Matiu 5:22 - EBƆRƐ BE KAWƆL

²² Ama ma e kaŋɛ menyi na fanɛ ekama nɛ e nya agbo n wora mo barkasa a wɔtɔ gba, baaŋ yɛr mo demujipowura be anishito. Ekama nɛ e tege mo barkasa, baaŋ yɛr mo nshɛrwuraana nɛ baa tre Sanhedrinebi be anishito. Nɛ ekama malɛ nɛ e kaŋɛ mo barkasa le: ‘Ewulpo ere!’ Amodoŋwura wora kulubi n daga Setani be edɛ to be keluri.

Matiu 5:22 ပူးပေါင်းရင်းမြစ်များ

Jɛnesis 37:4

Mo daana ka wu fanɛ bumo tuto bee sha Josɛf a chɔ bumo na nɛ b kishi mo nsaa maŋ naa malga mo kutɔ kashaso.

Jɛnesis 37:8

Ndoŋ nna nɛ mo daana na bishi mo: “Ama fee fɛ nna fanɛ feeŋ ba ji anyi so kuwura ŋko feeŋ ba kaa kɔ eleŋ anyi so a?” Nɛ b naŋ kpal edare na nɛ mbe mmalga so ŋ kishi mo ga n ti so.

2 Samuɛl 16:7

Shimei daŋ sho mo kɔnɔ nna ŋ kaŋɛ le: “Fo emɔpo nɛ esa jiga ere! Baa yɔ ŋ ka anyi.

2 Samuɛl 6:20

B ka loge nɛ Deevid bee ba laŋ to nɛ e ba chɔrɔ mbe kanaŋ, nɛ Sɔɔl pibiche Mikaal shɛr Deevid to ŋ kaŋɛ mo le: “Kabre Israɛl malɛ be ewura nase ketande bre! Mbe beyaasepo be mbita be anishito nɛ e delgeso fanɛ ewulpo!”

1 Bewura 21:4

Nɛ ewura Ahab nya agbo m bɛta n yɔ epe nɛ kagbenejija ŋkpal kusɔ nɛ Nabɔf kaŋɛ mo na so. E ka ba epe nɛ e ba dese ŋ kilgi mbe anishito n shoŋi egbal nseŋ kini keji ajibi.

2 Kronikɛls 16:10

Ewura Asa ka nu loŋ nɛ e nya agbo n wɔtɔ anebi na n shin nɛ b pɛ mo n ya ti ebu. Loŋ be jemanɛ na so nɛ ewura Asa fara a mɛaŋ basa na be beko.

2 Kronikɛls 19:5

E daŋ lara demujipoana nna n wɔtɔ nde nɛ b pɔr egbal ŋ kulti amo ashi Juda be efuli so na be kekama to

Nehemaya 5:8

An wora ania n tɔ anyi be basa nɛ b pɛ anya n yɔ efuli pɔtɛana so na m bɛta m ba. Ama naniere menyi e naa fa bumo be bedamta na, nɛ an naŋ ya tɔ bumo!” Ekrachi na nɛ bejuŋkparpoana na daa maŋ kaŋɛ shɛŋ, ŋkpal b ka nyi k kaa la kashenteŋ so.

Nshɛ 109:3

nsaa malga asheŋ lubi a laŋɛ ma kaplɛa so; nɛ m maŋ wora bumo shɛŋ.

Nshɛ 14:1

Ewulpo e naa kaŋɛ mbe kagbene to fanɛ Ebɔrɛ maŋ wɔtɔ. Loŋ be basa maa wora asheŋ nɛ a bee bɔla ekpa. Bumo be asheŋ woraso kikɛ la alubi nna. Bumo be ekama maa wora asheŋ lela.

Nshɛ 25:3

Esa kama nɛ mbe tama deŋ fo so maaŋ ji anishinyɔr kikɛ. Ama bekama nɛ b kɔ kebɔrkɔnshi bre beeŋ ji anishinyɔr.

Nshɛ 35:19

Sa maŋ shin nɛ ma doŋana, befɛpo na, be ŋgbene e fuli bumo ŋkpal b ka pɔɔ ma so so. Sa maŋ shin nɛ bumo nɛ b kishi ma kenyanyaŋɛso na e mushe ma ŋkpal ŋ ka wɔ tɔrɔ to so.

Nshɛ 37:8

Saa maa nya agbo ŋko a wora asheŋ agbo so. Agbo bee yɛra esa alubi to nna.

Nshɛ 49:10

Anyee wu benyiashempo nɛ bewulpo kikɛ ka bee wu; nɛ basa pɔtɛ e ta bumo be asɔ.

Nshɛ 69:4

Basa nɛ b kishi ma kenyanyaŋɛso shibi a chɔ ma kumu so be emin. Ebɔrɛ, bedoŋ lubi nɛ baa fin ma nɛ b jija na shi alegaiso. Baa tintiŋ ma nna nɛ ŋ ka kusɔ nɛ m maŋ yuri be kukɔ.

Nshɛ 7:4

ŋko n lar nlɔpo kikɛ kaman, ŋko ŋ kɔ n sɔ n doŋ be asɔ nɛ e maŋ wora shɛŋ;

Nshɛ 92:6

Esa nɛ e maŋ nyi asheŋ maa pin fo asheŋ to; ewulpo malɛ maaŋ tiŋ m pin amo to fanɛ,

Aŋasa 14:16

Enyiashempo bee ŋana Ebɔrɛ nna nsaa gelge alubi, ewulpo bre du brembreŋ nna, e maa fɛ nfɛra pɔɛŋ nsaa wora asheŋ.

Aŋasa 18:6

Ewulpo be kudonduloŋ bee wɔtɔ mo asheŋ to nna, nɛ mbe kɔnɔ malɛ bee bar mo kebri.

Jɛremaya 17:11

Esa kama nɛ e bee puni a nya amansherbi du fanɛ kabuibi nɛ e bee pugi afule nɛ e maŋ to so nna. Jemanɛ nɛ e beeŋ daŋ n yili na nɛ e beeŋ paŋ amansherbi na, kumo be lalaloge nɛ e ki fanɛ ewulpo.

Nfabel 3:52

N doŋana nɛ b kishi ma nɛ m maŋ wora shɛŋ na daŋ fe abulbi nna m pɛ ma fanɛ kabuibi na.

Danɛl 3:13

Ndoŋ nna nɛ agbo dii ewura Nebukadneeza alegaiso nɛ e shuŋi fanɛ b ya pɛ mbrantiɛbia asa na m ba.

Danɛl 3:19

Ndoŋ nna nɛ ewura Nebukadneeza nya agbo alegaiso n wɔtɔ Shaadrak nɛ Mɛshaak nɛ Abedneego, nseŋ shin nɛ b foŋ edɛ na to nɛ e bee tushi ale shunu so a chɔ kananɛ a daa du sososo na.

Obadaya 1:10

Ŋkpal menyi Edɔmebi ka diewu n ta kumu kpakpaso n shuŋ men kurgepoana Jeekɔb be kanaŋ to ebi kushuŋ lubi na so, anishinyɔr beeŋ ba menyi so. Menyi alɛ beeŋ mur kuraa.

Obadaya 1:12

A daa maŋ daga fanɛ men baa yil a mushe men niopibiana Jeekɔb be kanaŋ to ebi saŋɛ nɛ tɔrɔ nɛ kachɛ lubi tu bumo ashi bumo be kemur be saŋɛ so na.

Matiu 10:17

Men baa de edimɛdi so, ŋkpal manɛ so, baaŋ pɛ menyi n yɔ demujikpa n ya kuya menyi so ashi bumo be nshɛrbuana to.

Matiu 10:28

Men sa maa ŋana basa nɛ baa kaa tiŋ a mɔ men be eyur ere ŋkaa maaŋ naŋ tiŋ m mɔ men be ayoyu na. Esa nɛ e daga kaŋana e la emo nɛ e beeŋ tiŋ n jija esa be eyur nɛ mbe kiyoyu kikɛ ashi Setani be edɛ to.

Matiu 12:24

Efarisiana na ka nu loŋ nɛ b kaŋɛ: “Mbuibi lubiana be ewura Biyɛlzibel e naa sa mo eleŋ nɛ e kɔ a ju mbuibi lubiana na.”

Matiu 17:5

E kraa malga nna nɛ kuwɔlpa nyɛkpɛso ko lar nɛ kumo be kiyoyul ba buu bumo so nɛ ebɔl shi kuwɔlpa na to ŋ kaŋɛ: “M Pibinyɛn shaso nɛ ma kagbene fuli mo so ga nde. Men baa nu mbe kɔnɔ.”

Matiu 18:21

Nɛ Pita ba Yesu kutɔ m ba bishi mo le: “Enyɛnpe, ale afanɛ nɛ m barkasa beeŋ wora n da ma so nɛ n ta m paŋ mo? N yige m paŋ mo n ya fo ale ashunu a?”

Matiu 18:35

Nɛ Yesu kaŋɛ: “To, kananɛ n Tuto nɛ e wɔ ebɔrɛso na beeŋ wora menyi be ekama nna na ama amodoŋwura baa ta asheŋ nɛ mo braana bee wora mo nna a paŋ bumo kashenteŋto.”

Matiu 23:15

Mbraŋinipoana nɛ Efarisiana, asheŋ maaŋ nyalɛ n sa menyi kikɛ, kebirkɔnshiwuraana ere. Menyee ta ekpa tenteŋana nsaa baŋ etekuana so a yɔ mboŋ ko n ya shin nɛ esa koŋwule e tuba, kumo be kaman nɛ men naŋ shin nɛ mo koŋwule na e naaŋ ki esa lubi a chɔ kananɛ menyi gbagba du a la Setani be edɛ to be esa.

Matiu 23:33

Awɔ ere, awɔ lubi be mbia ere, nuso nɛ menyeeŋ wora nɛ b maaŋ gberge menyi kusoe n yɛr menyi Setani be edɛ to?

Matiu 25:41

Ade be kaman nɛ ŋ kaŋɛ bumo nɛ b wɔ ma bena so na le: ‘Basa lubi ere, men shile ma so n yɔ edɛ nɛ b puga n yili Setani nɛ mbe emalaika na to. Edɛ na maa duŋ kikɛ.

Matiu 26:59

Bɔrɛmatapowuraana na nɛ Sanhedrinebi na kikɛ daa fin efɛ be eshɛdajipo mo nɛ baaŋ malga ŋ gbiti Yesu nɛ b tiŋ n nya mo m mɔ nna.

Matiu 3:17

Kumo be kaman nɛ ebɔl shi esoso ŋ kaŋɛ le: “M Pibinyɛn shaso nɛ ma kagbene bee fuli mo so ga nde.”

Matiu 5:34

Ama ma e kaŋɛ menyi na fanɛ men sa maa bɔ gba kuraa. Men sa maa bɔ ebɔrɛso, ŋkpal manɛ so, ndoŋ la Ebɔrɛ be kuwurputiakpa nna.

Matiu 5:44

Ama ma e kaŋɛ menyi na fanɛ men baa sha men doŋana nsaa kule Ebɔrɛ a sa bumo nɛ baa tɔrɔ menyi na,

Maak 14:55

Bɔrɛmatapowuraana na nɛ Sanhedrinebi na kikɛ daa fin eshɛdajipo nɛ baaŋ malga ŋ gbiti Yesu nɛ b tiŋ n nya mo m mɔ nna.

Maak 15:1

Kare ka baŋ chɛ, nɛ bɔrɛmatapowuraana nɛ benimuana na nɛ mbraŋinipoana na nɛ Sanhedrinebi na kikɛ ya kre bumo be nia nseŋ ta ŋgbɛlɛbi ŋ kre Yesu n ta mo n lar n ya bɔɔ Gomena Pailat enɔ.

Luuk 12:5

Meeŋ ŋini menyi esa nɛ e daga kaŋana: Men baa ŋana emo nɛ e beeŋ tiŋ m mɔ nseŋ naa kɔ eleŋ nɛ e tiŋ n ta amodoŋwura n wɔtɔ edɛ to. Kashenteŋto mee kaŋɛ menyi nna, men baa ŋana mo.

Luuk 22:66

Kare ka chɛ nɛ bɔrɛmatapowuraana na nɛ mbraŋinipoana nɛ baa tre Juwebi be benimuana be nshɛrwuraana na kikɛ shɛr. Amo be kaman nɛ b keta mo n yɔ bumo be demujikpa n ya kaŋɛ mo le:

Baru lela nɛ Jɔn kute na 11:47

Ndoŋ nna nɛ Efarisiana na nɛ bɔrɛmatapowuraana na shɛr kɔɔtiebi nɛ b daa tre Sanhedrinebi na ŋ kaŋɛ: “Men keni emamachisheŋ damta nɛ kanyɛn ere bee wora ere, nuso nɛ anyeeŋ wora?

Baru lela nɛ Jɔn kute na 15:25

Ama kumo alɛ du loŋ nna nɛ kusɔ nɛ k wɔ bumo be mbra na to na e bɔla. K yɛ: ‘B kishi ma nna kenyanyaŋɛso’.

Baru lela nɛ Jɔn kute na 7:20

Ndoŋ nna nɛ jimaŋ na kaŋɛ mo le: “Fo kɔ kiyoyu lubi fo to. Wanɛ e naa sha kemɔ fo?”

Baru lela nɛ Jɔn kute na 8:48

Nɛ Juwebi na kaŋɛ mo: “Kashenteŋ nɛ an ji ŋ kaŋɛ fanɛ fo la Samɛrianyɛn nsaa kɔ kiyoyu lubi fo to na.”

Ashuŋ Shunso 17:18

Kanyiashenfinpoana be ntuŋ nɛ baa tre Epikyurisebi nɛ Stowikebi na malɛ gba be beko daŋ ba ji mo emɔrɔ nɛ beko bishi abar: “Manɛ nɛ kanyiashenfuloŋwura ere bee sha keŋini ere?” Nɛ beko kaŋɛ: “K du fanɛ e bee malga ebɔrɛ pɔtɛana ko be asheŋ nna.” Pɔɔl ka daa malga Yesu be ketiŋi luwu to na be asheŋ so nɛ b daŋ kaŋɛ loŋ na.

Ashuŋ Shunso 22:30

Benapo be enimu na daa sha kepin kusɔ nɛ k baŋ ba nɛ Juwebi na nɛ Pɔɔl daŋ baa kɔ abar loŋ nna. Amoso, kare ka chɛ nɛ e shin nɛ b saŋɛ Pɔɔl be ŋgbɛlɛbi na nseŋ shin nɛ bɔrɛmatapowuraana na nɛ nshɛrwuraana na kikɛ shɛr nɛ e shin nɛ Pɔɔl ba yili bumo be anishito.

Ashuŋ Shunso 23:1

Nɛ Pɔɔl keni nshɛrwuraana na diimbi nseŋ kaŋɛ: “Ŋ kurgepoana, hale kabre ma kagbene to maa wora ma shikashika Ebɔrɛ be anishito fanɛ m maŋ kɔ kebaawɔtɔ cheembi.”

Ashuŋ Shunso 24:20

Ŋko fo shin nɛ basa ere e kaŋɛ fo kulubi nɛ b wu ma so, saŋɛ nɛ n daŋ yili nshɛrwuraana na kutɔ na.

Ashuŋ Shunso 4:15

Ndoŋ nna nɛ b shin nɛ Pita nɛ Jɔn nɛ kanyɛn na lar kɔɔti na to nseŋ fara a malga demu na be asheŋ

Ashuŋ Shunso 5:21

Beshuŋipo na ka nu loŋ nɛ b yɔ bɔrɛlambu na to karechɛso n ya fara a ŋini basa abɔrɛsheŋ na. Nɛ bɔrɛmatapo nimuso na nɛ mo braana tre Juwebi be benimuana na kikɛ fanɛ bumo, nshɛrwuraana na kikɛ nyam e ba shɛr. Kumo be kaman nɛ b shuŋi fanɛ b ya lara beshuŋipo na kabuti to m ba.

Ashuŋ Shunso 5:27

Nɛ b bar beshuŋipo na m ba yili nshɛrwuraana na be anishito nɛ bɔrɛmatapo nimuso na kaŋɛ bumo:

Ashuŋ Shunso 6:12

Le nɛ b daŋ wora n nyaŋɛ basa na nɛ benimuana na nɛ mbraŋinipoana na to nɛ b ba nyaŋ Stiven n yɔ nshɛrwuraana na kutɔ

Ashuŋ Shunso 6:15

Nshɛrwuraana nɛ b daa tase nshɛr na to na kikɛ daŋ ta bumo be anishi nna n yuu Stiven so n wu mbe anishiakpa ka du fanɛ malaika peya.

Ashuŋ Shunso 7:37

Mo, Mosis koŋwule na e daŋ kaŋɛ Israɛlebi: ‘Ebɔrɛ beeŋ sa menyi anebi fanɛ kananɛ e shuŋi ma na, e beeŋ ba kaa la menyi to be eko nna.’

Romebi 12:10

Men baa kɔ bekurgepo be kasha a sha abar nsaa juŋkpar a bunyaŋ abar.

1 Kɔrintebi 6:10

Beyu ŋko kejimuniwuraana ŋko nsanuupoana ŋko bumo nɛ baa tege bumo braana ŋko besugepoana maaŋ nya Ebɔrɛ be kuwura na to n luri kikɛ.

1 Kɔrintebi 6:6

Ama ekurgepo ko bee ta mo barkasa nna a yɔ demujikpa nɛ b ya yili basa nɛ b maa bɛ Yesu so na be anishito a?

Ditɛronɔmi 15:11

Kanaŋ kama nɛ asheŋ du, Israɛl be basa ko beeŋ baa la betirpo nɛ asheŋ e tir bumo. Amoso nɛ mee kaŋɛ menyi fanɛ men baa wora asheŋ a sa bumo yɛlyɛla so na.

Ditɛronɔmi 16:18

Ade kikɛ be kaman nɛ Mosis naŋ kaŋɛ Israɛlebi na le: “Menyeeŋ lara demujipoana nɛ benimuana ko ashi menyi be ndeana nɛ Enyɛnpe, menyi be Ebɔrɛ na beeŋ sa menyi na to nɛ bumo alɛ e sa maa ji basa demu ŋkpɛato be ekpa so.

1 Tɛsalɔnikaebi 4:6

Amoso, ekama e sa maŋ kaŋ wora kulubi kikɛ ŋ gbiti mo barkasa ŋko m puni mo. An chɛr m malga le be kamalga kenishipereso n sa menyi fanɛ ekama nɛ e wora le be asheŋ, Enyɛnpe na beeŋ gberge mo kusoe.

Taites 3:2

Kaŋɛ bumo fanɛ b sa maa malga alubi a gbiti esa kikɛ, bumo alɛ e sa maŋ la basa nɛ baa bar kebagato, ama b baa sha basa keteri nsaa ta da nɛ k du boeŋ a ŋini basa kikɛ.

Hibruwebi 12:25

Men baa de so nsaa maŋ kaŋ kini kenu esa nɛ e bee malga na be mmalga na. Basa nɛ b daŋ kini kenu durnya ere to be ebɔl nɛ k daŋ fiɛ bumo so na daa maŋ tiŋ ŋ gelge bumo be kasogberge. Nɛ ebɔl ka shi ebɔrɛso ba fiɛ anyi ere so nɛ an kini kenu, nuso nɛ anyeeŋ wora ŋ gelge kumo be kasogberge!

Hibruwebi 5:9

Ebɔrɛ malɛ ka baŋ shin nɛ e ki cheembi n loge so, mo so nɛ ekama nɛ e bee nu a sa mo beeŋ bɔla n nya kumɔlga nɛ k maŋ kɔ ekar na.

Jeems 2:20

Ewulpo e la fo nɛ fo maŋ nyi fanɛ esa baŋ kaŋɛ fanɛ e yirda Ebɔrɛ nsaa maa wora yirda be ashuŋ shunso, mbe yirda na la yirda fuloŋ nna a!

Jeems 3:6

To, nyiŋgbasa be kudonduloŋ malɛ gba du fanɛ edɛ nna. K la kusɔbi nna a wɔ esa be kɔnɔ to, ama kumo alɛ kulubi be yiri kikɛ e bɔla kumo to a shin nɛ alubi na bee sɔ mbe eyur kikɛ to a jija mbe kebaawɔtɔ kikɛ nyam. K du fanɛ kudonduloŋ na ka kɔ edɛ nna nɛ edɛ na malɛ shi Setani gbagba kutɔ a chɔɔ basa.

1 Pita 2:23

B daŋ tege mo, ama mo alɛ daa maŋ laŋɛ katege n sa bumo. B daŋ tɔrɔ mo, ama e daa maŋ nyaŋɛ to n tu bumo. Ama e daŋ ta mbe kumu nna m bɔɔ esa nɛ e bee ji asheŋ amo be ekpa so na enɔ.

1 Pita 3:9

Men sa maa laŋɛ kulubi a ka kulubi ŋko a laŋɛ katege a ka katege. Ama kusɔ nɛ k daga e la fanɛ men baa nɛfa basa nɛ baa wora menyi loŋ be alubiana, ŋkpal manɛ so, Ebɔrɛ ka tre menyi na, nɛfa nɛ e nase kɔnɔ fanɛ e beeŋ sa menyi.

1 Jɔn 2:9

Esa kama nɛ e bee kaŋɛ fanɛ e wɔ kefulto na to, mo alɛ nsaa kishi mo niopibi, kraa wɔ tentembiri to nna na.

1 Jɔn 3:10

To, loŋ malɛ nɛ anyee ta a pin Ebɔrɛ be mbia nɛ bumo nɛ bumo alɛ la alubipo na be mbia. Esa kama nɛ e bee wora asɔ nɛ a maa niŋi, maŋ la Ebɔrɛ pibi. Ekama malɛ gba nɛ e maa sha mo niopibi, maŋ la Ebɔrɛ pibi.

1 Jɔn 5:16

Esa kama nɛ e wu mo niopibi ka bee wora kulubi nɛ k maŋ la luwu be kulubi, amodoŋwura e kule Ebɔrɛ nɛ e sa mo ŋkpa. Basa nɛ bumo be alubi maa yɛr bumo luwu to na nɛ n de na. Kulubi ko wɔtɔ a yɛr esa luwu to, mannɛ loŋ be kulubi na be kabɔrɛkule nɛ ŋ kaŋɛ fanɛ amodoŋwura na e kule.

Juud 1:9

Hale Maikel mo nɛ e la emalaika kikɛ be ejuŋkparpo na daa maŋ shoduu Setani saŋɛ nɛ mo nɛ mo daa ji emɔrɔ ŋkpal anebi Mosis be eyur so na. E daa maŋ maŋ mbe kumu so n tege Setani, kusɔ nɛ e daŋ kaŋɛ e la: “Ebɔrɛ e fiɛ fo so!”

Kelaraŋŋini 20:14

Ndoŋ nna nɛ b ta luwu nɛ bubuni be kakpa malɛ n lɛ n wɔtɔ edɛ be kepa to. Edɛ be kepa na e la luwu nyɔsopo na.