Matiu 26:61 - EBƆRƐ BE KAWƆL

⁶¹ ŋ kaŋɛ le: “An nu e ka daŋ kaŋɛ fanɛ: ‘Meeŋ tiŋ m bure Ebɔrɛ be lambu na n lɛ nɛ kumo be nchɛ asa to nɛ m pɔr kumo.’ ”

Matiu 26:61 ပူးပေါင်းရင်းမြစ်များ

Jɛnesis 19:9

Ama le nɛ Sodɔmebi na daŋ kaŋɛ: “Loŋi anyi be anishito, fo alɛ efɔ ere. Wanɛ e la fo nɛ fo alɛ e tiŋ ŋ ŋini anyi kusɔ nɛ k daga fanɛ an wora? Loŋi anyi be anishito nɛ mannɛ aloŋ, kusɔ nɛ anyeeŋ wora fo beeŋ lubi a chɔ bumo peya.” Kede be kaman nɛ b ŋin Lɔt n yɔ kaman nseŋ nyisi m ba nɛ b ba bure kukuloŋ na.

1 Bewura 22:27

n ya kaŋɛ bumo fanɛ b ti mo ebu n sa maŋ kaŋ sa mo ajibi kikɛ ama bodobodo nɛ nchu nawule hale nɛ n ya shi kena na to m bɛta m ba nɛ alenfia pɔɛŋ.”

2 Bewura 9:11

Ndoŋ nna nɛ Jehu bɛta n yɔ mo braana benimu na kutɔ nɛ b bishi mo le: “Nuso nɛ asheŋ du? Manɛ nɛ ebompo ere bee fin fo kutɔ?” Nɛ Jehu kaŋɛ: “Men nyi kusɔ nɛ e bee sha gba.”

Aizaaya 49:7

Israɛl be basa, ma e la Enyɛnpe menyi be Ebɔrɛ cheembi na. Ma alɛ e la menyi be emɔlgapo! Men daa la anya nna n sa efuli pɔtɛana be bewura nɛ baa keni menyi jiga. Naniere kɔnɔ nɛ mee nase a sa menyi nde: “Bewurjipo nɛ kenimujiana beeŋ gbir m bunyaŋ menyi. Menyeeŋ tiŋ n yirda ma! Ŋkpal manɛ so, ma e la Enyɛnpe menyi be Ebɔrɛ nɛ menyi alɛ la ma basa laraso.”

Aizaaya 53:3

Ekama daŋ keni mo jiga nna nseŋ kini mo n lɛ. Kagbenejija nɛ ebesa damta e daŋ bɔlɔ mo to, nɛ mo alɛ ji kanyiti nseŋ sɔ amo kikɛ n deŋi mbe kumu so. Ekama daa maa sha kewu mo kenishiso gba. B daŋ wu mo nna fanɛ esa jiga.

Matiu 12:24

Efarisiana na ka nu loŋ nɛ b kaŋɛ: “Mbuibi lubiana be ewura Biyɛlzibel e naa sa mo eleŋ nɛ e kɔ a ju mbuibi lubiana na.”

Matiu 26:62

Ndoŋ nna nɛ bɔrɛmatapo nimuso na niŋi to n yili m bishi Yesu le: “Fo maa tuge asheŋ nɛ baa malga a gbiti fo ere nna a?”

Matiu 26:71

Kede be kaman nɛ e lar laŋ na to n yɔ kabuna to, nɛ kebichebi ko malɛ naŋ wu mo nseŋ kaŋɛ bumo nɛ b daa yil ndoŋ na: “Kanyɛn ere nɛ Nazarɛt be Yesu e daa la.”

Matiu 27:40

“Fo yɛ feeŋ bure bɔrɛlambu na nseŋ pɔr kumo nchɛ asa be kefɛato. To, mɔlga fo kumu ai! Nɛ fo la Ebɔrɛ Pibinyɛn nna, fo shi kedibi largato ere so ŋ gbelge.”

Matiu 27:5

Ndoŋ nna nɛ Judas ta amansherbi na n lɛ bɔrɛlambu na to nseŋ kilgi n ya chɛ efɔl.

Maak 14:58

“An nu e ka kaŋɛ fanɛ: ‘Meeŋ bure bɔrɛlambu nɛ nyiŋgbasa pɔr ere n lɛ nɛ kumo be nchɛ asa to nɛ m pɔr kumo nɛ enyiŋgbasa kikɛ maaŋ tiŋ m pɔr.’ ”

Maak 15:29

Basa nɛ b daa choŋ gba daa maŋ bumo be amu so nna a tege Yesu a kaŋɛ: “Aha, fo yɛ feeŋ bure bɔrɛlambu na nseŋ pɔr kumo nchɛ asa be kefɛato.

Luuk 23:2

n ya kaŋɛ mo fanɛ le be alubi nɛ Yesu wora. B yɛ: “An wu fanɛ kanyɛn ere wɔtɔ nna a wul anyi be efuli ere so ebi to nsaa kaŋɛ anyi fanɛ an sa maa ka lampo a sa Romebi be ewurgboŋ Siza nseŋ naa wɔtɔ a tre mo gbagba be kumu Kristo nɛ e la ewura na.”

Baru lela nɛ Jɔn kute na 9:29

An nyi Ebɔrɛ ka malga n sa Mosis, ama kanyɛn ere bre, anyi maŋ nyi kakpa nɛ e shi gba.”

Ashuŋ Shunso 17:18

Kanyiashenfinpoana be ntuŋ nɛ baa tre Epikyurisebi nɛ Stowikebi na malɛ gba be beko daŋ ba ji mo emɔrɔ nɛ beko bishi abar: “Manɛ nɛ kanyiashenfuloŋwura ere bee sha keŋini ere?” Nɛ beko kaŋɛ: “K du fanɛ e bee malga ebɔrɛ pɔtɛana ko be asheŋ nna.” Pɔɔl ka daa malga Yesu be ketiŋi luwu to na be asheŋ so nɛ b daŋ kaŋɛ loŋ na.

Ashuŋ Shunso 18:13

“Kanyɛn ere bee wora ania nna a sha fanɛ basa e nu n sa mo nseŋ bɔla ekpa nɛ anyi be mbra na maa ŋini so m bɛ Ebɔrɛ so.”

Ashuŋ Shunso 22:22

Pɔɔl ka bee malga asheŋ na kikɛ nɛ basa na bee nu. Ama e ka ba malga keyɔ nnyamase na kutɔ be asheŋ nɛ b fara a ponte ga a kaŋɛ: “Men lara mo durnya ere to. Men mɔ mo!”