Matiu 5:25 - EBƆRƐ BE KAWƆL

²⁵ Nɛ fanɛ esa kaŋɛ fanɛ fo wora kusɔ ko n da mo so nsaa yɛr fo kɔɔti to, fo nya manaŋ n shin nɛ men lɔŋɛ abar ekpa to nɛ e sa maŋ ta fo m bɔɔ sheriajipo enɔ nɛ mo alɛ e ta fo n sa kabutikenipo nɛ mo alɛ e ta fo n ti ebu.

Matiu 5:25 ပူးပေါင်းရင်းမြစ်များ

Job be kawɔl 22:21

To, Job, shin nɛ fo nɛ Ebɔrɛ e naŋ nyalɛ abar so nɛ fo sa maŋ naa ta mo fanɛ fo doŋ. Nɛ fo wora loŋ, e beeŋ nɛfa fo.

Nshɛ 32:6

Amoso fo kama nɛ fee ŋana Ebɔrɛ, nsaa wɔ tɔrɔ to, fo kule mo. Saŋɛ na so, tɔrɔ be awɔrfoŋ nɛ k du fanɛ nchu ka to chufulgboŋ a ba eleŋso na maaŋ sulɔ fo n yɔ.

Aŋasa 25:8

Sa maa kuse a ta asheŋ a yɔ demujikpa. Mannɛ aloŋ b baŋ ji m bri fo anishinyɔr beeŋ pɛ fo.

Matiu 26:58

Ama saŋɛ na so nɛ Pita malɛ bɛ mo so a wɔ kaman kufɔ hale n ya fo bɔrɛmatapo nimuso na be laŋ to nseŋ luri n ya tu nyɛrbi na n chena a keni kusɔ nɛ k beeŋ wora.

Luuk 18:3

Ekulpoche ko malɛ daa wɔ kade na to a wɔtɔ a ba mo kutɔ m ba kaa kaŋɛ mo le: ‘Jande, keni ma nɛ ma doŋ be demu ere to n ji kashenteŋ n sɔ ma n yige.’

2 Kɔrintebi 6:2

Ŋkpal manɛ so, Ebɔrɛ bee kaŋɛ fanɛ: “Ma kepar be kachɛ nɛ n nu men be ebɔl, nseŋ naŋ chɛ menyi to kumɔlgaachɛ na.” To, ma alɛ e naa kaŋɛ menyi na fanɛ naniere e la Ebɔrɛ be kepar be kachɛ, kabre e la kumɔlga be kachɛ na.

Hibruwebi 12:17

Menyi alɛ gba nyi fanɛ kumo be kaman e ka daa naa sha kesɔ nɛfa na ashi mo tuto kutɔ, e daa maŋ naŋ nya kumo, ŋkpal manɛ so, e daŋ kɔ kenishipereso nɛ e nya ekpa n chɛrga ashi kusɔ nɛ e daŋ wora na to, ama e daa maŋ naŋ nya kumo be loŋ be ekpa.

Hibruwebi 3:13

Nɛ saŋɛ baa wɔtɔ nɛ baa tre kabre be saŋɛ, men baa leŋ abar to, saŋɛ na so, alubi be kafulesheŋ kama maaŋ shin nɛ menyi be ekama be kagbene e ki kpakpa.

Hibruwebi 3:7

To, loŋ malɛ nɛ Kiyoyu Cheeŋ na bee kaŋɛ na fanɛ: “Men baŋ nu Ebɔrɛ be ebɔl kabre,