Matiu 3:6 - EBƆRƐ BE KAWƆL

⁶ n ya bugi ŋgbene ŋ kaŋɛ mo bumo be alubiana pɔɛŋ nɛ e bɛr bumo kabɔrɛbɛr ashi Jɔɔdan be lɔr na to.

Matiu 3:6 ပူးပေါင်းရင်းမြစ်များ

Ɛzra 10:1

Anebi Ɛzra ka wɔ nɛ alubi be ketampaŋ be kabɔrɛkule to nsaa shu ŋkpal bumo be alubi damta nɛ b wora na so na, nɛ Israɛlebi be benyɛn nɛ beche nɛ mbia damta ko ba yili ŋ kulti mo ŋ wɔtɔ a shu kenishipereso.

Nshɛ 32:5

Nɛ n tuba nseŋ kaŋɛ fo ma alubi kikɛ. M maŋ naŋ ta kulubi kikɛ n ŋana; nɛ fo ta ma alubi kikɛ m paŋ ma.

Aŋasa 28:13

Esa kama nɛ e bee ta mbe alubi a ŋana maaŋ yɔ anishito kikɛ, ama Ebɔrɛ beeŋ wu esa nɛ e bee bugi to a kaŋɛ mbe alubi nsaa tuba a lar amo to bre kuwɔr.

Ezikɛl 36:25

Nɛ kebaadu fanɛ ŋ ka wora nchu lela ŋ ŋmenyaŋ menyi so nɛ men nyalɛ so ashi kagbirshuŋ nɛ kusɔ kama nɛ k shin nɛ men wora eyurpi na to.

Danɛl 9:4

Ma kabɔrɛkule na to nɛ m bugi to ŋ kaŋɛ Enyɛnpetale Ebɔrɛ na alubi nɛ ma basa wora ŋ kaŋɛ le: “Enyɛnpe Ebɔrɛ nɛ fo shibi nɛ anyee bunyaŋ fo nɛ fee ji kashenteŋ a sa fo ŋkre nɛ fo nase na nsaa ŋini bekama nɛ baa sha fo nsaa wora fo aparsheŋ na kasha saŋkama na,

Levitikɔs 16:21

E beeŋ ta mbe enɔana n deŋi kaboe na be kumu so nseŋ malga kumukpakpaso nɛ kesheŋ kini be asheŋ lubi nɛ Israɛl be basa na wora kikɛ n laŋɛ amo kikɛ n deŋi kaboe na be kumu so. Kumo be kaman nɛ e shin nɛ esa ko e gberge kaboe na n yɔ kiyi to n ya lɛ nɛ k ta basa na be alubi a yɔ.

Levitikɔs 26:40

Ama nɛ menyi be kaman to ebi beeŋ tuba ashi bumo gbagba nɛ bumo nananyɛnana be alubi nɛ b wora ŋkpal b ka daŋ maŋ sa ma kashuli nseŋ nyaŋɛ to n wɔtɔ ma,

Nɔmbɛs 5:7

Amoso amodoŋwura daga fanɛ e bugi to ŋ kaŋɛ mbe kulubi nseŋ ka esa nɛ e wora n da so na be kusɔ kama nɛ e jija nɛ kumo kalfa to be adunyɔ so n ti so na n tal to.

Matiu 3:11

Nchu nɛ ma ere kɔ a bɛr menyi kabɔrɛbɛr a ŋini fanɛ men lar menyi be alubi to, ama emo nɛ e wɔ ma kaman a ba na beeŋ shin nɛ Kiyoyu Cheeŋ na nɛ edɛ e gbelge menyi so. E chɔ ma ga, hale m maŋ fo mbe aya to be shishɛr gba so.

Maak 1:5

Judiya be efuli so kikɛ ebi nɛ Jerusalɛm to ebi kikɛ daŋ yɔ Jɔn kutɔ nna n ya bugi ŋgbene ŋ kaŋɛ bumo be alubi pɔɛŋ nɛ e bɛr bumo kabɔrɛbɛr ashi Jɔɔdan be lɔr na to.

Luuk 1:16

E beeŋ shin nɛ Israɛlebi be bedamta e kilgi m ba Enyɛnpe bumo be Ebɔrɛ kutɔ.

Luuk 3:16

Nɛ Jɔn kaŋɛ bumo kikɛ le: “Nchu nɛ ma ere kɔ a bɛr menyi kabɔrɛbɛr, ama emo nɛ e wɔ ma kaman a ba na beeŋ shin nɛ Kiyoyu Cheeŋ na nɛ edɛ e gbelge menyi so. E chɔ ma ga hale m maŋ fo mbe aya to be shishɛr gba so.

Ashuŋ Shunso 1:5

Nchu nɛ Jɔn kabɔrɛbɛrpo daŋ ta m bɛr basa kabɔrɛbɛr, ama Ebɔrɛ beeŋ shin nɛ Kiyoyu Cheeŋ na e gbelge menyi so nchɛnnyɔ ere to be kefɛato.”

Ashuŋ Shunso 11:16

Saŋɛ na so nɛ n nyiŋi kusɔ nɛ Enyɛnpe daŋ kaŋɛ fanɛ: ‘Nchu nɛ Jɔn daŋ ta m bɛr basa kabɔrɛbɛr, ama Ebɔrɛ beeŋ shin nɛ Kiyoyu Cheeŋ na e gbelge menyi so.’

Ashuŋ Shunso 19:18

Nɛ beyirdapoana na be bedamta ba basa to m ba kaa bugi bumo gbagba be afito a kaŋɛ alubi nɛ b wora.

Ashuŋ Shunso 22:16

Amoso, sa maŋ naŋ jo, koso n shin nɛ b bɛr fo kabɔrɛbɛr a ti Yesu be ketre na nɛ Ebɔrɛ e fɔr fo alubi n lɛ.’

1 Kɔrintebi 10:2

Saŋɛ nɛ kuwɔlpa na daŋ juŋkpar bumo nɛ b daŋ bɔla teku na to n lar na, b daŋ bɛr bumo kabɔrɛbɛr nna n wɔtɔ anebi Mosis be kebɛso to.

Kɔlɔsiebi 2:12

B ka daŋ bɛr menyi kabɔrɛbɛr na, k du fanɛ b ka puli menyi nɛ Yesu Kristo nna. Menyi nɛ mo malɛ e naŋ tiŋi nɛ menyi nɛ mo naŋ tiŋ n nya Ebɔrɛ be ŋkpa ŋkpal men ka yirda Ebɔrɛ nɛ e tiŋi Yesu Kristo luwu to na be eleŋ to so.

Hibruwebi 6:2

A maŋ daga fanɛ an naa ŋini keyirda Ebɔrɛ be asheŋ ŋko n naa ŋini menyi kabɔrɛbɛrana be keŋini nɛ enɔana be kebaata a deŋi basa so ŋko basa be ketiŋi luwu to be asheŋ nɛ demuji be kasogberge nɛ k maŋ kɔ ekar na be asheŋ kuraa.

Hibruwebi 9:10

Asɔ na be asheŋ la asɔ jiso nɛ asɔ nuusoana nɛ daŋkare be eyurana so be kefɔr nna. Amo alɛ nseŋ naa la eyur so be atande nɛ a baa wɔtɔ n ya fo jemanɛ nɛ Ebɔrɛ beeŋ shin nɛ asɔ kikɛ e naŋ bɔla ekpa na.

Jeems 5:16

Amoso, men baa bugi men be alubiana to a kaŋɛ abar nsaa kule Ebɔrɛ a sa abar nɛ Ebɔrɛ e baa chɛ menyi be alɔana. Kashenteŋto, kabɔrɛkule kama nɛ k shi esa nɛ kulubi maŋ wɔ mo to, bee tiŋ a wora asheŋgboŋ ga ŋkpal eleŋ nɛ Ebɔrɛ ta n wɔtɔ kumo to so.

Joshuwa 7:19

Ndoŋ nna nɛ Joshuwa kaŋɛ mo le: “M pibinyɛn, sa Enyɛnpe Israɛl be Ebɔrɛ na kemaŋkura nseŋ ji kashenteŋ m bugi to ŋ kaŋɛ ma kusɔ nɛ fo wora kikɛ. Sa maŋ ta shɛŋ ŋ ŋana ma so.”

1 Pita 3:21

Loŋ be nchu na daa la kabɔrɛbɛr nɛ k bee mɔlga menyi naniere be kaduli nna, ama k maŋ la kusɔ nɛ k bee fɔr eyur to be alubi a lɛ. K la nfɛra niŋiso be kɔnɔ naseso mo nɛ esa bee nase nna a sa Ebɔrɛ. Yesu Kristo be ketiŋi luwu to na to nɛ k bee bɔla a mɔlga menyi.

1 Jɔn 1:9

Ama nɛ fanɛ an bugi to ŋ kaŋɛ Ebɔrɛ anyi be alubi bre, e la esa nɛ e niŋi nna nɛ anyeeŋ tiŋ n yirda mo nɛ e ta anyi be alubi kikɛ nyam m paŋ anyi nseŋ fɔr kulubi kikɛ nyam ashi anyi be ŋgbene to.