Matiu 5:15 - EBƆRƐ BE KAWƆL

¹⁵ Basa malɛ maa chɔɔ fitila so nsaa ta katishaŋ a buu kumo so, fitila be eyilikpa nɛ baa ta kumo a yili nɛ k bee sa basa kikɛ kefulto ebu na to.

Matiu 5:15 ပူးပေါင်းရင်းမြစ်များ

Ɛksodɔs 25:37

Men ta shuwa gbagba n lɔŋɛ efitila wurbi ashunu nɛ baaŋ baa chɔɔ a yili kefitilatɔl na so nɛ k baa fulto anishito na kikɛ.

Zakareya 4:2

nseŋ bishi ma le: “Manɛ nɛ fo wu?” Nɛ ŋ kaŋɛ: “N wu shuwa be kefitilatɔl nɛ ŋku wɔ kurwa to a bɛ kumo be esoso nɛ efitila ashunu wɔ kumo so. Efitila na be kekama kɔ kumo be kechɛbi be kaboŋ nna.

Nɔmbɛs 8:2

“Kaŋɛ Ɛɛrɔn fanɛ e kaŋ chɔɔ efitila ashunu na so, e ta amo n yili kefitilatɔl na so nɛ a baa fulto kumo be anishito.”

Maak 4:21

Nɛ Yesu naŋ kaŋɛ: “Emo e naaŋ ta katishaŋ m buu fitila so ŋko n ta fitila na n yili gedo be kaseto? Mannɛ fitila be eyilikpa nɛ esa bee ta kumo a yili a?

Luuk 11:33

Nɛ Yesu kaŋɛ: “B maa chɔɔ fitila so nsaa ta kumo a ŋana ŋko a ta katishaŋ a buu kumo so. Fitila be eyilikpa nɛ baa ta kumo a yili nɛ basa nɛ baa luri ebu na to na e nya kefulto.

Luuk 11:36

Nɛ fo eyur kikɛ kɔ kefulto nɛ kumo be kaplɛkama maŋ kɔ tentembiri, fo eyur na be kaplɛkama beeŋ baa wɔ kefulto na to nna fanɛ fitila ka nyaŋɛ kumo be kefulto n yuu fo so na.”

Luuk 8:16

Nɛ Yesu kaŋɛ: “B maa chɔɔ fitila so nsaa ta katishaŋ a buu kumo so ŋko a ta kumo a yili gedo be kaseto. Fitila be eyilikpa nɛ baa ta kumo a yili nɛ basa nɛ baa luri ebu na to na e nya kefulto.

Filipaiebi 2:15

Saŋɛ na so esa kama maaŋ wu kulubi kikɛ menyi so, ama menyeeŋ baa du cheembi a la Ebɔrɛ be mbia lela nɛ b wea nfɛralubiwuraana nɛ asheŋlubiwuraana to a wɔ durnya ere to. Men baa wɔ bumo to loŋ a du fanɛ achɛkpabi a fuli to a nyɛkpɛ a sa bumo,

Hibruwebi 9:2

B daŋ yuu wajɛlambu nna, nɛ kumo be ebu juŋkparso nɛ baa tre kakpa cheembi na daa kɔ patisa. Ndoŋ nɛ fitila na nɛ teebɔl na nɛ bodobodo nɛ b kɔ a sa Ebɔrɛ na kikɛ daa wɔ na.

Kelaraŋŋini 2:5

Men keni ketɔr gboŋgboŋi nɛ men tɔr na. Men lar men be alubi to nseŋ naa wora asheŋ nɛ men daa wora sososo na. Nɛ men baa maŋ lar men be alubi na to, meeŋ ba menyi kutɔ m ba ta men be kefitilatɔl ashi kumo be eyilikpa.