Matiu 28:18 - EBƆRƐ BE KAWƆL

¹⁸ Nɛ Yesu firgi n taga bumo to ŋ kaŋɛ le: “B ta ebɔrɛso nɛ kasawule so be eleŋ kikɛ nna m bɔɔ ma enɔ.

Matiu 28:18 ပူးပေါင်းရင်းမြစ်များ

Nshɛ 89:19

Le nɛ fo daŋ bɔla bɔrɛdare to ŋ kaŋɛ fo bebɛsopo nɛ baa ji kashenteŋ a sa fo na: “Ma e naa sa enapo eleŋ. Ma alɛ e ta kuwurputi na n sa esa nɛ ŋ gbagba lara ashi ma basa to.

Nshɛ 89:27

Meeŋ shin nɛ e ki ma wurkoŋnyɛn, nseŋ ki esagboŋ a chɔ durnya to be bewura kikɛ.

Aŋasa 8:15

Ma e naa chɛ bewurjipo to nɛ baa keni bumo be efuliana so, nsaa chɛ bejuŋkparpo to nɛ baa wora mbra lela.

Matiu 11:27

Kede be kaman nɛ Yesu naŋ kaŋɛ le: “N Tuto ta kusɔ kama nna m bɔɔ ma enɔ. Esa kama maŋ nyi esa nɛ e la Ebinyɛn na she Etuto na, esa kikɛ malɛ maŋ naa nyi Etuto na she Ebinyɛn na nɛ bumo nɛ Ebinyɛn na bee sha keta Etuto na ŋ ŋini na nawule.

Matiu 16:28

Ma e kaŋɛ menyi kashenteŋto na fanɛ basa ko wɔ nfe a maaŋ wu she b wu ma, Nyiŋgbasa Pibinyɛn ka ba fanɛ Ewura nna pɔɛŋ.”

Matiu 26:64

Ndoŋ nna nɛ Yesu kaŋɛ mo: “Loŋ nɛ fo yɛ na. Ma alɛ bee kaŋɛ menyi nna, yili kabre a yɔ menyeeŋ wu ma, Nyiŋgbasa Pibinyɛn ka tase Elempo na be jisoso nseŋ naŋ wu ŋ ka shi awɔlpa to a ba.”

Luuk 10:22

Kede be kaman nɛ Yesu naŋ kaŋɛ le: “N Tuto ta kusɔ kama nna m bɔɔ ma enɔ. Esa kama maŋ nyi esa nɛ e la Ebinyɛn na she Etuto na, esa kikɛ malɛ maŋ naa nyi Etuto na she Ebinyɛn na nɛ bumo nɛ Ebinyɛn na bee sha keta Etuto na ŋ ŋini na nawule.”

Baru lela nɛ Jɔn kute na 13:3

Yesu daa nyi Etuto na ka daŋ ta eleŋ kikɛ m bɔɔ mo ere Yesu na enɔ nseŋ naa nyi e ka shi Ebɔrɛ kutɔ m ba nseŋ naa bɛta a yɔ mo kutɔ.

Baru lela nɛ Jɔn kute na 17:2

Ŋkpal manɛ so, fo e daŋ sa ma eleŋ dimɛdi kikɛ so fanɛ n sa bekama nɛ fo ta m bɔɔ ma enɔ na kikɛ ŋkpa nɛ k maŋ kɔ ekar na.

Baru lela nɛ Jɔn kute na 3:31

Esa nɛ e shi ebɔrɛso na e chɔ ekama. Emo nɛ e shi kasawule so nfe la kasawule ere so be esa nna nɛ e bee malga kasawule ere so be asheŋ. Ama emo nɛ e shi ebɔrɛso na bre e chɔ ekama nyam.

Baru lela nɛ Jɔn kute na 3:35

Amodoŋwura e la Ebinyɛn na nɛ Etuto na malɛ bee sha mo, amoso, e ta kusɔ kama nna m bɔɔ mo enɔ.

Ashuŋ Shunso 10:36

E maa keni yiri nɛ k la mo. Men nyi kubɔya nɛ e sa Israɛlebi a kaŋɛ baru lela na be asheŋ fanɛ anyeeŋ tiŋ n nya kagbenewushi Ebɔrɛ kutɔ ashi Yesu Kristo nɛ e la basa kikɛ be Enyɛnpe na to be asheŋ.

Ashuŋ Shunso 2:36

To, menyi, Israɛlebi kikɛ men baa nyi geeŋ fanɛ Yesu koŋwule nɛ men gbir m mata kedibi largato so na nɛ Ebɔrɛ shin nɛ e ki Enyɛnpe nɛ Kristo na.”

Romebi 14:9

Loŋ so nɛ Kristo na wu nseŋ naŋ lar luwu to m ba na, saŋɛ na so e beeŋ baa la basa nɛ b wu nɛ bumo nɛ b kraa wɔ ŋkpa to be Enyɛnpe.

1 Kɔrintebi 15:27

Loŋ malɛ nɛ abɔrɛsibɛ na bee kaŋɛ na fanɛ: “Ebɔrɛ ta kusɔ kama m bɔɔ mo enɔ,” ama kananɛ k bee kaŋɛ fanɛ kusɔ kama ere maa ŋini fanɛ Ebɔrɛ mo nɛ e bee ta kusɔ kama a bɔɔ Kristo enɔ na gba ti kusɔ kama na so nna.

Kɔlɔsiebi 2:10

Ŋkpal menyi nɛ Yesu Kristo nɛ e la eleŋ be yiri kikɛ be enimu na ka ki kukoŋwule so, men kɔ ŋkpa kikɛ.

Hibruwebi 1:2

Ama naniere, lalaloge be nchɛ ere bre to mo Pibinyɛn so nɛ e bɔla m malga n sa anyi. Mo Pibinyɛn na so nɛ e to esoso nɛ kasawule kikɛ. Ebi na malɛ nɛ e lara fanɛ mo e naaŋ ba kaa wɔ kusɔ kikɛ.

Hibruwebi 2:8

nseŋ ta kusɔ kikɛ m bɔɔ mo enɔ.” Kekaŋɛ fanɛ Ebɔrɛ ta kusɔ kikɛ m bɔɔ mo enɔ ere bee ŋini fanɛ shɛŋ shɛŋ maŋ ti asɔ na so. Naniere bre, anyi maŋ naa wu kusɔ kama ka bee nu a sa mo.

1 Pita 3:22

Mo, Yesu Kristo koŋwule na e yɔ ebɔrɛso n ya kaa tase Ebɔrɛ be jisoso, kakpa nɛ ebunyampo bee chena, a ji emalaika kikɛ nɛ bejuŋkparpoana kikɛ nɛ eleŋana kikɛ so kuwura na.

Kelaraŋŋini 11:15

Ndoŋ nna nɛ malaika shunusopo na foŋ mbe kabel nɛ awɔr damtaana chɛ ashi ebɔrɛso a kaŋɛ le: “Eleŋ mo nɛ k bee ji kuwura durnya ere so na ki an Nyɛnpe nɛ mbe Kristo peya, mo alɛ beeŋ ji kuwura na mbaanaayɔ.”

Kelaraŋŋini 17:14

Baaŋ kɔ Kpakpafɔlbi na kena, ama Kpakpafɔlbi na beeŋ pɔɔ bumo so, mo e la benyɛnpe to be Enyɛnpe nɛ bewura to be Ewura na. Saŋɛ na so, mo nɛ mbe basa treso nɛ bumo koŋwule na la basa laraso nseŋ naa la mbe bebɛsopo mo nɛ b maa lar mo kaman na beeŋ baa wɔtɔ.”

Kelaraŋŋini 19:16

Ketre mo nɛ k daa deŋ mbe piŋi nɛ mbe kebembi so e la: “BEWURA TO BE EWURA NƐ BENYƐNPE TO BE ENYƐNPE.”