Matiu 27:29 - EBƆRƐ BE KAWƆL

²⁹ Kumo be kaman nɛ b ta ewidibi be ayabi n wora kuwurwuro m buu mo nseŋ ta kekpabi malɛ n wɔtɔ mbe enɔjiso to nseŋ gbir mbe anishito a wora mo eyurto a kaŋɛ le: “Juwebi be Ewura, anyee chɔrɔ fo.”

Matiu 27:29 ပူးပေါင်းရင်းမြစ်များ

Nshɛ 69:7

Fo nawule so nɛ mee sɔ katege nsaa ji nyɔmɔ na.

Aizaaya 49:7

Israɛl be basa, ma e la Enyɛnpe menyi be Ebɔrɛ cheembi na. Ma alɛ e la menyi be emɔlgapo! Men daa la anya nna n sa efuli pɔtɛana be bewura nɛ baa keni menyi jiga. Naniere kɔnɔ nɛ mee nase a sa menyi nde: “Bewurjipo nɛ kenimujiana beeŋ gbir m bunyaŋ menyi. Menyeeŋ tiŋ n yirda ma! Ŋkpal manɛ so, ma e la Enyɛnpe menyi be Ebɔrɛ nɛ menyi alɛ la ma basa laraso.”

Aizaaya 53:3

Ekama daŋ keni mo jiga nna nseŋ kini mo n lɛ. Kagbenejija nɛ ebesa damta e daŋ bɔlɔ mo to, nɛ mo alɛ ji kanyiti nseŋ sɔ amo kikɛ n deŋi mbe kumu so. Ekama daa maa sha kewu mo kenishiso gba. B daŋ wu mo nna fanɛ esa jiga.

Jɛremaya 20:7

Enyɛnpe Ebɔrɛ, fo kɔ eleŋ a chɔ ma, fo alɛ pɔɔ ma so nna kashenteŋto. Ama kewora ma fanɛ fo kplaŋ ma so nɛ asheŋ bri ma nna. Ekama bee wora ma eyur to nna a mushe ma karechɛ kikɛ.

Matiu 20:19

nseŋ kilgi n ta ma m bɔɔ nnyamase enɔ nɛ b wora ma eyurto ŋ kuya ma so nseŋ ta ma ŋ gbir m mata kedibi largato so. Ama kumo be nchɛ asa to meeŋ tiŋi luwu na to.”

Matiu 26:49

B ka fo ndoŋ nɛ Judas yɔ Yesu kutɔ epul na to n ya kaŋɛ mo le: “Eŋinipo, mee chɔrɔ!” Nseŋ pipe Yesu be kegbuŋ kechɔrɔso.

Matiu 27:37

Mbe kasogbergeso be shɛda be kasibɛ nɛ b daŋ sibɛ ŋ gbir m mata mbe kumu ase e daa la: “JUWEBI BE EWURA NƐ BAA TRE YESU NA NDE.”

Maak 15:17

Nɛ b ta kusɔbuuso peper kunɔkunɔ m buu Yesu nseŋ ta ewidibi be ayabi n wora kuwurwuro m buu mo.

Maak 15:18

Ndoŋ nna nɛ b fara a chɔrɔ mo ŋ kaŋɛ: “Juwebi be Ewura, anyee chɔrɔ fo.”