Matiu 4:23 - EBƆRƐ BE KAWƆL

²³ Ade be kaman nɛ Yesu nite Galili be kasawule so kikɛ to a ŋini basa abɔrɛsheŋ ashi bumo be nshɛrbuana to nsaa bɔ Ebɔrɛ be kuwura na to be baru lela na a sa basa nseŋ chɛ basa na to be alɔ nɛ ebesa be yiri kikɛ.

Matiu 4:23 ပူးပေါင်းရင်းမြစ်များ

Nshɛ 103:3

Enyɛnpe Ebɔrɛ na e naa ta anyi be alubi a paŋ anyi. Mo alɛ e naa chɛ anyi be alɔana kikɛ,

Nshɛ 74:8

Le nɛ an doŋana na daŋ kaŋɛ ashi bumo be ŋgbene to: “Anyeeŋ mur bumo cheche!” B daŋ chɔɔ kaplɛkama nɛ basa bee bunyaŋ Ebɔrɛ na ashi kasawule na kikɛ so nna m mur cheche.

Matiu 11:5

Mee shin nɛ betanpo bee wu nɛ ebobi bee nite nɛ bebotipo bee nyalɛ so nɛ ekpawu bee nu nɛ bubuni bee tiŋi luwu to nɛ bebɔlpo malɛ bee nya a nu baru lela na be asheŋ.

Matiu 12:9

Ndoŋ nna nɛ Yesu lar ndoŋ n yɔ bumo be nshɛrbu na to.

Matiu 13:19

Ekama nɛ e bee nu Ebɔrɛ be kuwura na to be asheŋ ŋkaa maa pin kumo be asheŋ to na du fanɛ asɔ duuso nɛ a daŋ tɔr ekpa to na nna. E baŋ nu n loge, alubipo na bee ba nna m ba lara kamalga na mbe kagbene to.

Matiu 13:54

n yɔ mo gbagba be kade to n ya ŋini basa abɔrɛsheŋ ashi bumo be nshɛrbu to nɛ mbe keŋini na chinchiŋ basa kama nɛ b nu amo na ga nɛ b bishi abar: “To, nnɛ nɛ kanyɛn ere nya le be kanyiasheŋ ere? Nɛ mbe emamachi be asheŋ woraso ere malɛ ai?

Matiu 14:14

Yesu ka lar ekuloŋ na to nɛ e wu jimaŋ damta na nɛ bumo be asheŋ pɛ mo kuwɔr nɛ e chɛ bumo be belɔpo.

Matiu 24:14

Baaŋ bɔ Ebɔrɛ be kuwura na to be baru lela ere durnya ere to kikɛ nɛ k baa la shɛda a sa efuli kama so ebi pɔɛŋ nɛ jemanɛ ere be ekar e fo.”

Matiu 3:2

E yɛ: “Men lar menyi be alubi to, ŋkpal manɛ so, ebɔrɛso be kuwura na taga to.”

Matiu 9:35

Kumo be kaman nɛ Yesu yɔ ndegboŋana nɛ ndewurbiana na kikɛ to n ya kaa ŋini basa abɔrɛsheŋ ashi bumo be nshɛrbuana to nsaa bɔ Ebɔrɛ be kuwura na to be baru lela na a sa basa nseŋ naa chɛ basa be alɔ nɛ ebesa be yiri kikɛ.

Maak 1:14

B ka ti Jɔn ebu na be kaman nɛ Yesu yɔ Galili be kasawule so n ya malga Ebɔrɛ be baru lela na. E yɛ:

Maak 1:21

Ndoŋ nna nɛ b yɔ Kapɛɛniam be kade to. Kumo be kewushiachɛ nɛ Yesu fara a ŋini bumo abɔrɛsheŋ ashi nshɛrbu na to.

Maak 1:39

Kumo be kaman nɛ e fara a nite Galili be kasawule so kikɛ to a malga abɔrɛsheŋ na ashi bumo be nshɛrbuana to nseŋ daa ju mbuibi lubiana na basa to.

Maak 3:10

Ŋkpal e ka daŋ chɛ basa damta so, belɔpo na kikɛ daa ŋin abar a fin kebeta mo nna.

Maak 6:2

Kewushiachɛ ka fo nɛ e fara a ŋini basa abɔrɛsheŋ ashi nshɛrbu na to nɛ mbe keŋini na daŋ chinchiŋ basa damta nɛ b daa wɔ ndoŋ nseŋ nu kumo na ga nɛ b bishi abar: “Nnɛ nɛ kanyɛn ere nya ade kikɛ? Nnɛ nɛ e nya le be kanyiasheŋ ere? Nuso nɛ e bee wora a wora emamachisheŋ ere?

Maak 6:6

Nɛ Yesu kulti ndoŋ be ndewurbi na kikɛ to n ya kaa ŋini basa abɔrɛsheŋ.

Luuk 10:9

nseŋ chɛ kade na to be belɔpo nseŋ kaŋɛ ndoŋebi le: ‘Ebɔrɛ be kuwura na taga menyi to.’

Luuk 13:10

Kewushiachɛ ko Yesu wɔ nshɛrbu ko to a ŋini nɛ kache ko malɛ daa wɔ ndoŋ a kɔ mbuibi lubi.

Luuk 16:16

Mbra nɛ Ebɔrɛ daŋ bɔla anebi Mosis to n sa na nɛ asheŋ nɛ anebiana na daŋ malga na daŋ tar Jɔn kabɔrɛbɛrpo so nna. Yili mbe jemanɛ na a ba, Ebɔrɛ be kuwura na so be baru lela be kubɔya nɛ baa bɔ nɛ ekama bee kɔ a fin keluri kuwura na to.

Luuk 20:1

Kachako Yesu ka wɔ bɔrɛlambu na to a ŋini basa nsaa bɔ baru lela na a sa basa nɛ bɔrɛmatapowuraana na nɛ mbraŋinipoana na nɛ benimuana na ba ndoŋ m ba bishi mo le:

Luuk 4:14

Ade be kaman nɛ Kiyoyu Cheeŋ na be eleŋ bɔlɔ mo to nɛ e yɔ Galili be kasawule so. Epul to nɛ mbe keba na be baru sɔ kasawule na so kikɛ.

Luuk 5:17

Kachako Yesu ka bee ŋini basa abɔrɛsheŋ nɛ Efarisiana nɛ mbraŋinipoana ko tase ndoŋ. Bumo kikɛ daŋ shi Galili nɛ Judiya be ndeana kikɛ nɛ Jerusalɛm be kade to nna m ba. Jemanɛ na gbagba nɛ Kiyoyu na wɔ Yesu to a sha nɛ e chɛ belɔpo.

Luuk 6:17

Bumo nɛ Yesu ka gbelge n shi kebeebi na so a ba nɛ bumo kikɛ nɛ bebɛsopo damta ko ba yili kakpa peŋgeleŋ ko. Jimaŋ damta ko gba daa wɔ ndoŋ. B daŋ shi Judiya be efuli na so kikɛ nɛ Jerusalɛm nɛ Tayɛ nɛ Saidɔn be teku ase be nde to nna m ba nɛ b ba nu mbe kubɔya na nɛ e chɛ bumo be alɔ be yiri kikɛ.

Luuk 6:6

Kewushiachɛ ko malɛ Yesu yɔ nshɛrbu na to n ya ŋini basa abɔrɛsheŋ nɛ kanyɛn ko malɛ kɔ enɔjiso wuso a wɔ ndoŋ.

Luuk 7:21

Kumo be jemanɛ na malɛ gbagba so nɛ Yesu chɛ belɔpo damta be alɔ be nnaŋ to kikɛ nseŋ ju mbuibi lubi basa to nseŋ bugi betanpo damta be anishi.

Luuk 7:22

Amoso, le nɛ e daŋ kaŋɛ Jɔn be mbɔ na: “Men bɛta n ya kaŋɛ Jɔn asɔ nɛ men wu nɛ amo nɛ men nu ere be asheŋ fanɛ: Mee shin nɛ betanpo bee wu nɛ ebobi bee nite nɛ bebotipo bee nyalɛ so nɛ ekpawu bee nu nɛ bubuni bee tiŋi luwu to nɛ bebɔlpo malɛ bee nya a nu baru lela na be asheŋ.

Luuk 8:1

K daa maŋ naŋ chɛr ko nɛ Yesu koso a na ndegboŋana nɛ ndewurbiana to n ya kaa bɔ Ebɔrɛ be kuwura na to be baru lela na a sa ndoŋebiana.

Luuk 9:11

Jimaŋ na ka pin kumo be loŋ nɛ b bɛ mo so, ama e daa maŋ ju bumo. E daŋ malga Ebɔrɛ be kuwura na to be asheŋ nna n sa bumo nseŋ chɛ bumo nɛ b daa wɔ bumo to n daga kechɛ na.

Luuk 9:60

Nɛ Yesu kaŋɛ mo: “Shin nɛ basa nɛ b du fanɛ bubuni na e baa puli bumo braana bubuni. Ama fo ere baa yɔ n ya kaa bɔ Ebɔrɛ be kuwura na to be kubɔya na.”

Baru lela nɛ Jɔn kute na 18:20

Nɛ Yesu kaŋɛ mo: “N daa bugi to a malga nna a sa ekama. Nshɛrbuana na to ŋko bɔrɛlambu na to, kakpa nɛ Juwebi kikɛ bee kaa shɛr na nɛ n daa malga saŋkikɛ, n daa maa malga shɛŋ wulo to kikɛ.

Baru lela nɛ Jɔn kute na 6:59

Yesu daa wɔ Kapɛɛniam be nshɛrbu to nna a ŋini basa abɔrɛsheŋ nseŋ malga kesheŋ ere.

Baru lela nɛ Jɔn kute na 7:1

Ade be kaman nɛ Yesu shir a wɔ Galili be efuli so be nde nawule to a nite a maa sha kenite Judiya bre to, ŋkpal manɛ so, ndoŋ be Juwebi be benimuana na daa fin mo nna nɛ b mɔ.

Ashuŋ Shunso 10:38

Men nyi Nazarɛt be Yesu na be asheŋ nɛ kananɛ Ebɔrɛ lara mo nseŋ shin nɛ Kiyoyu Cheeŋ na nɛ eleŋ ba mo so. E daŋ yɔ kaplɛkama n ya wora kelela nseŋ chɛ basa damta nɛ b daa wɔ Setani be enɔ to na, ŋkpal manɛ so, Ebɔrɛ daa wɔ mo to.

Ashuŋ Shunso 18:4

Kewushiachɛ kama e daa yɔ nshɛrbu na to nna n ya kaa bugi asheŋ to a kaŋɛ Juwebi nɛ Griikebi kikɛ a sha keshin nɛ b wu fanɛ mbe kamalga na e bɔla ekpa.

Ashuŋ Shunso 20:25

N yɔ menyi be ekama ere nyam kutɔ n ya bɔ Ebɔrɛ be kuwura na to be asheŋ n sa menyi, ama naniere n nyi fanɛ menyi be ekama maaŋ naŋ wu ma kikɛ.

Ashuŋ Shunso 28:31

Ndoŋ koŋwule na malɛ nɛ e daa wɔ a bɔ Ebɔrɛ be kuwura na to be kubɔya na a sa basa kenyɛnso a malga kayurwushiso a ŋini Enyɛnpe Yesu Kristo be asheŋ.

Romebi 10:15

Nɛ nuso malɛ nɛ baaŋ wora m bɔ kubɔya na nɛ Ebɔrɛ baa maŋ shuŋi bumo? Loŋ malɛ nɛ abɔrɛsibɛ na bee kaŋɛ na fanɛ: “K la mamachi be kesheŋ nna n sa basa nɛ b kɔ kubɔya na nna a ba.”