Matiu 4:3 - EBƆRƐ BE KAWƆL

³ Ndoŋ nna nɛ echɔŋkenipo na ba mo kutɔ m ba kaŋɛ mo le: “Nɛ fo baa la Ebɔrɛ Pibinyɛn gbagba nna, fo shin nɛ ajembu ere e ki ebodobodo.”

Matiu 4:3 ပူးပေါင်းရင်းမြစ်များ

Ɛksodɔs 16:3

a kaŋɛ le: “Enyɛnpe Ebɔrɛ daŋ shin nɛ an wu ashi ljipt be kasawule so gba, k daa bɔ, ŋkpal manɛ so, an ka daa wɔ ndoŋ, an daa nya eblaŋ nɛ ajibi kanaŋkamaso nɛ anyee sha a ji. Ama kumo nɛ men bar anyi keshishɛrsawule ere so m ba ka shin nɛ men ta akoŋ m mɔ anyi kikɛ na.”

Matiu 14:33

Nɛ bumo nɛ b daa wɔ ekuloŋ na to na bunyaŋ Yesu ŋ kaŋɛ: “Kashenteŋto fo e la Ebɔrɛ Pibinyɛn na.”

Matiu 16:16

Nɛ Saimɔn Pita kaŋɛ: “Fo e la Kristo, Ebɔrɛ nɛ e wɔ ŋkpa to Pibinyɛn na.”

Matiu 26:63

Ama Yesu daŋ la to nna a yil. Nɛ bɔrɛmatapo nimuso na kaŋɛ mo le: “Ebɔrɛ nɛ e wɔ ŋkpa to ere so, kaŋɛ anyi, fo e la Kristo, Ebɔrɛ Pibinyɛn na a?”

Matiu 3:17

Kumo be kaman nɛ ebɔl shi esoso ŋ kaŋɛ le: “M Pibinyɛn shaso nɛ ma kagbene bee fuli mo so ga nde.”

Maak 1:1

Yesu Kristo, Ebɔrɛ Pibi be baru lela nde.

Maak 3:11

Saŋkama nɛ ayoyu lubi nɛ b wɔ basa to na baŋ wu Yesu, b daa shin nɛ basa na bee lar nna a tɔr mbe anishito a boŋ to a kaŋɛ: “Fo e la Ebɔrɛ Pibinyɛn na.”

Maak 5:7

“Yesu, Ebɔrɛ Enyɛnpetale Pibinyɛn, manɛ nɛ fee fin ma to? Ebɔrɛ so, mee kule fo nna, sa maŋ tɔrɔ ma.”

Luuk 1:35

Nɛ malaika na shuli so ŋ kaŋɛ: “Kiyoyu Cheeŋ na e naaŋ gbelge fo so nɛ Ebɔrɛ be eleŋ e ba buu fo so. Amoso, baaŋ tre kebia cheembi nɛ feeŋ kurge na Ebɔrɛ Pibinyɛn.

Luuk 22:70

Nɛ basa na kikɛ bishi mo le: “Ama fo e la Ebɔrɛ Pibinyɛn na ŋko?” Nɛ Yesu kaŋɛ bumo: “Loŋ gbagba nɛ men yɛ na.”

Luuk 4:3

Ndoŋ nna nɛ alubipo na kaŋɛ mo le: “Nɛ fo baa la Ebɔrɛ Pibinyɛn gbagba nna, fo shin nɛ kejembu ere e ki bodobodo.”

Luuk 4:41

Mbuibi lubiana gba daŋ lar basa damta to m boŋ to ŋ kaŋɛ: “Fo e la Ebɔrɛ Pibinyɛn na.” Ama Yesu daŋ fiɛ bumo so a maŋ shuli nɛ mbuibi lubi na kaŋɛ shɛŋ, ŋkpal manɛ so, b nyi e ka la Kristo na.

Luuk 4:9

Ndoŋ nna nɛ alubipo na naŋ shin nɛ b yɔ Jerusalɛm n ya shin nɛ Yesu yili bɔrɛlambu na be kakpa jeŋgreŋ ko so nseŋ kaŋɛ mo le: “Nɛ fo baa la Ebɔrɛ Pibinyɛn gbagba nna, fo shi nfe n tɔr kasawule,

Baru lela nɛ Jɔn kute na 1:34

Ma alɛ wu nsaa ji shɛda fanɛ mo e la Ebɔrɛ Pibinyɛn na.”

Baru lela nɛ Jɔn kute na 1:49

Nɛ Nataniɛl kaŋɛ mo le: “Rabai, kashenteŋto, fo e la Ebɔrɛ Pibinyɛn na. Fo e la Israɛl be efuli so be Ewura na.”

Baru lela nɛ Jɔn kute na 20:31

Ama b sibɛ ade ere nna nɛ men yirda fanɛ Yesu e la Mesaya na, Ebɔrɛ Pibinyɛn na, nɛ menyi alɛ yirda loŋ, men beeŋ nya ŋkpa ashi mbe ketre na to.

Baru lela nɛ Jɔn kute na 9:35

Yesu nu b ka ju kanyɛn na nshɛrbuana na to be keluri to nseŋ ya tu mo kakpa ko m bishi mo: “Fo yirda Nyiŋgbasa Pibinyɛn na a?”

Ashuŋ Shunso 9:20

nseŋ yɔ nshɛrbuana to epul na to n ya fara a bɔ kubɔya na a kaŋɛ Yesu be asheŋ a kaŋɛ: “Mo e la Ebɔrɛ Pibinyɛn na.”

2 Kɔrintebi 1:19

Ŋkpal manɛ so, Ebɔrɛ Pibinyɛn Yesu Kristo na nɛ ma nɛ Sailas nɛ Timoti bɔ mbe kubɔya n sa menyi na daa maa kaŋɛ mm nseŋ naŋ kilgi ŋ kaŋɛ m-m epul na to, saŋkikɛ mm e daa wɔ mo to.

Galeeshaebi 2:20

Ma nɛ Kristo nɛ b daŋ gbir m mata kedibi largato so, amoso, mannɛ ŋ gbagba e naa wɔtɔ, Kristo e wɔ ma to. Kebaawɔtɔ nɛ ŋ kɔ a wɔtɔ ere, keyirda Ebɔrɛ Pibinyɛn nɛ e sha ma n ta mbe kumu n sa ma na to nɛ n wɔ.

1 Tɛsalɔnikaebi 3:5

Amoso, nɛ m ba gben n shuŋi Timoti nɛ e ya keni ŋko men kraa kɔ men be yirda na to ŋko Setani chɔ menyi ŋ keni n shin nɛ an be kushuŋ ki kushuŋ fuloŋ a.

Hibruwebi 12:16

Men baa de so nɛ ekama e sa maŋ kaa kɔ kesakalea be kebaawɔtɔ ŋko a wɔtɔ a kplaŋ abɔrɛsheŋ so fanɛ kananɛ Isɔɔ daŋ kpal kejibi koŋwule pati so n ta mbe kenimu be nɛfa n fa na.

Hibruwebi 4:14

An ka kɔ bɔrɛmatapo nimuso nɛ baa tre mo Yesu, Ebɔrɛ Pibinyɛn, nɛ e yɔ Ebɔrɛ gbagba be anishito na so, men shin nɛ an baa kɔ anyi be yirda nɛ anyee ji kumo be shɛda na be asheŋ to kpakpa.

Hibruwebi 7:3

Esa maŋ nyi mo nio nɛ mo tuto be asheŋ ŋko mbe kanaŋ to be asheŋ. Esa malɛ maŋ naa nyi mbe kakurgeachɛ be jemanɛ ŋko saŋɛ mo nɛ e wu. E du fanɛ Ebɔrɛ Pibinyɛn nna a la bɔrɛmatapo mo nɛ e wɔtɔ mbaanaayɔ.

1 Jɔn 3:8

Esa kama malɛ nɛ e bee wora asheŋ lubi la alubipo na peya nna, ŋkpal manɛ so, durnya be sososo na kikɛ nɛ alubipo na wɔtɔ a wora alubi m ba fo mbre. To, loŋ malɛ so nɛ Ebɔrɛ Pibinyɛn na lar m ba nɛ e ba jija alubipo na be ashuŋ.

Kelaraŋŋini 2:10

Men sa maŋ kaa ŋana asheŋ nɛ a bee shin nɛ a ba menyi so ere. Mee kaŋɛ menyi nna na fanɛ alubipo na beeŋ shin nɛ b ta menyi be beko n ti ebu nɛ e wora menyi ŋ keni nɛ men ji tɔrɔ nchɛ kudu. Ama men baa yil to kpakpa loŋ n ya kaa fo luwu to be keluri to gba nɛ n sa menyi ŋkpa be kuwurwuro na.