Matiu 26:41 - EBƆRƐ BE KAWƆL

⁴¹ Men baa da so a kule Ebɔrɛ fanɛ men maaŋ luri kechɔŋkeni to. Kiyoyu na bre bee sha, eyur na e maŋ kɔ eleŋ.”

Matiu 26:41 ပူးပေါင်းရင်းမြစ်များ

Nshɛ 119:1

Kagbenefuli la bekama nɛ bumo be kebaawɔtɔ maŋ kɔ saŋgre kikɛ nɛ baa wora asheŋ a bɛ Enyɛnpe Ebɔrɛ be mbra be ekpa so na peya nna.

Nshɛ 119:115

Alubiworapoana, men shile ma so! Ma ere beeŋ wora ma Ebɔrɛ be mbraana kasonu.

Nshɛ 119:117

Baa keni ma so nɛ n nya ma kumu a wɔtɔ, nɛ jemanɛ kikɛ ma lakal e baa wɔ fo mbraana so.

Nshɛ 119:32

N wora shiriya kenishipereso nna nɛ ŋ wora fo mbraana kasonu, ŋkpal manɛ so, feeŋ chɛ ma to nɛ n nya kepinto n ti so.

Matiu 24:42

Amoso, men baa da so nɛnɛ, ŋkpal manɛ so, men maŋ nyi kachɛ nɛ ma, men Nyɛnpe beeŋ ba.

Matiu 25:13

To, men baa da so, ŋkpal manɛ so, kumo be kifito e la fanɛ men maŋ nyi kachɛ ŋko saŋɛ nɛ ma, Nyiŋgbasa Pibinyɛn na be keba na beeŋ fo.”

Matiu 26:38

Nɛ e kaŋɛ bumo le: “Kagbenejija nɛ k wɔ ma to ere shi ga, hale a sha keburi ma to m mɔ, men shir a wɔ nfe n tu ma a de so.”

Matiu 6:13

Sa maŋ shin nɛ an luri kechɔŋkeni to, ama pete anyi ashi alubipo na kutɔ. [Ŋkpal manɛ so, Kuwurgboŋ nɛ eleŋ nɛ kemaŋkura la feya nna hale mbaanaayɔ. Amɛn.]’

Maak 14:38

Men baa da so a kule Ebɔrɛ fanɛ men maaŋ luri kechɔŋkeni to. Kiyoyu na bre bee sha, eyur na e maŋ kɔ eleŋ.”

Luuk 11:4

Ta anyi be alubi m paŋ anyi, ŋkpal manɛ so, anyi alɛ gba ta m paŋ ekama nɛ e wora n da anyi so. Sa maŋ shin nɛ an luri kechɔŋkeni to.’ ”

Luuk 21:36

Amoso, men baa da so saŋkama a kule Ebɔrɛ eleŋ nɛ menyeeŋ tiŋ n ta n luri asheŋ nɛ a beeŋ wora ere kikɛ to n lar nseŋ tiŋ m ba yili ma, Nyiŋgbasa Pibinyɛn be anishito.”

Luuk 22:40

E ka fo ndoŋ nɛ e kaŋɛ bumo le: “Men baa kule Ebɔrɛ fanɛ men maaŋ luri kechɔŋkeni to.”

Luuk 22:46

Nɛ e bishi bumo le: “Manɛ e ba nɛ menyee di? Men koso a kule Ebɔrɛ fanɛ men maaŋ luri kechɔŋkeni to.”

Luuk 8:13

Asɔ duuso nɛ a tɔr kejasawule so na du fanɛ basa nɛ baa nu kamalga na nsaa sɔ kumo nɛ kagbenefuli na nna. Ama k maa luri bumo to nɛnɛ, amoso, b maa yirda a yɔ kufɔ. Kechɔŋkeni be jemanɛ baŋ ya fo nɛ b bɛ so ŋ gben.

Romebi 8:3

Ŋkpal manɛ so, kusɔ nɛ mbra na daa maaŋ tiŋ n wora ŋkpal dimɛdi be kapɔr lubi ere ka maŋ kɔ eleŋ na so, Ebɔrɛ bre wora kumo. E shuŋi mo Pibinyɛn gbagba nna n ji m bri kulubi nɛ k wɔ dimɛdi be eyur to na. Mo Pibinyɛn na ta eyur fanɛ dimɛdi be alubi be eyur ere nna m ba lara kulubi ashi to.

1 Kɔrintebi 10:13

Kechɔŋkeni kama nɛ k ba menyi so la kusɔ nɛ k bee kaa ba esa kama so nna. Ama Ebɔrɛ la esa nɛ e maaŋ yige anyi n to nna, e maaŋ shin nɛ men luri kechɔŋkeni mo nɛ k chɔ menyi be eleŋ so to. Nɛ men baŋ luri kechɔŋkeni to, mo alɛ beeŋ bugi ekpa n sa menyi nɛ men tiŋ n nya n yili to kpakpa.

1 Kɔrintebi 16:13

Men baa da so a yil men be yirda na to kpakpa a kɔ kenyɛn nseŋ naa kɔ eleŋ.

1 Kɔrintebi 9:27

Ama mee kaa kɔrfɛ ma eyur nna a shin nɛ k bee nu a sa ma, nɛ mannɛ aloŋ, meeŋ bɔ kubɔya na n sa basa nɛ ma alɛ gbagba e paŋ kɔŋkɔŋ na be keji.

Galeeshaebi 5:24

Basa nɛ b la Kristo peya na maŋ naa shin nɛ bumo be kapɔr lubiana ere bee wɔ bumo, naniere a du fanɛ b ka ta kapɔr lubiana ere nɛ amo be asɔ sha so nɛ ayɛlgasɔ nna ŋ gbir m mata kedibi so m mɔ.

Ɛfesesebi 6:18

Jemanɛ kikɛ, men baa kule Ebɔrɛ ashi kiyoyu na to a ta kabɔrɛkule be yiri kikɛ nɛ asheŋ nɛ menyee sha fanɛ a wora kikɛ a kule Ebɔrɛ. Men baa kɔ le be asheŋ ere men be ŋgbene to nsaa keni so a de so nsaa kule Ebɔrɛ saŋkama a sa Ebɔrɛ be basa kikɛ.

1 Pita 4:7

Asɔ kikɛ be ekar be jemanɛ na bee taga to nna na, amoso, men baa kɔ nfɛra niŋiso nsaa tiŋ men be amu, saŋɛ na so menyeeŋ tiŋ ŋ kule Ebɔrɛ nɛnɛ.

1 Pita 5:8

Men baa da so n shin nɛ men be nfɛra e baa niŋi, ŋkpal manɛ so, men doŋ alubipo na wɔtɔ nna a kilgi to fanɛ buluŋ a fin esa nɛ e beeŋ mur.

2 Pita 2:9

Amoso, men baa nyi fanɛ Enyɛnpe na nyi kananɛ e bee lara bɔrɛshapoana ashi bumo be kechɔŋkeniana to nseŋ naa nyi kananɛ e beeŋ baa kɔ bɔrɛkinipoana nɛ e kɔ a wɔ kasogberge to a jo demujiachɛ na,

Kelaraŋŋini 16:15

“Men nu nfe, meeŋ ba menyi to fanɛ eyu. Kagbenefuli baa la ekama nɛ e maa di, mo alɛ nsaa kɔ mbe asɔbuuso to na peya nna, saŋɛ na so, e maaŋ delge so n nite nɛ anishinyɔr e pɛ mo.”

Kelaraŋŋini 3:10

Ŋkpal men ka bɛ kusɔ nɛ ŋ kaŋɛ menyi fanɛ men baa yili to kanyitiso na so so, ma alɛ gba beeŋ kuŋ menyi ashi kechɔŋkeni be jemanɛ mo nɛ k bee ba durnyaebi kikɛ so m ba wora basa nɛ b wɔ kasawule so kikɛ ŋ keni na.