Matiu 27:2 - EBƆRƐ BE KAWƆL

² Ndoŋ nna nɛ b ta ŋgbɛlɛbi ŋ kre mo nseŋ ta mo n ya bɔɔ Pailat nɛ e daa la Romebi be gomena na enɔ.

Matiu 27:2 ပူးပေါင်းရင်းမြစ်များ

Jɛnesis 22:9

B ka ya fo kakpa nɛ Ebɔrɛ ŋini Eebraham fanɛ e lara sarga na nɛ Eebraham yuu bɔrɛsure ndoŋ nseŋ bela ndibi na n deŋi bɔrɛsure na so. Kumo be kaman nɛ e pɛ mbe kebia na ŋ kre mo n ya deŋi bɔrɛsure na nɛ ndibi na so,

Matiu 20:19

nseŋ kilgi n ta ma m bɔɔ nnyamase enɔ nɛ b wora ma eyurto ŋ kuya ma so nseŋ ta ma ŋ gbir m mata kedibi largato so. Ama kumo be nchɛ asa to meeŋ tiŋi luwu na to.”

Matiu 28:14

Nɛ men kaŋɛ loŋ hale nɛ gomena ya nu kumo gba, men sa maa fɔŋ menyi be amu so, ŋkpal manɛ so, an nyi kusɔ nɛ anyeeŋ kaŋɛ mo nɛ e sa maŋ tɔrɔ menyi.”

Luuk 13:1

Basa ko daa wɔ ndoŋ jemanɛ na so gbagba nseŋ kaŋɛ Yesu Galiliebi nɛ b daŋ lara esarga nɛ Gomena Pailat mɔ bumo n shin nɛ bumo be ŋklaŋana luri n wea bumo be esargaana to be asheŋ.

Luuk 20:20

Ama bumo alɛ daa ŋana basa na nna. Nɛ b fara a tɛ mo nseŋ shuŋi basa fanɛ b kute n yɔ mo kutɔ fanɛ b ka la basa lela na n ya lute mo kɔnɔ nɛ e malga n da so nɛ b ta mo m bɔɔ gomena nɛ e daa ji na enɔ.

Luuk 23:1

Ndoŋ nna nɛ nshɛrwuraana na kikɛ koso n yɛr Yesu Gomena Pailat kutɔ

Luuk 23:12

Kumo be kamɔnchɛ kikɛ nɛ Hɛrɔd nɛ Pailat ki beteri, ŋkpal manɛ so, pɔɛŋ nɛ Yesu be demu na ba, b daa maŋ wɔ ebel abar so.

Luuk 3:1

Ewurgboŋ Tiberius ka ji mbe kafɛ kuduanusopo to, Pɔnshes Pailat e daa la Judiya be gomena nɛ Hɛrɔd malɛ daa keni Galili be efuli so nɛ mo sipo Filip malɛ daa keni Ituriya nɛ Trakɔnaites be nsawule ko so. Lisanias e daa keni Abileene so nɛ Anas nɛ Kayafas malɛ daa la bɔrɛmatapo nimusoana.

Baru lela nɛ Jɔn kute na 18:12

Kede be kaman nɛ esoji na nɛ bumo be enimu nɛ Juwebi be bekumpo na pɛ Yesu ŋ kre mo nseŋ ta mo n yɔ Anas kutɔ pɔɛŋ.

Baru lela nɛ Jɔn kute na 18:24

B daŋ kraŋ kre Yesu loŋ nna nɛ Anas shin nɛ b yɛr mo bɔrɛmatapo nimuso Kayafas kutɔ.

Baru lela nɛ Jɔn kute na 18:28

Juwebi na ka bar Yesu Kayafas pe nɛ b naŋ keta mo n lar ndoŋ n yɔ Romebi be gomena be lambu to. Saŋɛ na so nɛ kare bee chɛ, amoso, ŋkpal daŋkare be eyurpi be kenya so, Juwebi na daa maŋ luri gomena na be lambu na to, ŋkpal manɛ so, b daa sha ketiŋ n ji Kebansonchoŋ be kejibi na nna.

Ashuŋ Shunso 12:6

Kachɛ nɛ Hɛrɔd daa sha kelara Pita kabuti to m ba ji mo demu basa kikɛ be anishito na be kanyɛso b ta ŋgbɛlɛbi anyɔ ŋ kre Pita n nase bekumpo anyɔ ko be nferinto nɛ e dese a di nɛ bekumpo ko malɛ yil ebu na be kabuna a de so.

Ashuŋ Shunso 21:33

Nɛ enimu na yɔ Pɔɔl kutɔ n ya shin nɛ b pɛ mo nseŋ shin nɛ b ta ŋgbɛlɛbi anyɔ ŋ kre mo. Kumo be kaman nɛ e bishi: “Nuso be esa e la kanyɛn ere, nɛ manɛ nɛ e wora?”

Ashuŋ Shunso 22:25

B ka kre mo nɛ b kuya mo so nɛ Pɔɔl bishi enapo nimusobi ko nɛ e daa yil ndoŋ na le: “Ekpa wɔtɔ fanɛ b kuya Rom be efuli so be esa so nɛ b maŋ ji mo demu ŋ keni a?”

Ashuŋ Shunso 22:29

Epul na to nɛ basa nɛ b daa sha nɛ b bishi Pɔɔl asheŋ na bɛta kaman nɛ kufu pɛ benapo be enimu na gba ŋkpal e ka pin Pɔɔl ka la Rom be esa nɛ ŋkpal e ka shin nɛ b ta ŋgbɛlɛbi ŋ kre mo so so.

Ashuŋ Shunso 24:27

B wɔtɔ loŋ nɛ nfɛ anyɔ ba choŋ nɛ Pɔkias Fɛstes ba sɔ mo so a la gomena. Ŋkpal kenya ketre Juwebi na kutɔ so, Filiks daŋ yige Pɔɔl kabuti na to nna nseŋ yɔ.

Ashuŋ Shunso 28:20

Amoso nɛ n tre menyi nɛ ŋ kaŋɛ menyi amo na. Esa nɛ Israɛlebi na bee tama fanɛ e beeŋ ba na malɛ so nɛ ŋgbɛlɛbi ere wɔ ma enɔana to na.”

Ashuŋ Shunso 3:13

An nananyɛnana Eebraham nɛ Aizek nɛ Jeekɔb nɛ anyi be kanaŋ to ebi kikɛ be Ebɔrɛ na e sa mbe Kenya Yesu kemaŋkura. Mo nɛ men daŋ ta m bɔɔ belempo enɔ nseŋ kini mo Pailat be anishito, saŋɛ nɛ Pailat gbagba daa sha keyige mo na.

Ashuŋ Shunso 4:27

Kumo alɛ kashenteŋ nna, ŋkpal manɛ so, Hɛrɔd nɛ Pɔnshes Pailat nɛ nnyamase nɛ Israɛlebi daŋ shɛr kadegboŋ ere to ŋ kre Yesu nɛ e la fo Ebɔrɛ be Kenya cheembi nseŋ naa la emo nɛ fo lara fanɛ e baa la Kristo na be nia.

Ashuŋ Shunso 9:2

E daŋ yɔ bɔrɛmatapo nimuso kutɔ nna n ya kule mo nwɔl nɛ a beeŋ tiŋ ŋ ŋini Damaskɔs be nshɛrbu to be Juwebi na esa nɛ e la mo. Loŋ na e beeŋ tiŋ m pɛ ndoŋebi be ekama, benyɛn nɛ beche nɛ baa bɛ Enyɛnpe be ekpa na so, n yɔ Jerusalɛm.

1 Timoti 6:13

Ebɔrɛ nɛ e bee sa kusɔ kikɛ ŋkpa nɛ Yesu Kristo nɛ e yili Gomena Pɔnshes Pailat be anishito n ji shɛda lela na be anishito nɛ n yil a kaŋɛ fo fanɛ fo baa nu a sa asɔ nɛ ŋ ŋini fo na kikɛ

2 Timoti 2:9

Baru lela na malɛ so nɛ mee ji awurfoŋ ere hale a wɔ ŋgbuliŋ to fanɛ esa nɛ e wora kulubi ko na. Ama esa malɛ kikɛ maaŋ tiŋ n wɔtɔ Ebɔrɛ be kamalga bre kegbuleŋ.

Hibruwebi 13:3

Men baa nyiŋi bumo nɛ b wɔ kabuti to na fanɛ menyi nɛ bumo kikɛ nɛ b ti ebu na nseŋ naa nyiŋi bumo nɛ baa tɔrɔ nfɛlso na fanɛ menyi alɛ gba ka bee ji loŋ be tɔrɔ na.

Demujipoana 15:12

Nɛ b kaŋɛ mo le: “An ba nna nɛ an ba kre fo nseŋ ta fo n ya sa Filistiebi na.” Nɛ Samsɔn kaŋɛ bumo: “Men bɔ fanɛ men gbagba maaŋ mɔ ma.”