Matiu 27:19 - EBƆRƐ BE KAWƆL

¹⁹ Pailat daŋ kraa tase demujikpa na nna nɛ mbe eche ta le be kubɔya n shoŋi mo: “Lara fo enɔ ashi kanyɛn na be asheŋ to, ŋkpal manɛ so, e la esa lela nna. Ŋ kaŋ ku mbe edare ndre kanyɛso, n ji awurfoŋ ga.”

Matiu 27:19 ပူးပေါင်းရင်းမြစ်များ

Jɛnesis 31:11

Ndoŋ nna nɛ Ebɔrɛ be malaika tre ma edare na to ŋ kaŋɛ: ‘Jeekɔb’ nɛ n shuli ŋ kaŋɛ: ‘Ma nde.’

Jɛnesis 31:24

Kumo be kanyɛso nɛ Ebɔrɛ lar Leeban so edare to ŋ kaŋɛ mo le: “Baa da so nsaa maŋ kaŋ malga kamalga lubi kikɛ ŋ gbiti Jeekɔb.”

Jɛnesis 31:29

Ŋ kɔ ekpa nɛ n daŋ shin nɛ b tɔrɔ fo, ama ndre kanyɛso, fo tuto be Ebɔrɛ na ba kaŋɛ ma fanɛ m baa da so nsaa maŋ kaŋ malga kamalga lubi kikɛ ŋ gbiti fo.

Aŋasa 29:1

Fo baŋ wora kumu kpakpaso ŋ kini kenu kasokpele damta, k maaŋ chɛr nɛ fo mur.

Aizaaya 53:11

Awurfoŋ nɛ e beeŋ ji na be kaman, e beeŋ naŋ nya kagbenewushi nseŋ pin fanɛ e maŋ gben jiga. Ma kenya nɛ e bee shuŋ ma kagbene koŋwuleso nɛ ma kagbene bee fuli mo so na e naaŋ sɔ basa galeŋga be kasogberge n deŋi mbe kumu so, nɛ ŋ kpal mo so n ta bumo be alubi m paŋ bumo.

Zakareya 9:9

Ekama nɛ e wɔ Jerusalɛm to e baa ji eyur nsaa wora awɔr kagbenefuliso! Ŋkpal manɛ so menyi be ewura kɔ m pɔɔ so nsaa ba menyi kutɔ; e du boeŋ nna nseŋ dii kurmafɔlbi a ba.

Nɔmbɛs 12:6

Ndoŋ nna nɛ Enyɛnpe Ebɔrɛ kaŋɛ bumo le: “Men kaŋ kusoe n nu ma mmalga ere: Ma e naa bɔla kewuŋkaŋɛ so a lara ma kumu a ŋini anebiana nsaa bɔla edare so a malga bumo kutɔ.

Matiu 1:20

E daa wɔ le be nfɛra ere to nna nɛ Enyɛnpe be malaika lar mo so edare to ŋ kaŋɛ mo le: “Josɛf, Deevid be kanaŋ to be esa, sa maa ŋana keta Mɛɛri nɛ e ki fo eche, ŋkpal manɛ so, Kiyoyu Cheeŋ na so nɛ e bɔla n di kedampo na.

Matiu 2:19

Josɛf nɛ Mɛɛri nɛ kebia na daa wɔ Ijipt na loŋ nɛ Ewura Hɛrɔd ba wu nɛ Enyɛnpe be malaika lar Josɛf so edare to ndoŋ

Matiu 2:22

Ama Josɛf ka nu fanɛ Ewura Hɛrɔd pibi Aakileeyes e sɔ mo tuto so n ji Judiya be efuli so be kuwura nɛ e ŋana kechena kasawule na so. Ama edare to nɛ Ebɔrɛ daŋ naŋ kaŋɛ mo kusɔ nɛ k daga fanɛ e wora,

Matiu 27:18

E daŋ bishi loŋ nna, ŋkpal manɛ so, e daa nyi basa na ka daŋ ta Yesu m bɔɔ mo enɔ ŋkpal kayurbesa so.

Matiu 27:24

Pailat ka wu fanɛ e maaŋ naŋ tiŋ n wora shɛŋ she kebagato e naa shin nɛ k koso basa na to nɛ e ta nchu n fɔr mbe enɔana nseŋ kaŋɛ le: “Ma enɔ maŋ wɔ kanyɛn ere be luwu to, menyi be asheŋ nna.”

Matiu 27:4

nseŋ ya kaŋɛ bumo le: “N wora alubi, ŋkpal manɛ so, n debɔr esa nɛ e maŋ wora shɛŋ nɛ baa shin nɛ b mɔ mo.” Nɛ basa na bishi mo le: “Anyi alɛ be manɛ e naa wɔtɔ? Fo asheŋ nna.”

Luuk 23:41

Anyi ere be alubi be tɔnɔ nɛ anyee ji na, ama kanyɛn ere bre maŋ wora shɛŋ.”

Luuk 23:47

Benapo be enimu ko ka daŋ wu asɔ nɛ a wora na kikɛ nɛ e di Ebɔrɛ epaŋ nseŋ kaŋɛ le: “Kashenteŋto, kanyɛn ere daa maŋ wora shɛŋ.”

Baru lela nɛ Jɔn kute na 19:13

Pailat ka nu loŋ na nɛ e keta Yesu n lar lambu na to m ba kelɔnɛ so m ba chena demujipowura be echenakpa nɛ baa tre Demuji be Guŋgɔni na. Juwebi be ŋgbar to baa tre kumo Gabata.

Ashuŋ Shunso 12:21

Hɛrɔd be kachɛgboŋ ko nɛ e lara mbe kuwurpiŋi m buu nseŋ chena mbe kuwurputi so nseŋ malga n sa basa na.

Ashuŋ Shunso 18:12

Galio ka ba ki Romebi be gomena ashi Griis nɛ Juwebi na wora kɔnɔkoŋwule n nyaŋ Pɔɔl n ta mo n yɔ demujikpa n ya kaŋɛ gomena na:

Ashuŋ Shunso 18:16

Kumo be kaman nɛ e shin nɛ b ju bumo n lar demujikpa na.

Ashuŋ Shunso 18:17

Ndoŋ nna nɛ bumo kikɛ nyaŋ Sɔstenis nɛ e daa la nshɛrbu na to be enimu na m bri mo demujikpa na be kabuna to. Ama kumo alɛ daa maŋ tir Galio gbrɛbi gba kikɛ.

Ashuŋ Shunso 25:10

Nɛ Pɔɔl kaŋɛ: “Romebi be ewurgboŋ na be demujikpa gbagba ere to nɛ m baa yil nɛ b ji ma demu na. Fo gbagba baa nyi fanɛ m maŋ wora Juwebi na shɛŋ.

Ashuŋ Shunso 25:17

Bumo kikɛ ka kpal loŋ so m ba nfe nɛ n nya manaŋ kumo be ŋklade n ya chena demujikpa n shin nɛ b bar amo be kanyɛn.

Ashuŋ Shunso 25:6

Kumo be kaman nɛ Fɛstes naŋ ji fanɛ nchɛ burwa ŋko nchɛ kudu basa na be kade na to pɔɛŋ nseŋ naŋ bɛta n yɔ Sizariya. Kumo be ŋklade nɛ e ya chena mbe kakpa nɛ e ji demu n shin nɛ b ya bar Pɔɔl.

1 Pita 2:22

E daa maŋ wora kulubi kikɛ, kafulesheŋ malɛ kikɛ daa maŋ lar mbe kɔnɔ to.

1 Jɔn 2:1

Ma mbi shasoana, mee sibɛ kawɔl ere nna a sa menyi nɛ men sa maŋ wora alubi. Ama nɛ k ba fanɛ ekama nɛ e ba wora kulubi bre, an kɔ ematapo ashi anyi nɛ Ebɔrɛ Etuto na be nferinto. Mo e la Yesu Kristo, esa nɛ e la esa lela Ebɔrɛ be anishito na.