Matiu 27:31 - EBƆRƐ BE KAWƆL

³¹ B ka wora mo eyurto n loge nɛ b lara kusɔbuuso peper na nseŋ naŋ ta mo gbagba be asɔbuuso m buu mo nseŋ keta mo n yɔ nɛ b ya gbir mo m mata kedibi largato so.

Matiu 27:31 ပူးပေါင်းရင်းမြစ်များ

1 Bewura 21:10

Men fin befɛpo anyɔ nɛ b yili mbe anishito ŋ ku mo kɔnɔ fanɛ e sho Ebɔrɛ nɛ ewura kikɛ kɔnɔ. Kumo be kaman nɛ men lara mo n yɔ kade na be ekarso n ya kpla mo ajembu m mɔ.”

1 Bewura 21:13

Ndoŋ nna nɛ befɛpo anyɔ ko lar n yili Nabɔf be anishito ŋ kaŋɛ fanɛ e sho Ebɔrɛ nɛ ewura na kɔnɔ. Ŋkpal loŋ so nɛ b gberge mo n lar kade na be ekarso n ya kpla mo ajembu m mɔ.

Aizaaya 53:7

Awurfoŋ nɛ ebesa damta daŋ ba mo so, ama e daŋ lo to boeŋ nna, a maŋ fubel. E daŋ lo to fanɛ kpakpafɔlbi nɛ b gberge a yɔ nɛ b ya mɔ nna. Mo alɛ nseŋ daa du fanɛ kubolpɔ nɛ baa kuya kumo be afuibi nɛ k dese boeŋ nna, e maŋ wora shɛŋ.

Nɔmbɛs 15:35

Ndoŋ nna nɛ Enyɛnpe Ebɔrɛ kaŋɛ Mosis le: “Shin nɛ b keta kanyɛn na n lar keeyi na to nɛ basa na kikɛ e ya kpla mo ajembu m mɔ.”

Matiu 20:19

nseŋ kilgi n ta ma m bɔɔ nnyamase enɔ nɛ b wora ma eyurto ŋ kuya ma so nseŋ ta ma ŋ gbir m mata kedibi largato so. Ama kumo be nchɛ asa to meeŋ tiŋi luwu na to.”

Matiu 21:39

Ndoŋ nna nɛ b gberge mo n lar kudɔ na to n ya mɔ mo.”

Matiu 26:2

“Men nyi fanɛ a ka nchɛnnyɔ nɛ Kebansonchoŋ be kejigboŋ na e fo, kumo be saŋɛ na so baaŋ ta ma, Nyiŋgbasa Pibinyɛn m bɔɔ basa enɔ nɛ b gbir ma m mata kedibi largato so m mɔ.”

Maak 15:20

B ka wora mo eyurto n loge nɛ b lara kusɔbuuso peper kunɔkunɔ na nseŋ naŋ ta mo gbagba be asɔbuuso m buu mo nseŋ keta mo n yɔ nɛ b ya gbir mo m mata kedibi largato so.

Baru lela nɛ Jɔn kute na 19:16

Ade kikɛ be kaman nɛ Pailat ta mo m bɔɔ bumo enɔ fanɛ b ya gbir mo m mata kedibi largato so.

Baru lela nɛ Jɔn kute na 19:27

Kede be kaman nɛ e kaŋɛ ebɛsopo na malɛ: “Fo nio nde.” Baŋ yili kumo be kamɔnchɛ na kikɛ nɛ ebɛsopo na keta Yesu mo nio n yɔ mo pe nɛ e ya kaa wɔtɔ.

Ashuŋ Shunso 7:58

n ya gberge mo n lar kadegboŋ na to ŋ kpa mo ajembu m mɔ. Kabrantiɛbia ko nɛ b daa tre Sɔɔl kutɔ nɛ eshɛdajipoana na daŋ yige bumo be asɔbuuso nɛ e bee keni so.

Hibruwebi 13:12

To, loŋ so nɛ Yesu gba daŋ ji tɔrɔ kade na be ekarso nɛ e tiŋ m bɔla mo gbagba be ŋklaŋ so n shin nɛ mbe basa e ki cheembi na.