Matiu 26:31 - EBƆRƐ BE KAWƆL

³¹ Nɛ Yesu kaŋɛ bumo le: “Kanyɛ ere menyi kikɛ beeŋ shile ŋ ŋana ŋkpal ma so, ŋkpal manɛ so, abɔrɛsibɛ na bee kaŋɛ fanɛ Ebɔrɛ kaŋɛ: ‘Meeŋ mɔ mbolpɔkpapo na nɛ mbe mbolpɔ na kikɛ e yeŋ to m pesaŋ to.’

Matiu 26:31 ပူးပေါင်းရင်းမြစ်များ

Nshɛ 38:11

Ŋkpal ma achuu na so, n nekpaana nɛ ŋ kurgepoana bee gelge ma nna; hale n niopibiana gba maŋ naa taga ma to.

Nshɛ 69:20

Ma kagbenejija ŋkpal katege so, n shin nɛ ŋ ki elɔpo katinso. N daa fɛ fanɛ baaŋ wu ma kuwɔr nna; ma alɛ maŋ nya loŋ.

Nshɛ 88:18

Fo shin nɛ nteri kpakpasoana nɛ ma beshapo kikɛ kini ma n lɛ nseŋ kplaŋ ma so, nɛ k wora fanɛ tentembiri e ki nteri kpakpaso.

Aizaaya 53:10

Kumo be kaman nɛ Enyɛnpe Ebɔrɛ na kaŋɛ le: “Ma keparso nɛ ma kenya bee ji awurfoŋ. Mbe luwu na la sarga nɛ k beeŋ bar alubi be ketampaŋ m ba sa basa pɔtɛ nna. Amoso e beeŋ naŋ wu mbe kaman to ebi kenishiso nsaa wɔ ŋkpa to n chɛr. Mo so nɛ kusɔ nɛ ŋ kre kikɛ beeŋ wora m bɔlɔ so nɛnɛ.

Nfabel 1:19

An kela n tre basa nɛ anyi nɛ bumo kre fanɛ anyeeŋ baa chɛ abar to kena be jemanɛ, ama b kini keba chɛ anyi to. Bɔrɛmatapoana na nɛ bejuŋkparpoana na daŋ fin ajibi nɛ b ji kadegboŋ na to ŋ gben nseŋ wu n dese agbembi so.

Zakareya 13:7

Kede be kaman nɛ Enyɛnpetale Ebɔrɛ na kaŋɛ: “Tokobi, koso ŋ kɔ mbolpɔkpapo nɛ e bee shuŋ a sa ma na m mɔ mo nɛ mbolpɔ na e yeŋ to m pesaŋ to. Saŋɛ na so meeŋ nya ŋ kɔ ma basa.

Matiu 11:6

Kagbenefuli la ekama nɛ e maa wora ma shikashika na peya nna.”

Matiu 26:24

Ma, Nyiŋgbasa Pibinyɛn bee yɔ luwu to fanɛ kananɛ b sibɛ n nase abɔrɛsibɛ na to na, ama asheŋ maaŋ nyalɛ n sa emo nɛ e beeŋ debɔr ma, Nyiŋgbasa Pibinyɛn na kikɛ. Nɛ b daa maŋ kurge loŋ be esa gba, k daa beeŋ baa bɔ mo so.”

Matiu 26:56

Ama asheŋ ere kikɛ wora nna nɛ kusɔ nɛ anebiana na sibɛ na e bɔlɔ so.” Ndoŋ nna nɛ bebɛsopo na kikɛ shile ŋ ka mo.

Baru lela nɛ Jɔn kute na 16:32

Ama men baa nyiŋi fanɛ saŋko beeŋ ba fo, k teŋ fo gba nɛ menyi kikɛ e pesaŋ to nɛ ekama e yɔ mo gbagba pe. Menyeeŋ yige n nawule n to, ama mannɛ n nawule e wɔtɔ, ŋkpal manɛ so, n Tuto wɔ ŋ kutɔ nna.