Matiu 4:24 - EBƆRƐ BE KAWƆL

²⁴ Amoso mbe ketre daŋ sɔ Siriya kikɛ to nna nɛ basa bar mo belɔpo nɛ bumo be alɔ be nnaŋ to kikɛ, bumo nɛ b daa wɔ ebesa to nɛ bumo nɛ mbuibi lubiana daŋ tɔr so nɛ kegbuŋgbuŋwuraana nɛ eyurwusowuraana kikɛ nɛ e chɛ n chɛ bumo.

Matiu 4:24 ပူးပေါင်းရင်းမြစ်များ

2 Samuɛl 8:6

Deevid daŋ yige mbe benapo na be beko nna ashi Damaskɔs, nɛ Siriyaebi na sɔ Deevid fanɛ bumo be ewura nsaa ka lampo a sa mo. Kaplɛkama nɛ ewura Deevid daŋ baŋ yɔ Enyɛnpe Ebɔrɛ daa shin nna nɛ e bee kɔ a pɔɔ so.

1 Bewura 10:1

Shɛba be efuli so be ewurche ka nu kananɛ ewura Sɔlɔmɔn be ketre dii ga na, nɛ e yɔ Jerusalɛm nɛ e ya wora mo ŋ keni.

1 Bewura 4:31

E daa nyi asheŋ a chɔ esa kikɛ ashi durnya to. E daa nyi asheŋ a chɔ Eetan nɛ e shi Ɛzra be kanaŋ to na nɛ Heman nɛ Kalkol nɛ Daada nɛ b la Mahɔl be mbinyɛnsobi na. Mbe ketre daŋ dii ga n yɔ efuli nɛ a kulti Juda nɛ Israɛl na.

1 Kronikɛls 14:17

Amoso Deevid be ketre daŋ dii n yɔ kaplɛkama nna, nɛ Enyɛnpe Ebɔrɛ shin nɛ efuli kama so ebi bee ŋana mo.

1 Kronikɛls 29:2

Amoso nɛ n wora ania n fin shuwa nɛ gbiti nɛ danyaŋ nɛ abɛlso nɛ ndibi nɛ yawu kpakpaso be ajembu be yiri yiri nɛ abitasɔ nɛ ajembu kpakpaso lela nɛ baa ta a pɔr na, nɛ e beeŋ ta m pɔr kumo na.

Ɛksodɔs 15:26

nseŋ ŋini bumo ŋ kaŋɛ le: “Men baŋ bugi asoe nɛnɛ n nu ma, men Nyɛnpe Ebɔrɛ na be ebɔl nseŋ wora kusɔ nɛ k niŋi ashi ma anishito, nseŋ bɛ ma mbraana so bre, menyeeŋ baa kɔ eleŋ. Ma alɛ maaŋ ta alɔ wurbi be aleblawu nɛ n daŋ ta n lɛ ljiptebi so na n lɛ menyi so.”

Matiu 12:22

Kachako basa ko bar mbuibilubiwura ko Yesu kutɔ. E daa la tanponyɛn nna, mo alɛ nseŋ daŋ naa la neemu. Nɛ Yesu chɛ mo nɛ e fara a malga nseŋ naa wu.

Matiu 14:1

Jemanɛ na so nɛ Hɛrɔd, Galili be ewura nu Yesu be asheŋ nseŋ kaŋɛ mbe nyɛrbi:

Matiu 15:22

Ndoŋ nɛ Keenan be efuli so be kache ko nɛ e daa tase efuli na so na ba boŋ to n tre Yesu ŋ kaŋɛ mo le: “Enyɛnpe, Ewura Deevid mo Nanabi, wu ma kuwɔr. M pibiche e kɔ kiyoyu lubi mo to nɛ k bee tɔrɔ mo ga.”

Matiu 17:15

nseŋ kaŋɛ: “Enyɛnpe, jande wu ma pibinyɛn kuwɔr. E bee tɔr kegbuŋgbuŋ nna nɛ k bee tɔrɔ mo ga hale a shin nɛ e bee kaa tɔr edɛ to ŋko nchu to.

Matiu 17:18

B ka bar mo mo kutɔ nɛ e fiɛ kiyoyu lubi na so nɛ k lar kebia na to nɛ e nya eleŋ epul na to.

Matiu 4:23

Ade be kaman nɛ Yesu nite Galili be kasawule so kikɛ to a ŋini basa abɔrɛsheŋ ashi bumo be nshɛrbuana to nsaa bɔ Ebɔrɛ be kuwura na to be baru lela na a sa basa nseŋ chɛ basa na to be alɔ nɛ ebesa be yiri kikɛ.

Matiu 8:28

Nɛ Yesu ba kepagboŋ na be kaba ndoŋ, Gadaraebi be kasawule so. Ndoŋ nna nɛ benyɛn anyɔ ko lar abeelaŋ nɛ baa puli bubuni na akpa m ba shɛr mo to. Mbuibi lubiana e daa wɔ bumo to a shin nɛ b daŋ lubi ga nɛ basa daa maŋ naa shuli a bɔla ekpa na so.

Matiu 8:33

Eprekukpapoana na ka wu loŋ nɛ b shile n yɔ kade to n ya bɔ kumo be kubɔya n sa basa na nseŋ naŋ kaŋɛ bumo kusɔ nɛ k wora basa anyɔ nɛ mbuibi lubiana na daa wɔ bumo to na.

Matiu 8:6

e yɛ: “Enyɛnpe, ma kenya e dese mbe gedo so epe a lɔ ga a ji awurfoŋ ga a maaŋ tiŋ ŋ koso.”

Matiu 9:26

Ndoŋ nna nɛ kesheŋ na be baru sɔ efuli na so kikɛ nyam.

Matiu 9:35

Kumo be kaman nɛ Yesu yɔ ndegboŋana nɛ ndewurbiana na kikɛ to n ya kaa ŋini basa abɔrɛsheŋ ashi bumo be nshɛrbuana to nsaa bɔ Ebɔrɛ be kuwura na to be baru lela na a sa basa nseŋ naa chɛ basa be alɔ nɛ ebesa be yiri kikɛ.

Maak 1:28

Amoso Yesu be asheŋ woraso ere be baru daŋ sɔ Galili be efuli so kikɛ.

Maak 1:32

Epeŋi ka tɔr nɛ kaase fo nɛ basa bar bumo be belɔpo kikɛ nɛ bumo nɛ mbuibi lubi tɔr so na Yesu kutɔ.

Maak 2:3

Yesu ka bee bɔ kubɔya na, basa ana ko sulɔ eyurwusowura ko m ba nɛ b ba sa mo.

Maak 2:4

Ama jimaŋ na ka wora keshi so, b maŋ tiŋ n ta mo n yɔ Yesu kutɔ. Amoso, b daŋ wora kemaŋ nna ashi ebu na be esoso kakpa nɛ Yesu wɔ na. B ka wora kemaŋ na n loge nɛ b ta mo nɛ kekpata nɛ e daa dese so na ŋ gbelge to.

Maak 2:9

Ma ketiŋ ŋ kaŋɛ eyurwusowura ere: ‘N ta fo alubi m paŋ fo,’ e du ma so kpakpa ŋko ma ketiŋ ŋ kaŋɛ: ‘Koso n ta fo kekpata n nite,’ e du ma so kpakpa?

Luuk 2:2

Saŋɛ na Kwirinias e daa la Siriya be gomena, mbe jemanɛ to be basa be kekarga be sososo e daa la na.

Luuk 4:14

Ade be kaman nɛ Kiyoyu Cheeŋ na be eleŋ bɔlɔ mo to nɛ e yɔ Galili be kasawule so. Epul to nɛ mbe keba na be baru sɔ kasawule na so kikɛ.

Luuk 4:38

Yesu ka koso n lar nshɛrbu na to nɛ e yɔ Saimɔn pe. Saŋɛ na so nɛ Saimɔn mo shache be eyur bel mo edɛ ga nɛ b kule Yesu fanɛ e chɛ mo to.

Luuk 5:15

Ama Yesu be asheŋ na be baru daa naŋ sɔ kaplɛkama nna n ti so nɛ jimaŋ damta ba nɛ b ba nu mbe kubɔya na nɛ e chɛ bumo be alɔ be nnaŋ to kikɛ.

Luuk 5:24

To, meeŋ ŋini menyi fanɛ ma, Nyiŋgbasa Pibinyɛn kɔ ekpa durnya to nɛ n ta alubi m paŋ.” Kumo be kaman nɛ e kaŋɛ eyurwusowura na: “Ma e kaŋɛ fo na: Niŋi to n ta fo kekpata n yɔ epe.”

Luuk 7:17

Yesu be asheŋ na be baru ere daŋ sɔ Judiya nɛ kasawule na so be nde kikɛ to nyam.

Baru lela nɛ Jɔn kute na 10:21

Ama le nɛ beko malɛ daŋ kaŋɛ: “Asheŋ nɛ kanyɛn ere bee malga ere maŋ la mbuibilubiwura be mmalga. Nɛ nuso nɛ kiyoyu lubi bee wora a bugi betanpo be anishi?”

Ashuŋ Shunso 10:38

Men nyi Nazarɛt be Yesu na be asheŋ nɛ kananɛ Ebɔrɛ lara mo nseŋ shin nɛ Kiyoyu Cheeŋ na nɛ eleŋ ba mo so. E daŋ yɔ kaplɛkama n ya wora kelela nseŋ chɛ basa damta nɛ b daa wɔ Setani be enɔ to na, ŋkpal manɛ so, Ebɔrɛ daa wɔ mo to.

Ashuŋ Shunso 15:23

Le be kawɔl nɛ b daŋ ta n shuŋi mbɔ na: “Beshuŋipo na nɛ benimuana na bee chɔrɔ menyi nnyamase nɛ men la bekurgepoana a wɔ Antiɔk nɛ Siriya nɛ Silisia to na.

Ashuŋ Shunso 15:41

Nɛ b bɔla Siriya nɛ Silisia n ya kaa leŋ asɔriebiana na to ashi bumo be kebɛso to fanɛ b baa kɔ yirda na to kpakpa.

Ashuŋ Shunso 28:9

Kede be kaman nɛ kechɛɛsawule na so be belɔpo kikɛ ba nɛ e chɛ bumo.

Ashuŋ Shunso 8:7

B daŋ wu mbuibi lubiana ka boŋ to awɔrso n lar basa damta to nseŋ naŋ wu eyurwusowuraana nɛ ebobi damta gba ka nya alenfia.

Joshuwa 6:27

Ŋkpal Enyɛnpe Ebɔrɛ na ka daa wɔ Joshuwa kutɔ so mbe ketre daŋ dii nna ga ashi efuli na kikɛ so.