Matiu 4:7 - EBƆRƐ BE KAWƆL

⁷ Nɛ Yesu kaŋɛ mo le: “Le nɛ abɔrɛsibɛ na gba bee kaŋɛ: ‘Sa maŋ kaŋ wora Enyɛnpe fo Ebɔrɛ ŋ keni kikɛ.’ ”

Matiu 4:7 ပူးပေါင်းရင်းမြစ်များ

Nshɛ 106:14

Ajibi be kayɛlgagboŋ daŋ pɛ bumo ashi keshishɛrsawule na so nna nɛ b wora Ebɔrɛ ŋ keni.

Nshɛ 78:18

B daŋ kute nna n wora Ebɔrɛ ŋ keni; jemanɛ nɛ b daa yil mo so fanɛ e sa bumo ajibi nɛ b daa sha ga na.

Nshɛ 78:41

B daŋ baa wɔtɔ nna a wora mo a keni, nsaa wɔtɔ Israɛl be Ebɔrɛ cheembi na ebesa to.

Nshɛ 78:56

Ama b daŋ lar Ebɔrɛ kaman nseŋ wora Enyɛnpetale Ebɔrɛ na ŋ keni nna. B daa maŋ bɛ mbe mbraana so.

Nshɛ 95:9

Asheŋ nɛ b daŋ wu Ebɔrɛ ka wora na kikɛ be kaman, b daŋ chɔ mo nseŋ wora mo ŋ keni ndoŋana nna.

Ɛksodɔs 17:2

Ndoŋ nna nɛ baa fubel a kaŋɛ Mosis le: “Sa anyi nchu nɛ an nuu.” Ndoŋ nna nɛ Mosis bishi bumo: “Manɛ nna nɛ menyee fubel loŋ? Manɛ nna nɛ menyee wora Enyɛnpe Ebɔrɛ na a keni?”

Ɛksodɔs 17:7

Nɛ Mosis nase kaboŋ na be ketre Masa nɛ Meriba, ŋkpal Israɛlebi na ka daŋ malga ŋ gbiti Enyɛnpe Ebɔrɛ nseŋ wora mo ŋ keni saŋɛ nɛ b bishi fanɛ Enyɛnpe Ebɔrɛ na wɔ anyi kutɔ nna ere ŋko e maŋ wɔtɔ na so so.

Aizaaya 8:20

Ndoŋ nna nɛ men kaŋɛ bumo le: “Men baa nu kusɔ nɛ Enyɛnpe Ebɔrɛ na bee ŋini menyi nsaa maa nu a sa bekpalpo nɛ belejipo, ŋkpal manɛ so kusɔ nɛ baaŋ kaŋɛ menyi na maaŋ tiŋ n lara menyi ashi etɔrɔ to. Kare maaŋ chɛ bekama nɛ baa malga le ere be ekama!

Malakai 3:15

Naniere bre, ŋkpensheŋ wuraana na nɛ anyeeŋ kaŋɛ fanɛ baa nya nɛfa. Belubiworapoana gba bee wora Ebɔrɛ nna a keni nsaa ta bumo be amu a ji.’ ”

Nɔmbɛs 14:22

basa ere b ekama maaŋ yɔ kasawule nɛ n nase kɔnɔ n sa bumo na so. Ŋkpal manɛ so b wu ma kemaŋkura nɛ emamachisheŋ nɛ n wora ashi Ijipt be kasawule so nɛ keshishɛrsawule na so, ama b kini kenu n sa ma nseŋ wora ma ŋ keni alɛ damta.

Matiu 21:16

nɛ b bishi Yesu le: “Fee nu kusɔ nɛ mbia ere bee kaŋɛ nna ere a?” Nɛ Yesu kaŋɛ bumo: “Mm, mee nu. Menyi ere maŋ naŋ kraŋ ashi Nshɛ be Kawɔl to fanɛ: ‘Fo shin nɛ mbigboŋibi nɛ bumo nɛ b kraa wɔ enɔ to kikɛ ba pin kedi Ebɔrɛ epaŋ nɛnɛ na a?’ ”

Matiu 21:42

Nɛ Yesu naŋ bishi bumo: “Men maŋ naŋ kraŋ abɔrɛsibɛ nɛ a bee kaŋɛ le na nna; a yɛ: ‘Kejembu mo nɛ bepɔrpo kini na e ba ki ebu na be kebonfu be gbaltɔlase lela na. Enyɛnpe e daŋ wora le be kesheŋ. Kumo alɛ be kananɛ k kɔ mamachi anyi to’ a?

Matiu 4:10

Ndoŋ nna nɛ Yesu kaŋɛ mo: “Shile ma anishito Setani! Abɔrɛsibɛ na bee kaŋɛ fanɛ: ‘Bunyaŋ Enyɛnpe fo Ebɔrɛ na nseŋ shuŋ mo nawule.’ ”

Matiu 4:4

Nɛ Yesu kaŋɛ mo le: “Abɔrɛsibɛ na bee kaŋɛ fanɛ a maŋ daga nyiŋgbasa ka wɔtɔ ŋkpal ajibi nawule so, ama e wɔtɔ nna ŋkpal kamalga kikɛ nɛ k bee shi Ebɔrɛ be kɔnɔ to a lar so.”

Luuk 4:12

Nɛ Yesu kaŋɛ mo le: “Abɔrɛsibɛ na bee kaŋɛ: ‘Sa maŋ kaŋ wora Enyɛnpe fo Ebɔrɛ ŋ keni kikɛ.’ ”

Ashuŋ Shunso 15:10

Nɛ manɛ e ba nɛ menyee ta le be kesheŋ kpakpaso nɛ an nanaana maŋ tiŋ ŋko an gbagba maaŋ tiŋ n wora a deŋi beyirdapo ere so nɛ men wora Ebɔrɛ ŋ keni?

Ashuŋ Shunso 5:9

Nɛ Pita bishi mo: “Manɛ e ba nɛ fo nɛ fo kul wora kɔnɔkoŋwule a sha kewora Enyɛnpe be Kiyoyu na ŋ keni? Basa nɛ b puli fo kul e wɔ kabuna to na, bumo alɛ beeŋ ta fo alɛ gba loŋ.”

1 Kɔrintebi 10:9

A maŋ daga fanɛ an wora Enyɛnpe na ŋ keni fanɛ kananɛ bumo be beko daŋ wora nɛ awɔ daŋ duŋ n duŋ bumo m mɔ na.

Ditɛronɔmi 6:16

Men sa maŋ kaŋ wora Enyɛnpe menyi be Ebɔrɛ na ŋ keni, fanɛ kananɛ men daŋ wora ashi kakpa nɛ baa tre Massa na.

Hibruwebi 3:9

Ebɔrɛ yɛ: Ndoŋ nɛ men nananyɛnana daŋ chɔ ma ŋ keni nseŋ daŋ wora ma ŋ keni na. Ama bumo alɛ daŋ wu kusɔ nɛ ma Ebɔrɛ daŋ wora nfɛ adena na kikɛ to.