Matiu 5:11 - EBƆRƐ BE KAWƆL

¹¹ Nɛ basa bee tege menyi nsaa tɔrɔ menyi a ku efɛ a malga mmalga be yiri kikɛ a gbiti menyi ŋkpal ma so, kagbenefuli beeŋ ba kaa la menyeya.

Matiu 5:11 ပူးပေါင်းရင်းမြစ်များ

Nshɛ 35:11

Belubiworapo bee ku efɛ a ji shɛda a gbiti ma. Baa ku ma kɔnɔ a kaŋɛ fanɛ n wora asɔ nɛ m maŋ nyi amo be asheŋ gba.

Nshɛ 44:22

Ŋkpal fo so anyee luri luwu to nna saŋkikɛ. An du fanɛ mbolpɔ nɛ b gberge a yɔ nɛ b ya mɔ nna.

Aizaaya 25:8

Enyɛnpetale Ebɔrɛ na beeŋ mur luwu mbaanaayɔ! E beeŋ kpra anishichubi ashi ekama be anishito nseŋ lara ŋaba nɛ mbe basa ji ashi durnya kikɛ to na ashi bumo so. Enyɛnpe Ebɔrɛ na gbagba e kaŋɛ.

Aizaaya 51:7

Menyi nɛ men nyi kusɔ nɛ k daga kewora na e nu nfe! Menyi nɛ men kɔ ma keŋini menyi be ŋgbene to na gba e nu nfe! Men sa maa ŋana basa nɛ baa tege menyi nsaa kaŋɛ menyi asheŋbesaso na.

Aizaaya 66:5

Menyi nɛ menyee ŋana Enyɛnpe Ebɔrɛ nsaa wora mo kasonu na e nu kusɔ nɛ e kaŋɛ. E yɛ: “Ŋkpal men ka bee ji kashenteŋ a sa ma so, menyi gbagba be basa ko kishi menyi nna a maa sha ketu menyi n wora shɛŋ. Baa wora menyi eyurto nna a kaŋɛ le: ‘Men shin nɛ Enyɛnpe Ebɔrɛ na e ŋini mbe eleŋgboŋ nseŋ mɔlga menyi, saŋɛ na so anyeeŋ wu fanɛ menyi be ŋgbene fuli menyi.’ Ama bumo gbagba beeŋ ji anishinyɔr!”

Jɛremaya 37:14

Ndoŋ nna nɛ ŋ kaŋɛ: “Manɛ aloŋ nna! Maa shile nna nɛ n ya ti Babilɔnebi na so.” Ama Irija maŋ nu kusɔ nɛ ŋ kaŋɛ na. E daŋ pɛ ma nna nseŋ ta ma n ya sa ewurkpa be ekrachi na.

Matiu 10:18

Baaŋ kpal ma so n yɛr menyi bewurbi nɛ bewurgboŋana be anishito nɛ men ji ma asheŋ be shɛda n sa bumo nɛ nnyamase.

Matiu 10:22

Ekama beeŋ kishi menyi ŋkpal ma so, ama esa kama nɛ e ji kanyiti n ya fo lalaloge na beeŋ nya kumɔlga.

Matiu 10:25

Amoso, ekoyapo kama nɛ e fo mbe eŋinipo so, e shin nɛ loŋ e kukwe mo. Kenya kama malɛ nɛ e ba fo mo nyɛnpe so, e shin nɛ loŋ e kukwe mo. Nɛ basa baa tre kanaŋ ko to be enimu Alubipo Biyɛlzibel, kumo ere kanaŋ na to ebi bre beeŋ nya atre lubi nɛ a chɔ loŋ ai.”

Matiu 10:39

Esa kama nɛ e bee sha mbe ŋkpa ga beeŋ paŋ kumo, ama ekama nɛ e bee paŋ mbe ŋkpa ŋkpal ma so, beeŋ nya kumo.

Matiu 19:29

Ekama malɛ nɛ e yige mo pe ŋko beda nɛ besipo ŋko besipoche ŋko betuto ŋko benio ŋko bibi ŋko nsawule ŋkpal ma so, amodoŋwura beeŋ nya amo be ntuŋ kalfaso nseŋ nya ŋkpa nɛ k maŋ kɔ ekar na n ti so.

Matiu 24:9

Ade malɛ be buushi, basa beeŋ shin nɛ b pɛ menyi n tɔrɔ menyi nseŋ mɔ menyi. Ekama beeŋ kishi menyi ŋkpal ma so.

Matiu 27:39

Basa nɛ b daa choŋ gba daa maŋ bumo be amu so nna a tege mo a kaŋɛ:

Maak 13:13

Ekama beeŋ kishi menyi ŋkpal ma so. Ama esa kama nɛ e ji kanyiti n ya fo lalaloge na beeŋ nya kumɔlga.

Maak 13:9

Men baa de menyi be amu so, ŋkpal manɛ so, basa beeŋ pɛ menyi n yɔ demujikpa n ya kuya menyi so ashi nshɛrbuana to. Baaŋ shin nɛ men yili bewurbi nɛ bewurgboŋ be anishito ŋkpal ma so nɛ men ji ma asheŋ be shɛda n sa bumo.

Maak 4:17

Ama k maa luri bumo to nɛnɛ, amoso, b maa yirda a yɔ kufɔ. Awurfoŋ nɛ tɔrɔ baŋ tu bumo ŋkpal kamalga na so, epul na to nɛ b bɛ so ŋ gben.

Maak 8:35

Ŋkpal manɛ so, esa kama nɛ e bee sha mbe ŋkpa ga, beeŋ paŋ kumo, ama ekama nɛ e paŋ mbe ŋkpa ŋkpal ma so nɛ baru lela na so, beeŋ nya kumo.

Luuk 21:12

Ama pɔɛŋ nɛ le be asheŋ malɛ kikɛ e wora, basa beeŋ pɛ menyi n tɔrɔ menyi a ta menyi a bɔɔ nshɛrbuana to be benimuana enɔ nsaa ti menyi ebuana. Basa beeŋ kpal ma ketre so n yɛr menyi bewurgboŋana nɛ egomena be anishito.

Luuk 21:17

Ekama beeŋ kpal ma ketre so ŋ kishi menyi,

Luuk 6:22

Nɛ basa kishi menyi a kini menyi nsaa tege menyi a tre menyi basa lubi ŋkpal ma, Nyiŋgbasa Pibinyɛn na so, kagbenefuli beeŋ ba kaa la menyeya.

Luuk 9:24

Ŋkpal manɛ so, esa kama nɛ e bee sha mbe ŋkpa ga beeŋ paŋ kumo, ama ekama nɛ e paŋ mbe ŋkpa ŋkpal ma so, beeŋ nya kumo.

Baru lela nɛ Jɔn kute na 15:21

Asheŋ ere kikɛ nɛ baaŋ wora menyi ŋkpal men ka la meya so, ŋkpal manɛ so, b maŋ nyi esa nɛ e shuŋi ma na.

Baru lela nɛ Jɔn kute na 9:28

Ndoŋ nna nɛ b tege n tege mo nseŋ kaŋɛ mo: “Fo e baa la mbe ebɛsopo, anyi ere, Mosis be bebɛsopo e la anyi.

Ashuŋ Shunso 9:16

Ma alɛ gbagba beeŋ ŋini mo tɔrɔ nɛ a daga e ka ji n sa ma.”

Romebi 8:36

Loŋ malɛ nɛ abɔrɛsibɛ na bee kaŋɛ na fanɛ: “Ŋkpal fo so nɛ an wɔ kenishipere nɛ k kɔ anyi a yɔ luwu to kachɛ kama na. An ki fanɛ mbolpɔ nɛ b kɔ a yɔ nɛ b ya teŋ nna.”

1 Kɔrintebi 4:10

Ŋkpal Kristo so, an la bewulpo nna, ama menyi ere la benyiashempo nna ashi Kristo to. Anyi ere maŋ kɔ eleŋ, ama menyi ere kɔ! B kishi anyi nna, ama baa bunyaŋ menyi ere nna!

2 Kɔrintebi 4:11

Ŋkpal manɛ so, saŋkikɛ, anyi nɛ an wɔ ŋkpa to ere nɛ luwu maŋ wɔ kufɔ ŋkpal Yesu so, saŋɛ na so basa beeŋ wu mbe ŋkpa malɛ gba ashi anyi be eyurana nɛ luwu bee pɔɔ amo so ere to.

Filipaiebi 1:29

Ŋkpal manɛ so, mannɛ fanɛ Ebɔrɛ sa menyi ekpa nna fanɛ men yirda Kristo na nawule, ama e ta tɔrɔ gba nna n ti yirda na so n sa menyi ŋkpal Kristo koŋwule na so.

1 Pita 2:23

B daŋ tege mo, ama mo alɛ daa maŋ laŋɛ katege n sa bumo. B daŋ tɔrɔ mo, ama e daa maŋ nyaŋɛ to n tu bumo. Ama e daŋ ta mbe kumu nna m bɔɔ esa nɛ e bee ji asheŋ amo be ekpa so na enɔ.

1 Pita 4:14

Nɛ b baŋ tege menyi ŋkpal men ka la Kristo be bebɛsopo so, kumo ere nɛfa la menyeya nna, ŋkpal manɛ so, Ebɔrɛ be Kiyoyu nɛ e kɔ kemaŋkura na e wɔ menyi to.

Kelaraŋŋini 2:3

N nyi kananɛ men kɔ kanyiti a yil to nɛ kananɛ menyee ji tɔrɔ ŋkpal ma ketre so, menyi alɛ ŋkaa maa pɔ aba.