Matiu 26:38 - EBƆRƐ BE KAWƆL

³⁸ Nɛ e kaŋɛ bumo le: “Kagbenejija nɛ k wɔ ma to ere shi ga, hale a sha keburi ma to m mɔ, men shir a wɔ nfe n tu ma a de so.”

Matiu 26:38 ပူးပေါင်းရင်းမြစ်များ

Nshɛ 116:3

Luwu daŋ kulti ma nna n wɔtɔ a funti ma; nɛ keyɔ nchaŋ to be kagbenejija daŋ tɔr ma so. Kufu nɛ kafɔŋ e daŋ bɔlɔ ma to.

Nshɛ 42:5

Manɛ nna nɛ ma aba pɔ ma? Manɛ nna nɛ ma kagbene maŋ dese ma? Ŋ kraŋ yirda fo; ma alɛ kraŋ beeŋ di fo epaŋ ŋkpal fo ka chɛ ma to so.

Sɔlɔmɔn 5:3

Ma ere teŋ wora shiriya nɛ n dese nna, manɛ nna nɛ n naa ta ma asɔ a buu? N tiŋ n fɔr ma aya nna, n naaŋ shin nɛ a wora eyurpi a?

Aizaaya 53:10

Kumo be kaman nɛ Enyɛnpe Ebɔrɛ na kaŋɛ le: “Ma keparso nɛ ma kenya bee ji awurfoŋ. Mbe luwu na la sarga nɛ k beeŋ bar alubi be ketampaŋ m ba sa basa pɔtɛ nna. Amoso e beeŋ naŋ wu mbe kaman to ebi kenishiso nsaa wɔ ŋkpa to n chɛr. Mo so nɛ kusɔ nɛ ŋ kre kikɛ beeŋ wora m bɔlɔ so nɛnɛ.

Aizaaya 53:12

Amoso meeŋ sa mo kemaŋkuragboŋ nɛ eleŋgboŋ. E shuli so n ta mbe kumu n lara sarga, nseŋ yili alubiworapoana damta be aya to ŋ kule alubi be ketampaŋ n sa bumo.”

Aizaaya 53:3

Ekama daŋ keni mo jiga nna nseŋ kini mo n lɛ. Kagbenejija nɛ ebesa damta e daŋ bɔlɔ mo to, nɛ mo alɛ ji kanyiti nseŋ sɔ amo kikɛ n deŋi mbe kumu so. Ekama daa maa sha kewu mo kenishiso gba. B daŋ wu mo nna fanɛ esa jiga.

Matiu 25:13

To, men baa da so, ŋkpal manɛ so, kumo be kifito e la fanɛ men maŋ nyi kachɛ ŋko saŋɛ nɛ ma, Nyiŋgbasa Pibinyɛn na be keba na beeŋ fo.”

Maak 14:34

Nɛ e kaŋɛ bumo le: “Kagbenejija nɛ k wɔ ma to shi ga, hale a sha keburi ma to m mɔ. Men shir a wɔ nfe a de so.”

Baru lela nɛ Jɔn kute na 12:27

Naniere ma kagbene maŋ dese ma, ama nuso nɛ meeŋ wora? Ŋ kaŋɛ n Tuto fanɛ: ‘Etuto, mɔlga ma ashi le be kenishipere ere to,’ ŋko nuso? Ayai, m maaŋ wora loŋ, ŋkpal manɛ so, loŋ so nɛ m ba nɛ m ba ji saŋɛ ere so be awurfoŋ.

Romebi 8:32

Esa nɛ e maŋ mɔn anyi mo gbagba Pibinyɛn nseŋ ta mo m bɔɔ basa enɔ ŋkpal anyi kikɛ so na, manɛ nna nɛ e maaŋ bugi kagbene n sa anyi kusɔ kikɛ n ti mo Pibi so?

2 Kɔrintebi 5:21

Anyi so nɛ Ebɔrɛ shin nɛ mo ere, esa nɛ e maŋ nyi kulubi na ki kulubi, saŋɛ na so mo so nɛ anyeeŋ ki Ebɔrɛ be anishito be belelapo.

Galeeshaebi 3:13

Ama Kristo sɔ anyi ashi kɔnɔso nɛ mbra na bee bar na to nna n yige. E yili anyi be katelamu to nna n shin nɛ b so mo gbagba kɔnɔ n sa anyi, ŋkpal manɛ so, le nɛ abɔrɛsibɛ na bee kaŋɛ: “Ebɔrɛ be kɔnɔso wɔ esa kama nɛ baa ta a shiga kedibi so nna.”

1 Pita 2:24

Mo ere gbagba e ta mbe eyur n ta an be alubi n yɔ kedibi largato na so nɛ an baa la basa nɛ b wu alubi be kaplɛa so nsaa wɔtɔ ŋkpal alelasheŋ so. Mbe eyur be kemurgi so nɛ men nya kechɛ.

1 Pita 3:18

Ŋkpal manɛ so, Kristo gba wu kela koŋwule nna pati, ŋkpal basa be alubi so, esa nɛ e maŋ kɔ kulubi e wu n sa basa lubi na, saŋɛ na so e beeŋ yɛra menyi Ebɔrɛ kutɔ. B daŋ mɔ mbe eyur, ama Ebɔrɛ shin nɛ e nya ŋkpa ashi mbe Kiyoyu na to.

1 Pita 4:7

Asɔ kikɛ be ekar be jemanɛ na bee taga to nna na, amoso, men baa kɔ nfɛra niŋiso nsaa tiŋ men be amu, saŋɛ na so menyeeŋ tiŋ ŋ kule Ebɔrɛ nɛnɛ.