Matiu 5:19 - EBƆRƐ BE KAWƆL

¹⁹ Amoso, esa kama nɛ e kini kenu n sa mbra na to be kebibi kama nseŋ ŋini basa kusɔ nɛ e yirda, beeŋ ba kaa la ekama be kebibi ashi Ebɔrɛ be kuwura na to. Ama ekama nɛ e bee bɛ amo so nsaa ŋini basa loŋ gbagba, beeŋ ba kaa la esagboŋ ashi Ebɔrɛ be kuwura na to.

Matiu 5:19 ပူးပေါင်းရင်းမြစ်များ

Nshɛ 119:128

Mee bɛ fo mbraana kikɛ so nna, ŋ kishi ekpa lubi be yiri kikɛ be kebɔla so n wora asheŋ.

Nshɛ 119:6

M maaŋ ji anishinyɔr jemanɛ nɛ meeŋ baa bɛ fo mbraana so na.

Danɛl 12:3

Ekama nɛ e kɔ kanyiasheŋ beeŋ baa nyɛkpɛ fanɛ epeŋi ashi awɔlpa to. Bekama malɛ nɛ b ŋini basa damta asheŋ nɛ a niŋi be kewora, beeŋ ba nyɛkpɛ fanɛ achɛkpabi mbaanaayɔ.”

Matiu 11:11

Mee kaŋɛ menyi kashenteŋto nna fanɛ durnya ere to be bomin kikɛ maŋ naŋ lar a chɔ Jɔn kabɔrɛbɛrpo, ama Ebɔrɛ be kuwura na to be ekekarso gba chɔ mo.

Matiu 19:28

Nɛ Yesu kaŋɛ bumo: “Ma e kaŋɛ menyi kashenteŋto na fanɛ durnya popɔr na to jemanɛ nɛ ma, Nyiŋgbasa Pibinyɛn beeŋ chena ma kemaŋkura be kuwurputi na so na, menyi nɛ men bɛ ma so na malɛ gba beeŋ chena nwurputi kuduanyɔ so a ji Israɛlebi be nnaŋ kuduanyɔ na demu.

Matiu 20:26

ama menyi ere to mannɛ aloŋ nɛ k du. Nɛ men be ekama bee sha kenimu, a daga e ka ki bumo nɛ b ka na be kayɛrbi.

Matiu 28:20

Menyi alɛ e baa nyiŋi fanɛ ma nɛ menyi e naaŋ baa la hale jemanɛ ere e ya fo kumo be ekar.”

Luuk 1:15

Ŋkpal manɛ so, e beeŋ ba kaa la esagboŋ Enyɛnpe be anishito. Yili jemanɛ nɛ e wɔ mo nio be epun to, Kiyoyu Cheeŋ na e naaŋ bɔlɔ mo to. E ba koso e maaŋ nuu nsa be yiri kikɛ.

Luuk 11:42

Farisiebi, asheŋ maaŋ nyalɛ n sa menyi, ŋkpal manɛ so, menyee kaa lara menyi be eposɔ fanɛ ashiibi nɛ egabu nɛ amo nɛ a ka na kikɛ gba so be asɔ kudukudusopo a sa Ebɔrɛ, ama men kini keji asheŋ nɛ amo be ekpa so, menyi alɛ maa sha Ebɔrɛ. Le be asɔ ere e daga fanɛ men baa wora nsaa maa gal amo nɛ a ka na gba a lɛ.

Luuk 9:48

“Esa kama nɛ e sɔ le be kebia ere ŋkpal ma so, sɔ ma nna na, ekama malɛ nɛ e sɔ ma, sɔ emo nɛ e shuŋi ma na gba nna na. Amoso, ekama nɛ e la men kikɛ to be emantopo e la esa nɛ e chɔ ekama.”

Ashuŋ Shunso 1:1

N teri lela Tiɔfiles, asɔ nɛ Yesu daŋ wora nseŋ ŋini saŋɛ nɛ e fara mbe kushuŋ n ya fo saŋɛ nɛ Ebɔrɛ daŋ shin nɛ e naŋ bɛta n yɔ ebɔrɛso na kikɛ be asheŋ nɛ n daŋ sibɛ ma kawɔl juŋkparso na to.

Romebi 3:8

Le be kamalga koŋwule ere malɛ so nɛ basa ko bee yili so a ku anyi kɔnɔ a kaŋɛ fanɛ loŋ nɛ anyee kaŋɛ na. B yɛ: “Men shin nɛ an baa wora alubi nɛ a baa ki alela.” Loŋ be basa be kasogberge baŋ daga bumo nna.

Romebi 6:1

To, naniere, nuso nɛ anyeeŋ kaŋɛ? Fanɛ an baa wɔtɔ a wora alubi nɛ Ebɔrɛ be kuwɔr be kakɛ na malɛ e baa wora keshi a ti so ŋko?

Romebi 6:15

To, naniere, nuso nɛ anyeeŋ kaŋɛ? Fanɛ ŋkpal an ka maŋ naa wɔ mbra na to nsaa wɔ Ebɔrɛ be kuwɔr be kakɛ be kebaawɔtɔ to so an baa wora alubi a? Kaarɛ, loŋ maŋ daga.

Ditɛronɔmi 12:32

Men baa wora mbraana nɛ mee ta a sa menyi ere kikɛ kasonu nsaa maŋ ta shɛŋ n ti amo so ŋko n lara shɛŋ ashi amo to.”

Ditɛronɔmi 27:26

Nɛ b naŋ kaŋɛ: “Ebɔrɛ be kɔnɔsho beeŋ ba esa kama nɛ e maaŋ wora Ebɔrɛ be mbraana kikɛ kasonu na so.” Nɛ basa nɛ b yil Ebal be kebee so na e kaŋɛ: ‘Amɛn!’

1 Timoti 6:11

Ama fo ere ka la Ebɔrɛ be esa ere, baa gelge le be asɔ ere kikɛ nsaa kɔ a fin alelasheŋ nɛ abɔrɛsheŋ be kebaawɔtɔ nɛ yirda nɛ kasha nɛ awurfoŋ to be kanyiti nsaa du boeŋ.

Taites 3:8

Kesheŋ ere la kashenteŋ nna. Mee sha fanɛ fo ta kenishipere nna n wɔtɔ le be asheŋ ere to nɛ bumo nɛ b ba yirda Ebɔrɛ na e baa wɔ ashuŋ lela be kebaawɔtɔ to. Le be mmalga ere la kashenteŋ nna nɛ a beeŋ chɛ basa to.

1 Pita 5:4

Saŋɛ na so, Ekenipo Nimuso na kaŋ ya lar m ba, menyeeŋ nya kemaŋkurawuro mo nɛ k maa terge kikɛ na.

1 Jɔn 3:4

Esa kama nɛ e bee wora alubi bee wora nna a da Ebɔrɛ malɛ gba so na, ŋkpal manɛ so, kewora kulubi la ketɔr Ebɔrɛ be ntaŋ nna.

Kelaraŋŋini 2:20

Ama kusɔ nɛ n wu menyi so e la fanɛ, men sa kache Jɛzebel mo nɛ e bee tre mbe kumu abɔrɛsheŋ be ewuŋkaŋɛpo na ekpa nna nɛ e wɔtɔ a ŋini nsaa shin nɛ ma anya bee luri kesakalea be keji to nseŋ naa shin nɛ baa ji nlɔŋɛjibi.

1 Samuɛl 2:30

Ma, Enyɛnpe, Israɛl be Ebɔrɛ na e daŋ nase kɔnɔ fanɛ fo kanaŋ e naaŋ baa la bɔrɛmatapoana mbaanaayɔ, ama mee kaŋɛ fo nna fanɛ loŋ maaŋ naŋ wora kikɛ. Basa kama nɛ baa bunyaŋ ma na nɛ mee sa bunyaŋ nsaa sho bekama nɛ b kishi ma na kɔnɔ.