Matiu 26:55 - EBƆRƐ BE KAWƆL

⁵⁵ Jemanɛ na so nɛ Yesu bishi jimaŋ na le: “Men ta etokobi nɛ mprɛ nna m ba nɛ men ba pɛ ma fanɛ eyu a? Ma nɛ menyi e daa la bɔrɛlambu na to kachɛ kama nɛ mee ŋini abɔrɛsheŋ na, ama men maŋ pɛ ma.

Matiu 26:55 ပူးပေါင်းရင်းမြစ်များ

Matiu 21:23

Yesu ka ya luri bɔrɛlambu na to a ŋini basa, nɛ bɔrɛmatapowuraana na nɛ basa na be benimuana na ba mo kutɔ m ba bishi mo: “Manɛ be eleŋ nɛ fo kɔ a wɔtɔ a wora asheŋ ere, nɛ wanɛ e sa fo loŋ be eleŋ na?”

Matiu 26:47

E kraa malga nna nɛ bebɛsopo kuduanyɔ na to be emo nɛ baa tre Judas na ba ndoŋ. Nɛ jimaŋ damta ko keta etokobi nɛ mprɛ m bɛ mo so. Bɔrɛmatapowuraana na nɛ basa na be benimu e daŋ shuŋi bumo.

Maak 10:1

Ndoŋ nna nɛ Yesu lar kaboŋ na n yɔ Judiya be kasawule so ashi Jɔɔdan be lɔr be kaba ndoŋ nɛ jimaŋ naŋ chala m buu mo nɛ e yaŋ ŋini bumo kananɛ e chɛr a wora na.

Maak 12:35

Kachako Yesu ka bee ŋini basa bɔrɛlambu na to nɛ e bishi bumo: “A ji nuso nna nɛ mbraŋinipoana bee kaŋɛ fanɛ Ebɔrɛ be esa laraso Kristo na la Ewura Deevid mo Nanabi nna?

Luuk 19:47

Ade be kaman nɛ e wɔtɔ a yɔ bɔrɛlambu na to kachɛ kama n ya kaa ŋini basa abɔrɛsheŋ. Ndoŋ nna nɛ bɔrɛmatapowuraana na nɛ mbraŋinipoana na nɛ kade na to be benimuana fara a fin kananɛ baaŋ wora m mɔ mo.

Luuk 20:1

Kachako Yesu ka wɔ bɔrɛlambu na to a ŋini basa nsaa bɔ baru lela na a sa basa nɛ bɔrɛmatapowuraana na nɛ mbraŋinipoana na nɛ benimuana na ba ndoŋ m ba bishi mo le:

Luuk 4:20

Yesu ka kraŋ n loge nɛ e gberge kawɔl na m buu so nseŋ ta kumo n naŋ sa nshɛrbu na to be echɛtopobi ko nseŋ kilgi n chena nɛ basa kikɛ be anishi yuu mo so.

Baru lela nɛ Jɔn kute na 7:14

Kejigboŋ na to be asheŋ woraso na daŋ kraa wɔ nferinto nna a yɔ nɛ Yesu koso n yɔ bɔrɛlambu na to n ya fara a ŋini basa abɔrɛsheŋ.

Baru lela nɛ Jɔn kute na 7:28

Saŋɛ na nɛ Yesu kraa ŋini abɔrɛsheŋ ashi bɔrɛlambu na to nseŋ ba kaŋɛ awɔrso le: “Kashenteŋ nna nɛ men nyi ma nsaa nyi kakpa nɛ n shi. Ama mannɛ ŋ gbagba be kumu so so nɛ n wɔ nfe, esa nɛ e shuŋi ma na la Kashenteŋwura nna. Men maŋ nyi mo.

Baru lela nɛ Jɔn kute na 8:2

Kare ka bee chɛ nɛ e naŋ ba bɔrɛlambu na to nɛ basa na kikɛ shɛr ŋ kulti mo nɛ e kilgi n chena a ŋini bumo abɔrɛsheŋ.

Baru lela nɛ Jɔn kute na 8:20

Bɔrɛlambu na to be kakpa nɛ k mata kaboŋ nɛ baa yili amansherbi be edekana na nɛ Yesu daŋ yili ŋ ŋini asheŋ ere kikɛ, ama esa kikɛ daa maŋ pɛ mo, ŋkpal manɛ so, mbe saŋɛ daa maŋ naŋ fo.