Matiu 4:15 - EBƆRƐ BE KAWƆL

¹⁵ Le nɛ e daŋ kaŋɛ: “Zɛbyulɔn nɛ Naftali be nsawule nɛ a wɔ teku ase ashi Jɔɔdan be kaba ndoŋ na, Nnyamase be Galili,

Matiu 4:15 ပူးပေါင်းရင်းမြစ်များ

1 Bewura 9:11

Tayɛ be ewura, Hiram, e daŋ sa ewura Sɔlɔmɔn sida nɛ paɛŋ be ndibi nɛ shuwa nɛ b ta n shuŋ kushuŋ na kikɛ. B ka loge kumo be kushuŋ na, nɛ ewura Sɔlɔmɔn ta Galili be kebonfu na be kaba so be nde adunyɔ n sa ewura Hiram.

2 Bewura 15:29

Saŋɛ so nɛ Pɛka daa ji Israɛl be kuwura na, nɛ Asiriya be ewurgboŋ nɛ baa tre Tiglaf Pilesa na kɔ n sɔ Ijɔn nɛ Abel Bɛf Maaka nɛ Janua nɛ Kadɛsh nɛ Hazɔɔ nɛ Giliad nɛ Galili nɛ Naftali be nsawuleana nseŋ pɛ Israɛlebi nɛ b wɔ ndoŋ na n yɔ Asiriya n ya ti ebu.

Aizaaya 9:1

Ama basa nɛ b daŋ ji awurfoŋ na maaŋ naa wɔ ebesa to. Zɛbyulɔn nɛ Naftali be eyiriana be nsawule daŋ ji nyɔmɔ nna, ama echefoso kemaŋkura beeŋ ba kebonfu nɛ k yili Teku nɛ baa tre Mɛditerenia na be epeŋilarkpa be kaba so n dese n ya fo lɔr nɛ baa tre Jɔɔdan na, hale n ta n ya fo Galili be kasawule nɛ nnyamase tase so na so ebi so.

Matiu 4:13

Mannɛ Nazarɛt be kade to nɛ e daŋ ya chena. Kapɛɛniam nɛ k mata Galili be kepagboŋ na, Zɛbyulɔn nɛ Naftali be kasawule so nɛ e daŋ yɔ.

Matiu 4:14

E daŋ wora loŋ nna nɛ kusɔ nɛ anebi Aizaaya daŋ kaŋɛ na e bɔla ekpa.

Matiu 4:25

Ndoŋ nna nɛ jimaŋ damta ko shi Galili nɛ Dɛkapɔlis nɛ Jerusalɛm nɛ Judiya nɛ nde nɛ a ya kaa wɔ Jɔɔdan be kaba ndoŋ ere na kikɛ to m bɛ mo so.

Luuk 24:27

Ndoŋ nna nɛ e fara Mosis be abɔrɛsibɛ to m bugi asɔ nɛ a bee malga mo gbagba be asheŋ kikɛ to ŋ kaŋɛ bumo loŋ hale n ya bɔla anebiana na kikɛ be abɔrɛsibɛana to nyam.

Joshuwa 20:7

Amoso nde nɛ b lara ashi Jɔɔdan be lɔr na be epeŋitɔrkpa e daa la Kadɛsh nɛ k wɔ Galili ashi Naftali be abee be efuli so na nɛ Shɛkɛm nɛ kumo alɛ wɔ Efrayim be abee be efuli so na, nɛ Hibrɔn nɛ k wɔ Juda be abee be efuli so na.

Joshuwa 21:32

Naftali be yiri to be kasawule so malɛ be ndegboŋ asa nɛ b daŋ nya e la: Kedɛsh nɛ k la kesɔnyige be nde na be kuko ashi Galili na nɛ Hammɔf Dɔr nɛ Kartan, n ta amo be asɔbɔya be ejikpa be nsawule n ti so.