋ pɛ bumo. Epeŋi maaŋ mɔ bumo, ebeldɛ malɛ gba maaŋ mɔ bumo.