Matiu 4:4 - EBƆRƐ BE KAWƆL

⁴ Nɛ Yesu kaŋɛ mo le: “Abɔrɛsibɛ na bee kaŋɛ fanɛ a maŋ daga nyiŋgbasa ka wɔtɔ ŋkpal ajibi nawule so, ama e wɔtɔ nna ŋkpal kamalga kikɛ nɛ k bee shi Ebɔrɛ be kɔnɔ to a lar so.”

Matiu 4:4 ပူးပေါင်းရင်းမြစ်များ

Ɛksodɔs 16:15

Israɛlebi na ka wu amo nɛ b bishi abar: “Manɛ nna?” Ŋkpal manɛ so, b daa maŋ nyi kusɔ nɛ k daa la asɔ na. Ndoŋ nna nɛ Mosis kaŋɛ bumo le: “Ajibi nɛ Enyɛnpe Ebɔrɛ sa menyi fanɛ men baa ji nna na.

Ɛksodɔs 16:35

Israɛlebi na daŋ ji manna na nfɛ adena nna. B ji amo hale n ya fo Keenan be kasawule so nseŋ chena ndoŋ.

Ɛksodɔs 16:8

Ade kikɛ be kaman nɛ Mosis naŋ kaŋɛ bumo le: “Enyɛnpe Ebɔrɛ na e la esa mo nɛ e beeŋ baa sa menyi eblaŋ kaaseso nɛ men baa we, nseŋ naa sa menyi ajibi malɛ chipurso kanaŋkamaso nɛ k daga. Ŋkpal manɛ so, Enyɛnpe Ebɔrɛ na nu menyi be nfubel, manɛ e la anyi nɛ menyee malga gbiti anyi? Enyɛnpe Ebɔrɛ nɛ menyee malga a gbiti, mannɛ anyi.”

Ɛksodɔs 23:15

Men baa wora bodobodo nɛ a maŋ kɔ yiisi na be kejigboŋ nchɛ ashunu kananɛ ŋ ŋini menyi na, Abib be kufɔl nɛ men daŋ lar kumo to ashi Ijipt be kasawule so na to. Loŋ be nchɛnshunu na to ekama e sa maŋ kaŋ ji bodobodo nɛ b ta yiisi n wora. Ekama malɛ e sa maŋ kaŋ ta enɔfuloŋ m ba ma anishito, ama e bar kusɔ ko m ba lara sarga n sa ma.

Matiu 15:11

Mannɛ kusɔ nɛ k bee shi kowu a luri esa be kɔnɔ to e naa jija mo, ama kusɔ nɛ k bee shi mbe kɔnɔ to a lar e naa jija mo.”

Matiu 4:10

Ndoŋ nna nɛ Yesu kaŋɛ mo: “Shile ma anishito Setani! Abɔrɛsibɛ na bee kaŋɛ fanɛ: ‘Bunyaŋ Enyɛnpe fo Ebɔrɛ na nseŋ shuŋ mo nawule.’ ”

Matiu 4:7

Nɛ Yesu kaŋɛ mo le: “Le nɛ abɔrɛsibɛ na gba bee kaŋɛ: ‘Sa maŋ kaŋ wora Enyɛnpe fo Ebɔrɛ ŋ keni kikɛ.’ ”

Maak 7:20

Nɛ e naŋ kaŋɛ: “Kusɔ nɛ k bee jija esa e la kusɔ nɛ k bee shi mo to a lar,

Luuk 4:12

Nɛ Yesu kaŋɛ mo le: “Abɔrɛsibɛ na bee kaŋɛ: ‘Sa maŋ kaŋ wora Enyɛnpe fo Ebɔrɛ ŋ keni kikɛ.’ ”

Luuk 4:4

Nɛ Yesu kaŋɛ mo le: “Abɔrɛsibɛ na bee kaŋɛ fanɛ: ‘A maŋ daga nyiŋgbasa ka wɔtɔ ŋkpal ajibi nawule so.’ ”

Luuk 4:8

Nɛ Yesu kaŋɛ mo: “Abɔrɛsibɛ na bee kaŋɛ fanɛ: ‘Bunyaŋ Enyɛnpe fo Ebɔrɛ na nseŋ shuŋ mo nawule.’ ”

Baru lela nɛ Jɔn kute na 15:26

Ama Echɛtopo nɛ meeŋ shin nɛ e shi Etuto na kutɔ m ba menyi kutɔ na, mo e la kashenteŋ be Kiyoyu nseŋ shi Etuto na kutɔ na kaŋ ba, e beeŋ ji ma shɛda.

Baru lela nɛ Jɔn kute na 6:63

Kiyoyu na bee sa ŋkpa nna, ama eyur ere bre maaŋ tiŋ n wora shɛŋ. Mmalga nɛ m malga n sa menyi ere e naa shin nɛ menyee nya Kiyoyu nɛ e bee sa ŋkpa na.

Romebi 15:4

Abɔrɛsibɛ kama malɛ nɛ b daŋ sibɛ dra dra kikɛ n nase na, b daŋ sibɛ amo nna nɛ a baa ŋini anyi asheŋ, saŋɛ na so, anyeeŋ bɔla kanyiti nɛ kananɛ abɔrɛsibɛ na bee leŋ anyi to na to a kɔ tama.

Ɛfesesebi 6:17

Men baa shin nɛ kumɔlga na e baa la menyeya a kuŋ menyi fanɛ kebɛlso be kekpaŋwuro nseŋ naa ta kiyoyu na be tokobi nɛ k la Ebɔrɛ be kamalga na gba a kɔ.

Ditɛronɔmi 8:3

Amoso nɛ e daŋ shin nɛ akoŋ pɛ menyi, kumo be kaman nɛ e sa menyi ajibi nɛ menyi nɛ men nananyɛnana maŋ naŋ ji ŋ ku so na. Ajibi na nɛ baa tre ‘manna’ na. Mo alɛ daŋ wora loŋ nna nɛ e ŋini menyi fanɛ a maŋ daga fanɛ men baa wɔtɔ ŋkpal ajibi nawule so, ama ŋkpal kusɔ kama nɛ Enyɛnpe Ebɔrɛ na kaŋɛ so.