Matiu 26:5 - EBƆRƐ BE KAWƆL

⁵ Ama le nɛ b daŋ kaŋɛ bumo be amu: “Men sa maŋ shin nɛ an wora loŋ Kejigboŋ ere be saŋɛ ere to, nɛ mannɛ aloŋ kebagato beeŋ koso basa ere to.”

Matiu 26:5 ပူးပေါင်းရင်းမြစ်များ

Nshɛ 76:10

Kashenteŋto nɛ fo baŋ nya agbo, basa nɛ b nya agbo n wɔtɔ fo gba bee kpaŋ fo nna.

Aŋasa 19:21

Dimɛdi beeŋ tiŋ ŋ kre ŋkre; ama Enyɛnpe Ebɔrɛ be aparsheŋ e naŋ wora.

Aŋasa 21:30

Dimɛdi be kanyiasheŋ kikɛ nɛ asheŋ be kepinto nɛ ŋkre kikɛ maaŋ tiŋ m pɔɔ Enyɛnpe Ebɔrɛ so.

Aizaaya 46:10

Pɔɛŋ nɛ kesheŋ kikɛ e wora, nɛ ma ere tiŋ n wu kumo ŋ kaŋɛ. N teŋ kaŋɛ fanɛ ma ŋkre beeŋ wora m bɔlɔ so, ma alɛ beeŋ wora kusɔ nɛ ŋ kre kewora kikɛ.

Nfabel 3:37

Enyɛnpe Ebɔrɛ na maŋ sa kusɔ akpa k maaŋ tiŋ n wora kikɛ.

Matiu 14:5

Hɛrɔd daa sha kemɔ Jɔn nna, ama mo alɛ daa ŋana Juwebi na nna, ŋkpal manɛ so, Jɔn daa la anebi nna bumo be anishito.

Matiu 21:26

Nɛ anyi alɛ naŋ kaŋɛ fanɛ a shi enyiŋgbasa kutɔ nna, an maaŋ tiŋ m pin kusɔ nɛ basa ere beeŋ wora anyi, ŋkpal manɛ so, bumo kikɛ yirda fanɛ Jɔn daa la anebi nna.”

Matiu 27:24

Pailat ka wu fanɛ e maaŋ naŋ tiŋ n wora shɛŋ she kebagato e naa shin nɛ k koso basa na to nɛ e ta nchu n fɔr mbe enɔana nseŋ kaŋɛ le: “Ma enɔ maŋ wɔ kanyɛn ere be luwu to, menyi be asheŋ nna.”

Maak 14:12

Kachɛ nɛ b fara bodobodo nɛ a maŋ kɔ yiisi be Kejigboŋ na, kachɛ nɛ baa mɔ Kebansonchoŋ be kpakpafɔlbi a lara sarga na nɛ Yesu be bebɛsopo ba bishi mo: “Nnɛ nɛ fee sha fanɛ an ya bela ase n yili fo nɛ fo ba ji Kebansonchoŋ be ajibi na?”

Maak 14:2

Ama le nɛ b daŋ kaŋɛ bumo be amu: “Men sa maŋ shin nɛ an wora loŋ Kejigboŋ ere be saŋɛ ere to, nɛ mannɛ aloŋ, basa beeŋ koso m bar kebagato.”

Maak 14:27

Nɛ Yesu kaŋɛ bumo: “Menyi kikɛ beeŋ shile ŋ ŋana ŋ ka ma, ŋkpal manɛ so, abɔrɛsibɛ na bee kaŋɛ fanɛ Ebɔrɛ kaŋɛ: ‘Meeŋ mɔ mbolpɔkpapo na nɛ mbe mbolpɔ na kikɛ e yeŋ to m pesaŋ to.’

Luuk 20:6

Nɛ anyi alɛ naŋ kaŋɛ: ‘A shi enyiŋgbasa kutɔ nna’, basa ere kikɛ beeŋ kpa anyi ajembu, ŋkpal manɛ so, bumo ere be ekama baŋ yirda mbe kagbene to nna fanɛ Jɔn daa la anebi nna.”

Luuk 22:7

Ndoŋ nna nɛ bodobodo nɛ a maŋ kɔ yiisi na be kachɛ fo. Kumo be kamɔnchɛ nɛ baa mɔ Kebansonchoŋ be kpakpafɔlbi a lara sarga na.

Baru lela nɛ Jɔn kute na 18:28

Juwebi na ka bar Yesu Kayafas pe nɛ b naŋ keta mo n lar ndoŋ n yɔ Romebi be gomena be lambu to. Saŋɛ na so nɛ kare bee chɛ, amoso, ŋkpal daŋkare be eyurpi be kenya so, Juwebi na daa maŋ luri gomena na be lambu na to, ŋkpal manɛ so, b daa sha ketiŋ n ji Kebansonchoŋ be kejibi na nna.

Ashuŋ Shunso 19:29

Ndoŋ nna nɛ kebagato na sɔ kade na to kikɛ nɛ jimaŋ yenso na nyaŋ Gayes nɛ Aristaakes, Masɛdonia be basa anyɔ ko nɛ bumo nɛ Pɔɔl daa na na ŋ gberge bumo n yɔ kade na be nshɛrkpa.

Ashuŋ Shunso 21:38

Kumo ere, mannɛ fo e la Ijipt be kanyɛn nɛ e daŋ koso jemanɛ ko so a kɔ mbe abane kena nseŋ keta benapo yenso ŋgboŋ ana n luri kiyi to nna ŋko?”

Ashuŋ Shunso 4:28

Kusɔ nɛ fo daŋ nase fanɛ k wora na gbagba chap nɛ b daŋ shɛr n wora. Ŋkpal fo eleŋ nɛ fo kebaasha kumo be loŋ na so e shin nɛ fo daŋ yili kumo loŋ.