Matiu 5:42 - EBƆRƐ BE KAWƆL

⁴² Nɛ esa kule fo kusɔ ko, fo sa mo, nɛ esa ko malɛ bee sha kepaŋ kusɔ ko fo kutɔ, fo sa maŋ mɔn mo.

Matiu 5:42 ပူးပေါင်းရင်းမြစ်များ

Nshɛ 37:21

Belubiworapo bee paŋ asɔ nna, nsaa kini keka. Ama basa nɛ baa wora asheŋ nɛ a niŋi na bre bee bugi kagbene nna a kɛ basa asɔ saŋkama.

Aŋasa 19:17

Kekɛ etirpo kusɔ du fanɛ fo ka ta kumo m paŋ Enyɛnpe Ebɔrɛ nna; Ebɔrɛ beeŋ ka fo kumo be kukɔ.

Aŋasa 21:26

ŋkpal manɛ so saŋkikɛ e bee fin kenya kusɔ ko nna. Ama esa nɛ e bee wora asheŋ niŋiso bre bee kaa kɔ asɔ nna a kɛ saŋkama.

Kaŋinichiŋgeliŋ 11:6

Baa wule a koso kachipurdidi n ya kaa duu fo asɔduu nsaa pere kenishi a shuŋ a tɔr epeŋi. Ŋkpal manɛ so fo maaŋ tiŋ m pin fanɛ kachipurso peya na ŋko kaaseso peya na e naaŋ wora n lar tɔnɔ n sa fo.

Danɛl 4:27

Amoso Yiramu, nu n sa ma kasotoji ere. Yige alubi be kebaawora nsaa wora alela nɛ asheŋ niŋiso. Baa wu betirpo kuwɔr. Loŋ nɛ fo kanyɛ beeŋ baa ti so saŋkama.”

Matiu 5:41

Esa kama malɛ nɛ e tintiŋ fo fanɛ fo nite mayɛl koŋwule be ekpa, fo tu mo n nite emayɛl anyɔ.

Luuk 11:41

Kusɔ nɛ k daga kewora e la men ka bee ta asɔ ashi menyi be ekpanjawu to a kɛ betirpo nɛ kusɔ kama e nyalɛ n sa menyi.

Romebi 12:20

Kusɔ nɛ k daga fanɛ men baa wora nde, nɛ akoŋ baa kɔ fo doŋ, fo sa mo ajibi, nɛ achukoŋ malɛ naa kɔ mo, fo sa mo kusɔnuuso nɛ e nuu. Nɛ fo baŋ wora loŋ, feeŋ ta anishinyɔr m pɛ edoŋ na.

Hibruwebi 13:16

Menyi alɛ e sa maŋ teŋ kebaawora kelela nɛ kebaata menyi be asɔana a chɛ abar to so, ŋkpal manɛ so, loŋ be esarga e naa par Ebɔrɛ.

Hibruwebi 6:10

Ebɔrɛ maŋ la esa nɛ e maa wora asheŋ nɛ amo be ekpa so nna nɛ e teŋ menyi be kushuŋ na so nseŋ naŋ teŋ kechɛto nɛ men kpal kasha mo nɛ men kɔ a sha mo na so n chɛ mbe basa to nseŋ kraa chɛ bumo to na so.

Jeems 1:27

Kashenteŋ nɛ kagbene koŋwuleso be kebɛso nɛ Ebɔrɛ Etuto na bee sha fanɛ basa e baa kɔ e la kebaachɛ amunibi nɛ bekulpocheana nɛ b wɔ awurfoŋ to to nsaa de mo gbagba be kumu so nɛ durnya to ebi be alubi e sa maŋ jija mo.