Matiu 3:1 - EBƆRƐ BE KAWƆL

¹ Kumo be jemanɛ na so nɛ Jɔn kabɔrɛbɛrpo ba Judiya be kiyi to m ba fara a bɔ Ebɔrɛ be kubɔya a sa basa.

Matiu 3:1 ပူးပေါင်းရင်းမြစ်များ

1 Bewura 2:34

Ndoŋ nna nɛ Bɛnaya yɔ Enyɛnpe Ebɔrɛ be wajɛbu na to n ya mɔ Jɔab nɛ b ta mbe kebuni m puli keshishɛrsawule so ashi mbe kade to.

Matiu 11:11

Mee kaŋɛ menyi kashenteŋto nna fanɛ durnya ere to be bomin kikɛ maŋ naŋ lar a chɔ Jɔn kabɔrɛbɛrpo, ama Ebɔrɛ be kuwura na to be ekekarso gba chɔ mo.

Matiu 11:7

Jɔn be bebɛsopo na ka bɛta a yɔ nɛ Yesu fara a malga Jɔn be asheŋ a kaŋɛ jimaŋ na: “Men ka daŋ yɔ Jɔn kutɔ kiyi to na, manɛ nɛ men daŋ tama keyawu? Men daŋ yɔ nna nɛ men ya wu kefitiri be keyɛlbi nɛ afu wɔtɔ a ber a dɛlɛ to na nna ŋko?

Matiu 16:14

Nɛ b kaŋɛ mo: “Beko bee tre fo Jɔn kabɔrɛbɛrpo nna. Beko malɛ bee kaŋɛ fanɛ anebi Elaija e la fo nɛ beko malɛ bee tre fo anebi Jɛremaya ŋko anebi ko.”

Matiu 21:32

Ŋkpal manɛ so, Jɔn daŋ ba menyi kutɔ nna nɛ e ba ŋini menyi alelasheŋ be ekpa, ama men maŋ yirda mo. Lamposɔpoana nɛ kesakaleawuraana bre yirda mo. Menyi alɛ ka naŋ wu kumo be loŋ gba, men kraa maŋ lar menyi be alubi to n yirda mo.”

Matiu 3:8

Men baa wora asheŋ nɛ a bee ŋini fanɛ men lar menyi be alubi to

Maak 1:15

“Jemanɛ na fo. Ebɔrɛ be kuwura na taga to. Men lar menyi be alubi to n yirda baru lela na.”

Maak 1:2

Anebi Aizaaya sibɛ mbe kawɔl to fanɛ Ebɔrɛ kaŋɛ: “Ma kabɔ nde, mee shuŋi mo nna nɛ e juŋkpar fo n ya lɔŋɛ ekpa n sa fo.

Luuk 1:76

Fo, m pibi, baaŋ tre fo Ebɔrɛ Enyɛnpetale be anebi. Feeŋ juŋkpar mo, Enyɛnpe na, n lɔŋɛ mbe ekpa n sa mo

Luuk 7:24

Jɔn be mbɔ na ka bɛta n yɔ nɛ Yesu fara a malga Jɔn be asheŋ a kaŋɛ jimaŋ na: “Men ka daŋ yɔ Jɔn kutɔ kiyi to na, manɛ nɛ men daŋ tama keyawu? Men daŋ yɔ nna nɛ men ya wu kefitiri be keyɛlbi nɛ afu wɔtɔ a ber a dɛlɛ to na nna ŋko?

Ashuŋ Shunso 1:22

A daga fanɛ e baa la basa nɛ anyi nɛ bumo daa la saŋkama, saŋɛ nɛ anyi nɛ Yesu daa wɔtɔ, yili saŋɛ nɛ Jɔn daa malga mbe kabɔrɛbɛr be asheŋ na n ya fo kachɛ nɛ Ebɔrɛ shin nɛ Yesu lar anyi kutɔ n yɔ ebɔrɛso na be eko.”

Joshuwa 14:10

Enyɛnpe Ebɔrɛ ka kaŋɛ Mosis loŋ, kumo be nfɛ adena nɛ anu nna na. Saŋɛ so nɛ Israɛlebi kraa wɔ keshishɛrsawule na so na nɛ Enyɛnpe Ebɔrɛ kaŋɛ mo loŋ. Enyɛnpe Ebɔrɛ na malɛ keni ma so hale m ba fo kabre. Keni, naniere n nya nfɛ aduburwa nɛ anu.

Demujipoana 1:16

Kɛnebi nɛ b la Mosis mo shanyɛn be kaman to ebi daŋ tu Judaebi nna n lar kade nɛ baa tre Jɛriko na n ya chena m mata kade nɛ baa tre Arad nɛ k dese kasawule wɔlso nɛ k wɔ kelargato be kaseto na so.