Matiu 5:28 - EBƆRƐ BE KAWƆL

²⁸ Ama ma e kaŋɛ menyi na fanɛ esa kama nɛ e keni eche kayɛlgaso teŋ tu eche na n ji kubojua mbe kagbene to nna na.

Matiu 5:28 ပူးပေါင်းရင်းမြစ်များ

Jɛnesis 34:2

Ndoŋ nna nɛ Shɛkɛm, Hamar nɛ e daa la Hivebi nɛ efuli na so be ewura na pibinyɛn wu Daina nseŋ pur mo.

2 Samuɛl 11:2

Kachako kaaseso Deevid ka di ŋ koso nseŋ dii mbe kuchoŋi so e nite a kulti nseŋ keni kaseto n wu kache lela kebita ko ka bee bɛr.

Job be kawɔl 31:1

Ma, Job bɔ ntaŋ n nase kɔnɔ fanɛ m maa ba nɛ ŋ keni eche kayɛlga so kikɛ.

Job be kawɔl 31:9

Nɛ fanɛ n daŋ yɛlga esa ko be eche nseŋ ya ŋana n sha mo,

Nshɛ 119:96

N wu fanɛ kusɔ kama maŋ niŋi kumo alɛ kɔ ekar; fo mbraana nawule e niŋi nsaa maa kɔ ekar.

Ɛksodɔs 20:17

Men sa maa yɛlga men baraana be nwu ŋko bumo be beche ŋko bumo be anya ŋko bumo be ana ŋko ekurma ŋko kusɔ kama nɛ k la men braana peya.”

Aŋasa 6:25

Sa maŋ kpal loŋ be beche be kebita so n yɛlga bumo; ŋko n shin nɛ bumo be kayɛlga so be kekeni fo, e shin nɛ fo sha bumo.

Ezikɛl 23:16

E ka baŋ wu efoto na nɛ kayɛlga lubi luri mo to nɛ e shuŋi mbɔ Babilɔn be efuli so be benapo be benimuana na kutɔ.

Levitikɔs 18:20

Sa maŋ kaŋ di fo barkasa be eche, k beeŋ shin nɛ fo wora eyurpi.

Matiu 15:19

Ŋkpal manɛ so, esa be kagbene to nɛ nfɛra lubi nɛ a bee shin nɛ e bee mɔ, a ji kubojua nsaa wora kusɔ jigayaso be kanyɛnsha nɛ kachesha bee shi a lar. Ndoŋ nɛ kayu nɛ kafule nɛ basa be atre be kejija bee shi.

Matiu 5:22

Ama ma e kaŋɛ menyi na fanɛ ekama nɛ e nya agbo n wora mo barkasa a wɔtɔ gba, baaŋ yɛr mo demujipowura be anishito. Ekama nɛ e tege mo barkasa, baaŋ yɛr mo nshɛrwuraana nɛ baa tre Sanhedrinebi be anishito. Nɛ ekama malɛ nɛ e kaŋɛ mo barkasa le: ‘Ewulpo ere!’ Amodoŋwura wora kulubi n daga Setani be edɛ to be keluri.

Matiu 5:39

Ama ma e kaŋɛ menyi na fanɛ, nɛ esa lubi ko wora menyi kulubi, men sa maŋ wora mo kulubi n tal to. Nɛ esa baŋ kpa fo jisoso be ketaya etaŋ, fo naŋ kilgi fo bena so be ketaya gba n sa mo.

Romebi 7:14

An nyi mbra na ka la abɔrɛsheŋ, ama ma ere la nyiŋgbasa nna nɛ alubi kɔ ma fanɛ kenya.

Ditɛronɔmi 22:22

Nɛ fanɛ b pɛ enyɛn nɛ e bee di mo barkasa be eche, a daga fanɛ b mɔ bumo benyɔ kikɛ. Kananɛ menyeeŋ lara le be kulubi ere ashi menyi to nna na.

2 Pita 2:14

Kesakaleasheŋ e baŋ bɔlɔ bumo be nfɛraana to, bumo alɛ maa wora alubi a gben kikɛ. Bumo e naa fule basa nɛ b maa kra ketɔr a wɔtɔ asheŋ jiga to, bumo alɛ nseŋ naa la kejimuni be bejuŋkparpo. B wɔ Ebɔrɛ be kɔnɔso to nna.

1 Jɔn 2:16

Ŋkpal manɛ so, asɔ nɛ a la durnya ere to be asɔ fanɛ asɔ nɛ dimɛdi be kapɔr lubi ere bee sha nɛ asɔ nɛ basa bee wu nsaa yɛlga nɛ durnya ere to be kamoowusheŋ kikɛ nyam maŋ shi Etuto na kutɔ, a la durnya ere to be asɔ nna.