Matiu 4:19 - EBƆRƐ BE KAWƆL

¹⁹ Ndoŋ nna nɛ e kaŋɛ bumo le: “Men ba bɛ ma so nɛ ŋ ŋini menyi kananɛ menyeeŋ baa keta basa a ba ma kutɔ.”

Matiu 4:19 ပူးပေါင်းရင်းမြစ်များ

Matiu 16:24

Kede be kaman nɛ Yesu kaŋɛ mbe bebɛsopo na: “Ekama nɛ e bee sha kebɛ ma so, a daga e ka teŋ mbe kumu so nseŋ sulɔ mbe kedibi largato m bɛ ma so.

Matiu 19:21

Ndoŋ nna nɛ Yesu kaŋɛ mo: “Nɛ fee sha kebaadu cheembi, fo ya fa fo asɔ kikɛ n ta amo be amansherbi n sa betirpo, loŋ nɛ feeŋ nya ekpanjawu ashi ebɔrɛso. Ade be kaman nɛ fo ba bɛ ma so.”

Matiu 4:18

Yesu ka na Galili be kepagboŋ na ase nɛ e wu benyɛn anyɔ ko, Saimɔn nɛ baa tre Pita na nɛ mo sipo Andru ka bee lɛ keshewu kepagboŋ na to, ŋkpal manɛ so, b daa la ekɔrɔtɔpɛpoana nna.

Matiu 4:20

Epul na to nɛ b yige bumo be ashewu na nseŋ bɛ mo so.

Matiu 8:22

Nɛ Yesu kaŋɛ mo le: “Bɛ ma so nseŋ shin nɛ basa nɛ b du fanɛ bubuni na e baa puli bumo braana bubuni.”

Matiu 9:9

Kede be kaman nɛ Yesu lar ndoŋ a yɔ n ya wu lamposɔpo nɛ baa tre Matiu na nɛ e tase mbe eshuŋkpa nɛ Yesu kaŋɛ mo: “Bɛ ma so.” Nɛ Matiu koso m bɛ mo so.

Maak 2:14

E ka bee choŋ nɛ e wu lamposɔpo Livai, Alfias pibi nɛ e tase mbe eshuŋkpa nɛ Yesu kaŋɛ mo: “Bɛ ma so.” Nɛ Livai koso m bɛ mo so.

Luuk 5:27

Kede be kaman nɛ Yesu lar a yɔ n ya wu lamposɔpo nɛ baa tre Livai na nɛ e tase mbe eshuŋkpa nɛ Yesu kaŋɛ mo: “Bɛ ma so.”

Luuk 9:59

Kumo be kaman nɛ Yesu kaŋɛ esa ko malɛ: “Bɛ ma so.” Nɛ amodoŋwura kaŋɛ mo: “Enyɛnpe, shin nɛ n ya puli n tuto pɔɛŋ nseŋ ba.”

Baru lela nɛ Jɔn kute na 1:43

Kesheŋ ere ka wora ŋklade nɛ Yesu yili kumo fanɛ e bee yɔ Galili be kasawule so. Kumo be kamɔnchɛ na nɛ e tu Filip nseŋ kaŋɛ mo: “Bɛ ma so.”

Baru lela nɛ Jɔn kute na 12:26

Esa kama nɛ e bee shuŋ ma, e baa bɛ ma so nɛ kaplɛkama malɛ nɛ n wɔ, ndoŋ nɛ ma kenya gba beeŋ baa wɔ. N Tuto malɛ beeŋ bunyaŋ esa kama nɛ e bee shuŋ ma.”

Baru lela nɛ Jɔn kute na 21:22

Nɛ Yesu bishi Pita: “Nɛ mee sha fanɛ e baa wɔ ŋkpa to hale nɛ n ya ba bre, k nya fo nnɛ nna? Fo ere e bɛ ma so de!”

2 Kɔrintebi 12:16

Shere menyeeŋ shuli fanɛ n daa maŋ dese menyi so, ama eko beeŋ tiŋ ŋ kaŋɛ fanɛ n daŋ bɔla kanyiasheŋ be ekpa ko so nna n ta efɛ m pɛ menyi.