Matiu 5:18 - EBƆRƐ BE KAWƆL

¹⁸ Kashenteŋto nɛ mee kaŋɛ menyi na fanɛ, pɔɛŋ nɛ esoso nɛ kasawule e ba mur, mbra na to be kasibɛbi ŋko kedosobi nyitiibi kama maaŋ chɛrga m mur ama amo kikɛ ba bɔla so nna nyam.

Matiu 5:18 ပူးပေါင်းရင်းမြစ်များ

Nshɛ 102:26

Amo kikɛ beeŋ choŋ fanɛ asɔbuuso ka wu na. Fee chɛrga amo nna fanɛ esa ka bee chɛrga mbe asɔbuuso dra nsaa kini amo na.

Nshɛ 111:8

Amo alɛ wɔtɔ nna mbaanaayɔ. Kashenteŋ nɛ ekpa niŋiso so nɛ e bɔla so n sa mbraana na.

Nshɛ 119:152

Ŋ koya fo mbraana na m pin to fanɛ dra kikɛ nɛ fo yili kumo fanɛ a baa wɔtɔ mbaanaayɔ.

Aizaaya 40:8

Kashenteŋto, afitiri bee bolo nna nɛ atoto malɛ bee chuge a tɔr, ama Ebɔrɛ be kamalga na bre wɔtɔ nna mbaanaayɔ.”

Aizaaya 44:26

Ama ma e naa shin nɛ ma anebiana be abɔya bee wora a bɔlɔ so kashenteŋto. Le nɛ baa kaŋɛ: ‘Basa beeŋ ba bɔlɔ Jerusalɛm to, nɛ Enyɛnpe Ebɔrɛ na malɛ e lɔŋɛ nde bureso nɛ a wɔ Juda be efuli so na m pɔr.’

Aizaaya 51:6

Men to anishi ŋ keni awɔlpa nɛ kasawule kikɛ so! Awɔlpa beeŋ choŋ fanɛ edishi, nɛ kasawule e baŋɛ to fanɛ kusɔbuuso dra ka kpɛa to na. Basa kikɛ beeŋ wu n dese kasawule fanɛ ashushombi firgiso na. Ama ma kumɔlga beeŋ baa wɔtɔ mbaanaayɔ. Ma kekɔmpɔɔso maaŋ fo ekar kikɛ.

Matiu 10:15

Mee kaŋɛ menyi kashenteŋto nna fanɛ demujiachɛ na, asheŋ beeŋ ba bɔ Sodɔmebi nɛ Gomɔraebi so a chɔ kananɛ a beeŋ baa du n sa loŋ be kade na to ebi.”

Matiu 10:23

Kade kama nɛ men yɔ nɛ b ya kaa tɔrɔ menyi, men lar ndoŋ n shile n yɔ kepɔtɛ to. Kashenteŋto, ma e kaŋɛ menyi na fanɛ men maaŋ loge men be ashuŋ kikɛ ashi Israɛl be efuli ere so be kade kama to pɔɛŋ nɛ ma, Nyiŋgbasa Pibinyɛn e ba.

Matiu 10:42

Nɛ ekama malɛ nɛ e ta nchu nuuso wushiso gbrɛbi kama n sa ma mbibi ere be ekama ŋkpal amodoŋwura ka la ma ebɛsopo so, abaanaaworasheŋ, esa nɛ e bee sa mo nchu na beeŋ nya kumo be tɔnɔ.”

Matiu 11:11

Mee kaŋɛ menyi kashenteŋto nna fanɛ durnya ere to be bomin kikɛ maŋ naŋ lar a chɔ Jɔn kabɔrɛbɛrpo, ama Ebɔrɛ be kuwura na to be ekekarso gba chɔ mo.

Matiu 13:17

Kashenteŋ nɛ mee kaŋɛ menyi na fanɛ anebi damtaana nɛ Ebɔrɛ be basa damtaana daŋ yɛlga kewu asɔ nɛ menyee wu ere a maŋ nya amo n wu. B daŋ yɛlga kenu asheŋ nɛ menyee nu ere a maŋ nya amo n nu.”

Matiu 16:28

Ma e kaŋɛ menyi kashenteŋto na fanɛ basa ko wɔ nfe a maaŋ wu she b wu ma, Nyiŋgbasa Pibinyɛn ka ba fanɛ Ewura nna pɔɛŋ.”

Matiu 17:20

Nɛ Yesu kaŋɛ bumo: “Men be yirda ka maŋ shi so nɛ men maŋ tiŋ na. Ma e kaŋɛ menyi kashenteŋto na fanɛ nɛ men be yirda baa du fimbi fanɛ kakilia be kebi gba, menyeeŋ tiŋ ŋ kaŋɛ kebee ere le: ‘Pulgi fo kumu nfe n yɔ ndoŋ ere!’ Nɛ k pulgi. Shɛŋ shɛŋ maaŋ baa du menyi so kpakpa.

Matiu 18:18

Ma e kaŋɛ menyi kashenteŋto na fanɛ kusɔ kama nɛ men maŋ sa ekpa fanɛ k wora kasawule ere so, maaŋ wora ashi ebɔrɛso gba. Nɛ kusɔ kama malɛ nɛ men shin nɛ k wora kasawule ere so beeŋ wora loŋ ashi ebɔrɛso gba.

Matiu 18:3

nseŋ kaŋɛ bumo: “Ma e kaŋɛ menyi kashenteŋto na fanɛ nɛ men baŋ maŋ chɛrga a du fanɛ mbibi, men maaŋ luri ebɔrɛso be kuwura na to kikɛ.

Matiu 19:23

Nɛ Yesu kaŋɛ mbe bebɛsopo na: “Ma e kaŋɛ menyi kashenteŋto na fanɛ a beeŋ nu damawuraana ga pɔɛŋ nɛ b luri ebɔrɛso be kuwura na to.

Matiu 19:28

Nɛ Yesu kaŋɛ bumo: “Ma e kaŋɛ menyi kashenteŋto na fanɛ durnya popɔr na to jemanɛ nɛ ma, Nyiŋgbasa Pibinyɛn beeŋ chena ma kemaŋkura be kuwurputi na so na, menyi nɛ men bɛ ma so na malɛ gba beeŋ chena nwurputi kuduanyɔ so a ji Israɛlebi be nnaŋ kuduanyɔ na demu.

Matiu 21:21

Nɛ Yesu kaŋɛ bumo: “Ma e kaŋɛ menyi kashenteŋto na fanɛ nɛ men baa kɔ yirda a maa wora shikashika, mannɛ kusɔ nɛ k wora figi be kedibi na nawule nɛ menyeeŋ tiŋ n wora, ama menyeeŋ tiŋ ŋ kaŋɛ kebee ere le: ‘Pulgi n ta fo kumu n ya lɛ teku to’, nɛ loŋ e wora.

Matiu 21:31

“To, mbia na be emo e wora kusɔ nɛ bumo tuto na bee sha?” Nɛ b yɛ: “Sososo peya na.” Nɛ Yesu kaŋɛ bumo le: “Kashenteŋ nɛ mee kaŋɛ menyi na fanɛ elamposɔpoana nɛ kesakaleawuraana bee baŋ menyi so nna a luri Ebɔrɛ be kuwura na to nna na.

Matiu 23:36

Ma e kaŋɛ menyi kashenteŋto na fanɛ asheŋ ere kikɛ be kasogberge beeŋ ba mbreebi ere so.

Matiu 24:2

Nɛ Yesu bishi bumo le: “Men wu asɔ ere kikɛ ŋko? Ma e kaŋɛ menyi kashenteŋto na fanɛ kejembu koŋwule kama gba maaŋ ba ka a bɛ kumo barkasa so. Baaŋ ba da amo kikɛ n lɛ.”

Matiu 24:47

Ma e kaŋɛ menyi kashenteŋto na fanɛ enyɛnpe na beeŋ shin nɛ amo be kenya na e baa keni mbe asɔ kikɛ so nyam.

Matiu 25:12

Nɛ mo alɛ kaŋɛ: ‘Ma e kaŋɛ menyi kashenteŋto na fanɛ m maŋ nyi menyi.’

Matiu 25:40

Nɛ ma, Ewura na e kaŋɛ le: ‘Ma e kaŋɛ menyi kashenteŋto na fanɛ, kusɔ kama nɛ men daŋ wora n sa ŋ kurgepobi ere be ekama, ma nɛ men daŋ wora n sa na.’

Matiu 25:45

Nɛ ŋ kaŋɛ bumo le: ‘Ma e kaŋɛ menyi kashenteŋto na fanɛ kusɔ kama nɛ men baŋ maŋ wora n sa bekarkarsobi ere be ekama, ma nɛ men maŋ wora kumo n sa na.’

Matiu 5:26

Kashenteŋto nɛ mee kaŋɛ menyi na fanɛ nɛ fo baa maŋ tiŋ ŋ ka fo kukɔ na kikɛ, fo maaŋ lar kabuti na to kikɛ.

Matiu 6:16

Nɛ men baa kishi, men sa maa gbir kenishi to fanɛ kananɛ kebirkɔnshiwuraana na bee wora na, ŋkpal manɛ so, baa kaa chɛrga bumo be anishiakpaana nna nɛ basa e wu b ka bee kishi. Kashenteŋ nɛ mee kaŋɛ menyi na fanɛ b teŋ nya bumo be kechɔrɔ kikɛ.

Matiu 6:2

Amoso, men baŋ kɛ betirpo asɔ, men sa maa na a ber kumo be loŋ be kebomboŋ fanɛ kananɛ kebirkɔnshiwuraana na wɔ nshɛrbuana to nɛ agbembiana so a wora nɛ basa e chɔrɔ bumo na so. Kashenteŋ nɛ mee kaŋɛ menyi na fanɛ loŋ be basa na teŋ nya bumo be kechɔrɔ kikɛ.

Matiu 8:10

Yesu ka nu mbe kamalga na nɛ k chinchiŋ mo ga nɛ e kilgi ŋ kaŋɛ basa nɛ b daŋ bɛ mo so na le: “Ma e kaŋɛ menyi na fanɛ Israɛl be efuli so ebi gba to m maŋ naŋ wu le be yirda kikɛ.

Maak 10:15

Kashenteŋ nɛ mee kaŋɛ menyi na fanɛ esa kama nɛ e maŋ sɔ Ebɔrɛ be kuwura na fanɛ kebibi, maaŋ luri kumo to kikɛ.”

Maak 10:29

Nɛ Yesu kaŋɛ bumo: “Ma e kaŋɛ menyi kashenteŋto na fanɛ esa kama nɛ e yige mo pe ŋko beda nɛ besipo ŋko besipoche ŋko benio ŋko betuto ŋko bibi ŋko nsawule ŋkpal ma nɛ baru lela na so, amodoŋwura beeŋ nya amo be ntuŋ kalfaso durnya ere to.

Maak 11:23

menyeeŋ tiŋ ŋ kaŋɛ kebee ere: ‘Pulgi n ta fo kumu n ya lɛ teku to.’ Nɛ men maa wora shikashika menyi be ŋgbene to nseŋ yirda fanɛ kusɔ nɛ menyi kaŋɛ na beeŋ wora a, k beeŋ wora n sa menyi.

Maak 12:43

Ndoŋ nna nɛ e tre mbe bebɛsopo m ba shɛr ŋ kaŋɛ: “Ma e kaŋɛ menyi na fanɛ ekulpoche tirpo ere wɔtɔ amansherbi ga ashi amansherbi be deka na to a chɔ bumo nɛ b ka amansherbi na kikɛ.

Maak 13:30

Kashenteŋto nɛ mee kaŋɛ menyi na fanɛ asheŋ ere kikɛ beeŋ wora pɔɛŋ nɛ mbreebi nɛ b wɔ ŋkpa to ere kikɛ e wu.

Maak 14:18

B ka ba kaa tase ejikpa a ji na nɛ Yesu kaŋɛ: “Kashenteŋto nɛ mee kaŋɛ menyi na fanɛ menyi to be eko beeŋ debɔr ma, mo alɛ e tase ma kutɔ ejikpa nfe a ji na.”

Maak 14:25

Ma e kaŋɛ menyi kashenteŋto na fanɛ m maaŋ naŋ nuu le be waindibi be yabra kikɛ hale n ya fo kachɛ nɛ meeŋ nuu yabra popɔr ashi Ebɔrɛ be kuwura na to na.”

Maak 14:30

Nɛ Yesu kaŋɛ mo le: “Kashenteŋ nɛ mee kaŋɛ fo na fanɛ pɔɛŋ nɛ koshinyɛn e boŋ ale anyɔ kanyɛ ere, feeŋ chɛ ale asa ŋ kaŋɛ fanɛ fo maŋ nyi ma.”

Maak 14:9

Ma e kaŋɛ menyi kashenteŋto na fanɛ, kaplɛkama nɛ b bɔ baru lela na durnya ere kikɛ to, baaŋ malga kusɔ nɛ e wora ere be asheŋ n nyiŋi mo.”

Maak 3:28

Ma e kaŋɛ menyi kashenteŋto na fanɛ nyiŋgbasa be asheŋ lubi kikɛ nɛ mbe mmalga kama nɛ a bee gbiti Ebɔrɛ beeŋ tiŋ n nya keyigempaŋ.

Maak 6:11

Kaplɛkama malɛ nɛ men fo nɛ b maŋ sɔ menyi ŋko ŋ kini kenu menyi be kubɔya na, men lar ŋ gbaŋgbaŋ menyi be aya to be shishɛr n lɛ bumo nɛ k baa la bumo be kekini menyi na be tɔɔnɛ.”

Maak 8:12

Ndoŋ nna nɛ Yesu fute eleŋso nseŋ bishi: “Manɛ e ba nɛ mbreebi ere kaŋɛ n wora mamachi be kesheŋ ko ŋ ŋini fanɛ Ebɔrɛ wɔ ma kaman? Kashenteŋto mee kaŋɛ menyi nna fanɛ mbreebi ere maaŋ nya shɛŋ n wu.”

Maak 9:1

Nɛ Yesu naŋ kaŋɛ: “Ma e kaŋɛ menyi kashenteŋto na fanɛ basa ko wɔ nfe a maaŋ wu she b wu Ebɔrɛ be kuwura na ka ba nɛ eleŋ nna pɔɛŋ.”

Maak 9:41

Ma e kaŋɛ menyi kashenteŋto na fanɛ abaanaaworasheŋ, ekama nɛ e sa menyi nchu nuuso ŋkpal men ka la Kristo peya na so so, e beeŋ nya kumo be tɔnɔ.”

Luuk 11:51

Kumo e la fanɛ, baŋ fara jemanɛ nɛ b mɔ Ebel na m ba fo Zakareya nɛ b mɔ bɔrɛsure na nɛ bɔrɛlambu be nferinto na achɛ nɛ n de na. Ma e kaŋɛ menyi na fanɛ kashenteŋto, asheŋ na kikɛ be kasogberge beeŋ ba mbreebi ere so.

Luuk 12:37

Bumo nɛ bumo nyɛnpe na beeŋ ba tu nɛ b bela ase a jo mo nsaa keni na beeŋ nu ebel ga. Enyɛnpe na gbagba beeŋ shin nɛ b chena nɛ e kre so n wora ajibi n sa bumo.

Luuk 13:35

To, naniere bre Ebɔrɛ lara mbe enɔ ashi menyi be asheŋ to. Ma alɛ e kaŋɛ menyi na fanɛ yili kabre a yɔ, men maaŋ naŋ wu ma kikɛ, ama jemanɛ nɛ menyeeŋ kaŋɛ le na fo nna: ‘Kagbenefuli e baa wɔ emo nɛ e shi Enyɛnpe be ketre to a ba na.’ ”

Luuk 16:17

Ama ebɔrɛso nɛ kasawule be kemur du potɔpotɔ a chɔ mbra na to be kedosobi nyitiibi gba ko ka beeŋ ki jiga m mur.

Luuk 18:17

Kashenteŋ nɛ mee kaŋɛ menyi nna fanɛ esa kama nɛ e maŋ sɔ Ebɔrɛ be kuwura na fanɛ kebibi maaŋ luri kumo to kikɛ.”

Luuk 18:29

Nɛ Yesu kaŋɛ bumo le: “Ma e kaŋɛ menyi kashenteŋto na fanɛ esa kama nɛ e yige mo pe ŋko mbe eche ŋko mo sipoana nɛ mo daana ŋko mo nio nɛ mo tuto ŋko mbe mbia ŋkpal Ebɔrɛ be kuwura na so,

Luuk 23:43

Ndoŋ nna nɛ Yesu kaŋɛ mo le: “Kashenteŋ nɛ mee kaŋɛ fo na fanɛ kabre ma nɛ fo beeŋ ya kaa wɔ paradisi.”

Luuk 4:24

Ama ma e kaŋɛ menyi kashenteŋto na: Anebi maa nya bunyaŋ mo gbagba be kade to kikɛ.

Baru lela nɛ Jɔn kute na 1:51

Kumo be kaman nɛ e kaŋɛ bumo kikɛ: “Kashenteŋ nɛ mee kaŋɛ menyi na fanɛ menyeeŋ wu ebɔrɛso ka bugi nɛ Ebɔrɛ be emalaika bee dii a gbelge a ba ma, Nyiŋgbasa Pibinyɛn so.”

Baru lela nɛ Jɔn kute na 10:1

Yesu e daŋ bɔ keŋasa ere ŋ kaŋɛ: “Ma e kaŋɛ menyi kashenteŋto na fanɛ esa kama nɛ e maa bɔla mbolpɔ be kuluu be kabuna to a luri kuluu na to nsaa bɔla kaboŋ pɔtɛ a tɛ a luri kumo to la eyu nɛ esugepo nna.

Baru lela nɛ Jɔn kute na 10:7

Ndoŋ nna nɛ Yesu naŋ kaŋɛ bumo: “Kashenteŋ nɛ mee kaŋɛ menyi na fanɛ ma e du fanɛ kabuna a sa mbolpɔ na.

Baru lela nɛ Jɔn kute na 12:24

Ma e kaŋɛ menyi kashenteŋto na fanɛ kuyubi baa maŋ tɔr shishɛr to n wu, k beeŋ baa la keduusobi koŋwule nna saŋkikɛ. Ama nɛ fanɛ k baŋ tɔr shishɛr to ŋ kɔr pɔɛŋ nseŋ wu, k bee bar asɔrso damta nna.

Baru lela nɛ Jɔn kute na 13:16

Kashenteŋ nɛ mee ji menyi na fanɛ kenya maŋ chɔ mo nyɛnpe, kabɔ kama malɛ maŋ chɔ esa nɛ e shuŋi mo na.

Baru lela nɛ Jɔn kute na 13:38

Nɛ Yesu bishi mo: “Fo yɛ feeŋ tiŋ ŋkpal ma so n wu ŋko? Keni, ma e kaŋɛ fo kashenteŋto na fanɛ pɔɛŋ nɛ koshinyɛn e boŋ kanyɛ ere, feeŋ chɛ ale asa fanɛ fo maŋ nyi ma.”

Baru lela nɛ Jɔn kute na 14:12

Ma e kaŋɛ menyi kashenteŋto na fanɛ esa kama nɛ e ta mbe yirda n deŋi ma so, beeŋ wora asɔ nɛ mee kaa wora ere. E beeŋ wora asɔ nɛ a chɔ ade gba, ŋkpal ŋ ka bee yɔ Etuto na kutɔ so.

Baru lela nɛ Jɔn kute na 16:20

Ma e kaŋɛ menyi kashenteŋto na fanɛ menyi ere beeŋ boŋ to nseŋ shu anishichubi, ama durnya ere to ebi bre be ŋgbene beeŋ fuli bumo. Kashenteŋ nna fanɛ menyi be ŋgbene bee jija menyi, ama menyi be kagbenejija na beeŋ ba ki kagbenefuli.

Baru lela nɛ Jɔn kute na 16:23

Loŋ be saŋɛ na ba fo, men maaŋ naŋ kule ma shɛŋ. Ma e kaŋɛ menyi kashenteŋto na fanɛ n Tuto na beeŋ sa menyi kusɔ kama nɛ men ta ma ketre ŋ kule mo.

Baru lela nɛ Jɔn kute na 21:18

Kede be kaman nɛ e naŋ kaŋɛ mo le: “Kashenteŋ nɛ mee kaŋɛ fo na fanɛ fo ka daa la kabrantiɛbia na, fo gbagba e daa kre so a yɔ kaplɛkama nɛ fo daa sha, ama nɛ fo ba bel, feeŋ teŋi fo enɔana to nɛ esa pɔtɛ e kre fo to n yɛr fo kakpa nɛ fo maa sha keyɔ.”

Baru lela nɛ Jɔn kute na 3:11

Kashenteŋ nɛ mee kaŋɛ fo na fanɛ kusɔ nɛ an nyi be asheŋ nɛ anyee malga nsaa ji kusɔ nɛ an wu na malɛ be shɛda, ama men kraa maŋ yirda shɛda nɛ anyee ji a sa menyi.

Baru lela nɛ Jɔn kute na 3:3

Ndoŋ nna nɛ Yesu kaŋɛ mo le: “Kashenteŋ nɛ mee kaŋɛ fo na fanɛ, nɛ esa baa maŋ nya kakurge nyɔsopo na, e maaŋ wu Ebɔrɛ be kuwura na kikɛ.”

Baru lela nɛ Jɔn kute na 3:5

Nɛ Yesu kaŋɛ mo: “Kashenteŋ nɛ mee kaŋɛ fo na fanɛ nɛ b baa maŋ bɔla nchu nɛ Kiyoyu na so ŋ kurge esa, e maaŋ tiŋ n luri Ebɔrɛ be kuwura na to.

Baru lela nɛ Jɔn kute na 5:19

Ndoŋ nna nɛ Yesu kaŋɛ bumo le: “Kashenteŋ nɛ mee ji menyi na fanɛ ma, Ebɔrɛ Pibinyɛn na maa tiŋ a wora shɛŋ ŋ gbagba be kumu so kikɛ. Kusɔ nɛ mee wu n Tuto na ka bee wora nawule nɛ ma alɛ gba bee wora. Kusɔ nɛ Etuto na bee wora, kumo nɛ ma, Ebinyɛn na gba bee wora.

Baru lela nɛ Jɔn kute na 6:26

Nɛ Yesu kaŋɛ bumo le: “Ma e kaŋɛ menyi kashenteŋto na fanɛ, mannɛ emamachisheŋ nɛ men wu na so nɛ menyee fin ma, ama men ka we ebodobodo na ŋ kukwe kananɛ menyee sha na so e shin nɛ menyee fin ma na.

Baru lela nɛ Jɔn kute na 6:32

Nɛ Yesu kaŋɛ bumo: “Men keni, kashenteŋ nɛ mee kaŋɛ menyi na fanɛ mannɛ Mosis e daŋ sa menyi ebɔrɛso be bodobodo na. N Tuto e naa sa menyi kashenteŋ be bodobodo nɛ k bee shi ebɔrɛso na.

Baru lela nɛ Jɔn kute na 6:47

Ma e kaŋɛ menyi kashenteŋto na fanɛ ekama nɛ e yirda ma kɔ ŋkpa nɛ k maŋ kɔ ekar na.

Baru lela nɛ Jɔn kute na 6:53

Nɛ Yesu kaŋɛ bumo: “Ma e kaŋɛ menyi kashenteŋto na fanɛ nɛ men baa maŋ we Nyiŋgbasa Pibinyɛn na be eyur na nseŋ nuu mbe ŋklaŋ na, men maaŋ nya ŋkpa.

Baru lela nɛ Jɔn kute na 8:34

Nɛ Yesu kaŋɛ bumo: “Ma e kaŋɛ menyi kashenteŋto na, esa kama nɛ e bee wora alubi la alubi be kenya nna.

Baru lela nɛ Jɔn kute na 8:51

Ma e kaŋɛ menyi kashenteŋto na fanɛ nɛ esa baa ta ma kamalga na a wɔtɔ mbe kagbene to, e maaŋ wu kikɛ.”

Baru lela nɛ Jɔn kute na 8:58

Nɛ Yesu kaŋɛ bumo: “Ma e kaŋɛ menyi kashenteŋto na fanɛ pɔɛŋ nɛ b kurge Eebraham nɛ n wɔtɔ.”

1 Pita 1:25

ama Enyɛnpe be kamalga na bre wɔtɔ nna mbaanaayɔ.” Loŋ be kamalga na e la baru lela mo nɛ b daŋ bɔ n sa menyi na.

Kelaraŋŋini 20:11

Ndoŋ nna nɛ n naŋ wu kuwurputigboŋ fuful ko nɛ esa nɛ e daa tase kumo so. Nɛ kasawule nɛ awɔlpa foe mbe anishito a maŋ naa kɔ kakpa ndoŋ.