Matiu 27:51 - EBƆRƐ BE KAWƆL

⁵¹ Ndoŋ nna nɛ bɔrɛlambu na to be patisa na yili kumo be esoso n chaŋɛ to m ba kaseto. Nɛ kasawule gbuŋgbuŋ to nɛ afalta baŋɛ m baŋɛ to.

Matiu 27:51 ပူးပေါင်းရင်းမြစ်များ

2 Kronikɛls 3:14

Ago be kechɛbi nɛ achɛbi ko nɛ b nyɔ amo buru nɛ apeper kpaw nɛ apeper kunɔkunɔ nɛ b jɔ emalaika be ndulgi n deŋi so na nɛ b ta n lɔŋɛ patisa ŋ kuŋ acheembiana be kakpa cheembi na be kabuna to.

Nshɛ 18:15

Nɛ fo kaponte na shin nɛ teku be kasawulebi wɔlto a dese kpantaŋkpalaŋ, nɛ kasawule be gbaltɔlase lar n dese kpatokplo.

Nshɛ 18:7

Nɛ kasawule gbuŋgbuŋ to m baŋɛ, nɛ abeegboŋ be kaseto gbuŋgbuŋ. A gbuŋgbuŋ nna ŋkpal Ebɔrɛ ka nya agbo so.

Ɛksodɔs 40:21

Kumo be kaman nɛ e shin nɛ b ta kɔnɔkoŋwule be ŋkre be deka na m ba yili Ebɔrɛ be wajɛbu na to n shin nɛ b chɛ patisa kuŋso na ŋ kuŋ kumo so fanɛ kananɛ Enyɛnpe Ebɔrɛ kaŋɛ mo na.

Aizaaya 25:7

Kebee ere so nɛ Enyɛnpe Ebɔrɛ na beeŋ lara kagbenejija nɛ k du fanɛ awɔlpa a buu efuliana na kikɛ so na.

Levitikɔs 16:2

“Kaŋɛ fo da Ɛɛrɔn fanɛ jemanɛ nɛ k daga nawule nɛ e beeŋ tiŋ n luri acheembiana to be kakpa cheembi nɛ k wɔ patisa na be kaman na to, ŋkpal manɛ so, ndoŋ nɛ mee bɔla kuwɔlpa nɛ k buu kɔnɔkoŋwule be ŋkre be deka na so a lara ma kumu a ŋini. Nɛ mannɛ aloŋ, e beeŋ wu.

Levitikɔs 21:23

Ama ŋkpal mbe ndulgi na so, a maŋ daga e ka taga to patisa cheembi nɛ k bee kuŋ kɔnɔkoŋwule be ŋkre be deka na ŋko bɔrɛsure na to. A maŋ daga fanɛ e ta eyurpi m pɛ le be asɔ cheembi ere, ŋkpal manɛ so, ma e la Enyɛnpe Ebɔrɛ na. Ma alɛ e naa shin nɛ asɔ na bee ki cheembi.”

Habakuk 3:10

Abeegboŋana na ka wu fo nɛ a gbuŋgbuŋ to; nɛ bɔrɛchu shi awɔlpa so n wurge to. Ndoŋ nna nɛ echɛtabo baga to, nɛ amo to be nchu bɔlɔ n dii kepla.

Habakuk 3:13

Fo lar m ba nna nɛ fo ba mɔlga fo basa, nɛ fo ewura laraso. Fo ŋmɛa amukpakpasowuraana be ejuŋkparpo n lɛ, nseŋ mur basa nɛ b bɛ mo so na cheche.

Nɔmbɛs 4:5

Enyɛnpe Ebɔrɛ daŋ kaŋɛ Mosis nna fanɛ nɛ b kaa shin nɛ b kaa bumo be keeyi to, b shin nɛ Ɛɛrɔn nɛ mbe mbinyɛnsobi e luri n saŋɛ patisa nɛ k kuŋ ŋkre be deka nɛ k wɔ kakpa cheembi na nɛ wajɛbu to na nseŋ ta kumo m buu deka na so.

Matiu 27:54

Benapo be enimu nɛ basa nɛ b daa yil ndoŋ a de Yesu so na ka wu kananɛ kasawule na gbuŋgbuŋ to nɛ asɔ nɛ a daŋ wora na kikɛ nɛ kufu pɛ bumo nɛ b kaŋɛ le: “Kashenteŋto, kanyɛn ere daa la Ebɔrɛ Pibinyɛn nna!”

Matiu 28:2

Epul na to nɛ kasawule gbuŋgbuŋ to nɛ Enyɛnpe be malaika ko shi ebɔrɛso m ba gbelti kejembu na n lɛ nseŋ chena kumo so.

Maak 15:38

Nɛ bɔrɛlambu na to be patisa na yili kumo be esoso n chaŋɛ to m ba kaseto.

Luuk 23:45

Ŋkpal manɛ so, epeŋi daa maŋ naa nyaŋɛ nɛ bɔrɛlambu na to be patisa na yili kumo be esoso n chaŋɛ to m ba kaseto.

Luuk 23:47

Benapo be enimu ko ka daŋ wu asɔ nɛ a wora na kikɛ nɛ e di Ebɔrɛ epaŋ nseŋ kaŋɛ le: “Kashenteŋto, kanyɛn ere daa maŋ wora shɛŋ.”

Hibruwebi 6:19

Le be tama ere e shin nɛ anyi be yirda nɛ k wɔ anyi be ŋgbene to na bee wora eleŋ nɛnɛ a yili fanɛ kananɛ baa chɛ ekuloŋ a muni na a jo saŋɛ nɛ anyeeŋ nya n luri acheembiana to be kakpa cheembi to na.

Hibruwebi 9:3

Patisa nyɔsopo ko malɛ daa wɔtɔ nɛ fo baŋ baŋ kumo so, fee luri ebu mo nɛ baa tre acheembiana to be kakpa cheembi na to nna.

Kelaraŋŋini 11:13

Amo be saŋɛ na malɛ gbagba to nɛ kasawule be kebembeŋgboŋ ko ba beeŋ ndoŋ nɛ kadegboŋ na to be ntuŋ kudu be katuŋ koŋwuleso tɔr nɛ kebembeŋ na mɔ basa ŋgboŋ ashunu. Nɛ kufu pɛ basa nɛ b daŋ ka na nɛ b sa Ebɔrɛ nɛ e wɔ ebɔrɛso na kemaŋkura.

Kelaraŋŋini 11:19

Ndoŋ nna nɛ Ebɔrɛ be lambu nɛ k wɔ ebɔrɛso na bugi nɛ an wu mbe kɔnɔkoŋwule be ŋkre be deka ashi mbe lambu na to. Nɛ bɔrɛ nyɛkpɛ palpal m ponte to ŋ gbri n wɔtɔ nɛ kasawule gbuŋgbuŋ to nɛ abɔrɛjembubi gbɛgbɛsoana ko ba tɔr.