Matiu 4:2 - EBƆRƐ BE KAWƆL

² Nchɛ adena nɛ nnyɛ adena nɛ Yesu daŋ ta ŋ kishi ndoŋ. Nchɛ na be kaman nɛ akoŋ pɛ mo.

Matiu 4:2 ပူးပေါင်းရင်းမြစ်များ

1 Bewura 19:8

Nɛ anebi Elaija koso n ji nseŋ nuu nchu nɛ ajibi na sa mo eleŋ nɛ e nite nchɛ adena kikɛ hale n yɔ kebee cheembi nɛ baa tre Sainai na.

Ɛksodɔs 24:18

Ndoŋ nna nɛ Mosis luri kuwɔlpa na to n yɔ kebee na be esoso n ya ji kebee na so nchɛ adena nɛ nnyɛ adena.

Ɛksodɔs 34:28

Nchɛ adena nɛ nnyɛ adena nɛ Mosis daŋ ta a wɔ Enyɛnpetale Ebɔrɛ na kutɔ nsaa maa ji ŋko a nuu. Loŋ be saŋɛ nɛ Enyɛnpe Ebɔrɛ daŋ sibɛ kɔnɔkoŋwule be ŋkre be mmalga na n deŋi ajembu pantraŋ pantrambi anyɔ na so. Amo e la mbra kudu na.

Matiu 21:18

Kumo be kamɔnchɛ chipurso Yesu ka bɛta a yɔ kade na to nɛ akoŋ pɛ mo.

Matiu 25:35

Ŋkpal manɛ so, akoŋ daa kɔ ma nna nɛ men sa ma ajibi, achukoŋ daa kɔ ma nna nɛ men sa ma kusɔnuuso, n daa la efɔ nna nɛ men sɔ ma.

Matiu 25:42

Ŋkpal manɛ so, akoŋ daŋ pɛ ma nɛ men maŋ sa ma shɛŋ nɛ n ji, achukoŋ daŋ pɛ ma nɛ men maŋ sa ma shɛŋ nɛ n nuu.

Maak 11:12

Ŋklade b ka bɛta n shi Bɛtani a ba nɛ akoŋ pɛ Yesu.

Luuk 4:2

Nɛ alubipo na ya chɔ mo ndoŋ nchɛ adena ŋ keni. Mbe kechɔŋkeni be jemanɛ na malɛ kikɛ nɛ e daa maa ji shɛŋ, amoso, kumo be kaman akoŋ daŋ pɛ mo nna.

Baru lela nɛ Jɔn kute na 4:6

Jeekɔb be ketirbu daa wɔ ndoŋ nna nɛ Yesu nite ŋ gben m ba fo ndoŋ kapaso chɛŋchɛŋ nseŋ kilgi n chena ketirbu na ase.

Ditɛronɔmi 18:18

Amoso meeŋ shuŋi anebi ko nɛ e du fanɛ fo nseŋ shi bumo gbagba be basa to nɛ e ba bumo kutɔ. Ma alɛ beeŋ baa ta ma kubɔya a sa mo nɛ mo alɛ e baa kaŋɛ bumo kusɔ kama nɛ ŋ kaŋɛ mo na gbagba chap.

Ditɛronɔmi 9:18

Ndoŋ nna nɛ n ta enɔ m buu anishi so ŋ kurgi kumu n yuu to nseŋ kule Enyɛnpe Ebɔrɛ na. Nchɛ adena nɛ nnyɛ adena nɛ m maa ji ŋko a nuu. Ma alɛ daŋ wora le nna ŋkpal men nananyɛnana ka wora kulubi n da Enyɛnpe Ebɔrɛ na so nɛ e nya agbo na so.

Ditɛronɔmi 9:25

Amoso nɛ n daŋ buu anishi so nseŋ kurgi kumu n yuu to ashi Enyɛnpe be wajɛbu na to nchɛ adena nɛ nnyɛ adena a kule Ebɔrɛ na, ŋkpal manɛ so, n daa nyi geeŋ fanɛ e daa kre kemur bumo nna.

Ditɛronɔmi 9:9

Ma e daŋ dii n yɔ kebeegboŋ na be awɔlto n ya sɔ ajembu peŋgeleŋ peŋgelembi nɛ menyi nɛ Enyɛnpe Ebɔrɛ na be kɔnɔkoŋwule be ŋkre nɛ baa tre amo Mbra Kudu na deŋ so na. Nchɛ adena nɛ nnyɛ adena nɛ n wɔ ndoŋ a maa ji ŋko a nuu.