Matiu 3:2 - EBƆRƐ BE KAWƆL

² E yɛ: “Men lar menyi be alubi to, ŋkpal manɛ so, ebɔrɛso be kuwura na taga to.”

Matiu 3:2 ပူးပေါင်းရင်းမြစ်များ

1 Bewura 8:47

fo nu fo basa be kabɔrɛkule. Nɛ fanɛ b chɛrga bumo be nfɛra nseŋ kule fo a bugi to a kaŋɛ bumo be alubi kananɛ b la basa lubi nɛ kananɛ b la amu kpakpasowuraana ashi efuli na so, kumo ere Enyɛnpe Ebɔrɛ, fo nu bumo be kekule.

Job be kawɔl 39:12

Feeŋ shuli n yirda kumo nɛ k sulɔ fo ayu teŋiso m bar fo nɛ fo wɔtɔ mpuro to a?

Job be kawɔl 42:6

Amoso nɛ ŋ gbagba be asheŋ bee nu ma agbo nɛ n tuba nseŋ chena nsunɔ to, a ŋini kebɔltofinfin nɛ k kɔ ma.”

Ezikɛl 33:11

Kaŋɛ bumo fanɛ, ŋ ka la Enyɛnpetale Ebɔrɛ nɛ e bee sa ŋkpa so, ma kagbene maa fuli alubiworapoana be luwu so. B ka yige bumo be alubi be kewora nseŋ ji efute e naa fuli ma kagbene. Amoso nɛ Israɛl be basa na bee sha keji efute, kumo ere b yige bumo be asheŋ lubi na nseŋ bɛta m ba ma kutɔ.

Danɛl 2:44

Kuwurgboŋ nasopo na be bewura be jemanɛ so, Ebɔrɛ nɛ e wɔ esoso na beeŋ shin nɛ kuwurgboŋ nɛ k maaŋ tɔr kikɛ na e yili nsaa wɔtɔ mbaanaayɔ. Shɛŋ shɛŋ maaŋ tiŋ ŋ kɔ m pɔ kumo so, ama kumo ere beeŋ pɔɔ bewurgboŋ ana na kikɛ so m mur bumo cheche.

Matiu 10:7

Men yɔ n ya kaa bɔ kubɔya na a kaŋɛ fanɛ: ‘Ebɔrɛso be kuwura na taga to.’

Matiu 11:20

Ade be kaman nɛ Yesu fara a fiɛ nde nɛ e daŋ wora mbe emamachisheŋ damta amo to na ebi so ŋkpal b ka daa maŋ lar bumo be alubi to na so.

Matiu 12:41

Demujiachɛ na Ninɛveebi beeŋ yili n ji m bri mbreebi, ŋkpal manɛ so, anebi Jona ka daŋ bɔ kubɔya na n sa bumo na, b daŋ lar bumo be alubi to, ama ma e kaŋɛ menyi na fanɛ esa ko wɔ nfe a chɔ anebi Jona.

Matiu 13:11

Nɛ Yesu kaŋɛ bumo le: “Ebɔrɛ bugi mbe kuwura na to be kesheŋ ŋini be ewulo nna n sa menyi, ama e maŋ wora loŋ n sa basa pɔtɛ bre.

Matiu 13:24

Ndoŋ nna nɛ Yesu naŋ bɔ keŋasa ko ŋ kaŋɛ bumo. E yɛ: “Ebɔrɛso be kuwura na du fanɛ kanyɛn ko ka ya duu asɔ duuso lela mbe ndɔ to nna.

Matiu 13:31

Nɛ Yesu naŋ kaŋɛ bumo keŋasa popɔr fanɛ: “Ebɔrɛso be kuwura na du fanɛ kakilia be keduusobi nna, aduusoana kikɛ be kefimbi nɛ esa bee ta a duu mbe kasawule so.

Matiu 13:33

Nɛ Yesu naŋ bɔ bumo keŋasa ko ŋ kaŋɛ: “Ebɔrɛso be kuwura na du fanɛ yiisi nna. Eche baŋ ta yiisi n wɔtɔ katishaŋgboŋ nɛ nyifu to ŋ gbiti amo, a bee dii nna le fɔŋgrɔŋ.”

Matiu 13:47

Nɛ Yesu naŋ kaŋɛ: “Kede malɛ gba be kaman ebɔrɛso be kuwura na du fanɛ b ka lɛ keshewu n wɔtɔ kepagboŋ to nna nɛ k pɛ ekɔrɔtɔ be yiri kikɛ.

Matiu 13:52

Nɛ e kaŋɛ le: “Mbraŋinipo kama nɛ b ŋini mo ebɔrɛso be kuwura na to be asheŋ baa du fanɛ laŋwura ko ka bela asɔ popɔr nɛ asɔ dra ashi mbe kpanjawu to be ebu to n lar na nna.”

Matiu 18:23

Ŋkpal manɛ so, ebɔrɛso be kuwura na to du fanɛ ewurgboŋ ko ka bee sha mo nɛ mbe nyɛrbi ka wu akɔ nɛ b ji mo be edesekpa nna.

Matiu 20:1

Nɛ Yesu naŋ kaŋɛ: “Ebɔrɛso be kuwura na du fanɛ kudɔwura ko ka koso chipurdidi nna n ya ber basa paa nɛ b ya shuŋ mbe ndibi be kudɔ to.

Matiu 22:2

“Ebɔrɛso be kuwura na to du fanɛ ewura ko ka wora kejafɔ to be kejigboŋ nna n sa mo pibinyɛn.

Matiu 23:13

Asheŋ maaŋ nyalɛ n sa menyi mbraŋinipoana nɛ Efarisiana ere kikɛ, kebirkɔnshiwuraana ere, ŋkpal men ka bee kuŋ basa ashi Ebɔrɛ be kuwura na to be keluri na to so. Men gbagba maa luri ebɔrɛso be kuwura na to, menyi alɛ nseŋ naa shin nɛ basa nɛ b daa beeŋ baa sha keluri bee paŋ kumo to be keluri.

Matiu 25:1

Nɛ Yesu naŋ bɔ keŋasa ko ŋ kaŋɛ: “Ebɔrɛso be kuwura na to beeŋ naŋ ba kaa du fanɛ besuŋgurbi kudu ko ka daŋ ta bumo be efitila nna n yɔ nɛ b ya shɛr kejafɔ mo kul to.

Matiu 25:14

Nɛ Yesu naŋ bɔ keŋasa ere ŋ kaŋɛ: “Ebɔrɛso be kuwura na kraŋ naa du fanɛ kanyɛn ko ka daa yɔ kakpa ko nna nseŋ tre mbe anya n ta mbe asɔ m bɔɔ bumo enɔ.

Matiu 4:17

Yili jemanɛ na so a yɔ nɛ Yesu fara a bɔ mbe kubɔya a kaŋɛ le: “Men lar menyi be alubi to, ŋkpal manɛ so, ebɔrɛso be kuwura na taga to.”

Matiu 4:23

Ade be kaman nɛ Yesu nite Galili be kasawule so kikɛ to a ŋini basa abɔrɛsheŋ ashi bumo be nshɛrbuana to nsaa bɔ Ebɔrɛ be kuwura na to be baru lela na a sa basa nseŋ chɛ basa na to be alɔ nɛ ebesa be yiri kikɛ.

Matiu 5:10

Kagbenefuli la bekama nɛ basa bee kpal bumo be alelasheŋ be kebaawora so a tɔrɔ bumo na peya nna, ŋkpal manɛ so, ebɔrɛso be kuwura na la bumo peya nna.

Matiu 5:3

“Kagbenefuli la bekama nɛ b nyi b ka la bebɔlpo ashi Ebɔrɛ be anishito na peya nna, ŋkpal manɛ so, ebɔrɛso be kuwura na la loŋ be basa peya nna.

Matiu 6:10

n shin nɛ fo Kuwurgboŋ na e ba, n shin nɛ basa e baa wora fo aparsheŋ durnya ere to fanɛ kananɛ k du ebɔrɛso na.

Matiu 6:33

Amoso men ta Ebɔrɛ be kuwura na nɛ mbe alelasheŋ be kasha n juŋkpar men be kebaawɔtɔ to nɛ e shin nɛ men nya asɔ na kikɛ n ti so.

Maak 1:15

“Jemanɛ na fo. Ebɔrɛ be kuwura na taga to. Men lar menyi be alubi to n yirda baru lela na.”

Maak 1:4

Amoso nɛ Jɔn lar kiyi to a bɛr basa kabɔrɛbɛr na nsaa kute mbe kubɔya a kaŋɛ bumo: “Men lar menyi be alubi to n shin nɛ b bɛr menyi kabɔrɛbɛr na nɛ Ebɔrɛ e ta menyi be alubi m paŋ menyi.”

Maak 6:12

Nɛ b lar n ya bɔ kubɔya na fanɛ ekama e lar mbe asheŋ lubi to.

Luuk 1:16

E beeŋ shin nɛ Israɛlebi be bedamta e kilgi m ba Enyɛnpe bumo be Ebɔrɛ kutɔ.

Luuk 11:20

Kashenteŋto, Ebɔrɛ e naa sa ma eleŋ nɛ ŋ kɔ a ju mbuibi lubiana na ashi basa to nɛ loŋ malɛ bee ŋini fanɛ Ebɔrɛ be kuwura na teŋ ba menyi to.

Luuk 13:3

Ayai, ma e kaŋɛ menyi na fanɛ nɛ menyi maŋ lar menyi be alubi to, menyi alɛ gba kikɛ beeŋ mur.

Luuk 13:5

Ayai, ma e kaŋɛ menyi na fanɛ nɛ menyi maŋ lar menyi be alubi to, menyi alɛ gba beeŋ mur.”

Luuk 15:10

To, ma e kaŋɛ menyi na fanɛ nɛ esa koŋwule baŋ lar mbe alubi to, Ebɔrɛ be emalaika be ŋgbene beeŋ fuli bumo ga.”

Luuk 15:7

To, ma e yɛ menyi na fanɛ nɛ esa koŋwule baŋ lar mbe alubi to, Ebɔrɛ be emalaika be ŋgbene beeŋ fuli mo so ga a chɔ basa adekpanu nɛ akpanu nɛ b kaŋɛ b la belelapo Ebɔrɛ be anishito a maŋ kɔ alubi nɛ b lar amo to na. Ŋko eche mo e naaŋ baa kɔ gbiti be ndarbi kudu nɛ kuko e foe nɛ e maaŋ chɔɔ fitila so nseŋ fige mbe ebu ŋ keni kakpa kikɛ nɛnɛ n fin kumo loŋ hale n ya wu kumo?

Luuk 16:30

Nɛ kanyɛn na naŋ kaŋɛ: ‘Ayai, etuto Eebraham, mannɛ aloŋ nna, ŋkpal manɛ so, nɛ esa baŋ shi luwu to n ya malga n sa bumo, baaŋ lar bumo be alubi to.’

Luuk 21:31

To, loŋ koŋwule na nna fanɛ nɛ asheŋ ere kikɛ kaŋ ba kaa wora, men baa nyi fanɛ Ebɔrɛ be kuwura na be keba nɛ jemanɛ na taga to.

Luuk 24:47

ama kumo be nchɛ asa to e beeŋ tiŋi luwu na to. Mbe ketre so nɛ baaŋ bɔla n yili Jerusalɛm m bɔ kelar alubi to nɛ Ebɔrɛ be keyige alubi m paŋ na be baru na n sa efuli kama so ebi.

Luuk 6:20

Nɛ Yesu keni mbe bebɛsopo nseŋ kaŋɛ: “Kagbenefuli la menyi betirpo peya nna, ŋkpal manɛ so, Ebɔrɛ be kuwura na to la menyeya nna.

Luuk 9:2

Kumo be kaman nɛ e shuŋi bumo fanɛ b ya bɔ Ebɔrɛ be kuwura na to be baru na n sa basa nsaa chɛ belɔpo.

Ashuŋ Shunso 11:18

B ka nu kamalga na nɛ b yige bumo be kebaraso na nseŋ di Ebɔrɛ epaŋ ŋ kaŋɛ: “Kumo ere, Ebɔrɛ sa nnyamase gba ekpa nɛ b tiŋ n lar bumo be alubi to n nya ŋkpa na.”

Ashuŋ Shunso 17:30

Ebɔrɛ kplaŋ saŋɛ nɛ basa daa maŋ nyi na so, ama naniere e bee kaŋɛ ekama kaplɛkama fanɛ e lar mbe alubi to.

Ashuŋ Shunso 2:38

Nɛ Pita kaŋɛ bumo: “Men be ekama e lar mbe alubi to, kumo be kaman nɛ e shin nɛ b bɛr mo kabɔrɛbɛr Yesu Kristo be ketre to nɛ Ebɔrɛ e ta mbe alubi m paŋ mo nseŋ sa mo Kiyoyu Cheeŋ na.

Ashuŋ Shunso 20:21

Juwebi nɛ nnyamase kikɛ nɛ n daŋ fiɛ so kpakpa fanɛ b lar bumo be alubi to a bɛ Ebɔrɛ so nseŋ yirda an Nyɛnpe Yesu.

Ashuŋ Shunso 26:20

Damaskɔs nɛ n fara m bɔ kubɔya na nseŋ yɔ Jerusalɛm nɛ Juwebi be efuli so kikɛ nɛ nnyamase to n ya kaa bɔ kubɔya na fanɛ b lar bumo be alubi to m ba Ebɔrɛ kutɔ m ba kaa wora asheŋ nɛ a beeŋ ŋini fanɛ b lar bumo be alubi to kashenteŋto.

Ashuŋ Shunso 3:19

Amoso, men lar menyi be alubi to nseŋ bɛta m ba Ebɔrɛ kutɔ nɛ e kpra menyi be alubi kikɛ n lɛ.

2 Kɔrintebi 7:10

Ŋkpal manɛ so, kagbenejija mo nɛ k bee par Ebɔrɛ bee bar kagbenechɛrga nna a yɛr esa kumɔlga to, k maa bar ‘n daa nyi’. Ama durnya ere to be kagbenejija bre bee bar luwu nna.

Kɔlɔsiebi 1:13

An Tuto na sɔ anyi ashi Setani be tentembiri be kuwurji to n yige nseŋ ta anyi n wɔtɔ mo Pibinyɛn shaso na be kuwurji to.

2 Timoti 2:25

a wɔtɔ a yɔɔ mbe kumu nsaa ŋini basa nɛ baa ji mo emɔrɔ asheŋ amo be ekpa so. Nɛ e bee wora loŋ, shere Ebɔrɛ beeŋ bugi ekpa n sa bumo nɛ b tuba m bɛ kashenteŋ be ekpa na so

Hibruwebi 6:1

Amoso, men shin nɛ an baa yige sososo be asheŋ nɛ a bee kute Kristo na to nseŋ yɔ anishito n ya luri kenimufɛra be kebaawɔtɔ to. A maŋ naŋ daga an ka naŋ fara sososo be keŋiniana na a ŋini fanɛ an ka naa tɔl kelar aworbi nɛ a maŋ kɔ tɔnɔ Ebɔrɛ be anishito na to kikɛ.

2 Pita 3:9

Amoso, Enyɛnpe na maŋ wushi ashi mbe kɔnɔ nɛ e nase fanɛ e beeŋ wora na to nna fanɛ kananɛ basa ko bee fɛ esa be kewushi na nna. Kanyiti nɛ e bee ji menyi a maa sha fanɛ esa kikɛ e mur, ama e bee sha fanɛ ekama e lar mbe alubi to nna.

Kelaraŋŋini 2:21

N sa mo saŋɛ nɛ e lar mbe alubi to, ama e maa sha kelar mbe kesakalea na to.

Kelaraŋŋini 2:5

Men keni ketɔr gboŋgboŋi nɛ men tɔr na. Men lar men be alubi to nseŋ naa wora asheŋ nɛ men daa wora sososo na. Nɛ men baa maŋ lar men be alubi na to, meeŋ ba menyi kutɔ m ba ta men be kefitilatɔl ashi kumo be eyilikpa.