Matiu 5:17 - EBƆRƐ BE KAWƆL

¹⁷ Men sa maa fɛ fanɛ m ba na nɛ m ba kpra mbra dra nna nɛ asɔ nɛ anebiana na kaŋɛ na. M maŋ ba nna nɛ m ba kpra amo, m ba nna nɛ m ba shin nɛ a bɔla so.

Matiu 5:17 ပူးပေါင်းရင်းမြစ်များ

Aizaaya 42:21

Enyɛnpe Ebɔrɛ na kaa bee sha kumɔlga basa so, e bee keni mbe mbraana nɛ keŋini a bɔlɔ kenishi nna, mo alɛ nsaa sha mbe basa e baa bunyaŋ amo.

Matiu 3:15

Ndoŋ nna nɛ Yesu kaŋɛ mo le: “Sa maŋ kuŋ ma kumo be ekpa naniere, ŋkpal manɛ so, loŋ e daga fanɛ an wora asheŋ nɛ a bɔla ekpa nɛ Ebɔrɛ nase na kikɛ.” Ndoŋ nna nɛ Jɔn shuli m bɛr mo kabɔrɛbɛr na.

Matiu 7:12

Amoso, kusɔ kama nɛ menyee sha fanɛ basa e baa wora a sa menyi, menyi alɛ gba e baa wora loŋ a sa bumo. Kusɔ nɛ anebi Mosis be mbra na nɛ anebiana nɛ b ka na be keŋini na bee ŋini nna na.

Luuk 16:17

Ama ebɔrɛso nɛ kasawule be kemur du potɔpotɔ a chɔ mbra na to be kedosobi nyitiibi gba ko ka beeŋ ki jiga m mur.

Baru lela nɛ Jɔn kute na 8:5

Mbra na malɛ to Mosis kaŋɛ anyi fanɛ an kpa loŋ be beche na ajembu m mɔ. To, nɛ nuso nɛ fo alɛ kaŋɛ?”

Ashuŋ Shunso 18:13

“Kanyɛn ere bee wora ania nna a sha fanɛ basa e nu n sa mo nseŋ bɔla ekpa nɛ anyi be mbra na maa ŋini so m bɛ Ebɔrɛ so.”

Ashuŋ Shunso 21:28

m ponte ŋ kaŋɛ: “Israɛlebi, men ba chɛ to. Kanyɛn nɛ e na kaplɛkama a ŋini basa kikɛ asheŋ nɛ a bee da Israɛlebi nɛ Mosis be mbra na nɛ bɔrɛlambu na so e ba nfe hale m bar nnyamase bɔrɛlambu na to nɛ b ba jija kumo kananɛ k du cheembi na.”

Ashuŋ Shunso 6:13

nseŋ shin nɛ basa ko ba ku efɛ n deŋi mo ŋ kaŋɛ: “Saŋkama kanyɛn ere bee malga a gbiti anyi be bɔrɛlambu cheembi na nɛ Mosis be mbra nna.

Romebi 10:4

Kristo malɛ e bar mbra na ekar, saŋɛ na so, ekama nɛ e yirda, Ebɔrɛ beeŋ shin nɛ mo nɛ amodoŋwura e nyalɛ.

Romebi 3:31

Ama an ta le be yirda ere n ti mbra na ekpa ŋko? Ayai, an baa kraa kɔ kumo to a ti kumo so eleŋ.

Romebi 8:4

Ebɔrɛ wora loŋ nna nɛ alelasheŋ nɛ mbra na bee sha na e nya n wora anyi to nɛnɛ ashi anyi nɛ an maŋ naa wɔ alubi be eyur be kebaawɔtɔ to nsaa wɔ Kiyoyu na be kebaawɔtɔ to na to.