Matiu 25:9 - EBƆRƐ BE KAWƆL

⁹ Nɛ benyiashempo na malɛ kaŋɛ bumo le: ‘Ayai, anyi maaŋ tiŋ n sa menyi, ŋkpal manɛ so, shere a maaŋ fo anyi nɛ menyi kikɛ. Kusɔ nɛ k daga men ka wora e la fanɛ men yɔ keresinfapoana na kutɔ n ya tɔ ako.’

Matiu 25:9 ပူးပေါင်းရင်းမြစ်များ

Jɛremaya 15:1

Ndoŋ nna nɛ Enyɛnpe Ebɔrɛ na kaŋɛ ma le: “Nɛ Mosis nɛ Samuɛl nɛ b daa la anebiana gba ti fo so nfe a kule ma fanɛ n wu basa ere kuwɔr, m maaŋ nu bumo be kekule nseŋ wu bumo kuwɔr. Amoso shin nɛ Juda be basa e lar ma anishi to a yɔ.”

Ezikɛl 14:20

ma, Enyɛnpetale Ebɔrɛ na bee kaŋɛ kashenteŋto na fanɛ, nɛ Nowa nɛ Danɛl nɛ Job gba daa wɔ efuli na so, b daa maaŋ tiŋ m mɔlga bumo be mbia. Bumo gbagba nawule e daa beeŋ nya kumɔlga ŋkpal bumo be alelasheŋ so.”

Matiu 10:16

Kede be kaman nɛ e naŋ kaŋɛ: “Kashenteŋto, mee shuŋi menyi nna nɛ menyi nɛ durnya ere to ebi e ya kaa wɔtɔ fanɛ mbolpɔ kaa wɔ ekuntuŋ to na. Men baa nyi asheŋ, a de men be amu so fanɛ awɔ nsaa du boeŋ fanɛ ali.

Matiu 25:2

Bumo be benu daa la bewulpo nna nɛ benu malɛ la benyiashempo.

Matiu 25:8

Nɛ bewulpo na kaŋɛ benyiashempo na le: ‘Men sa anyi menyi be ekeresin ere be ako, ŋkpal manɛ so, anyi be efitila bee duŋ nna na.’

Matiu 7:24

Amoso, ekama nɛ e nu ma mmalga ere nsaa bɛ amo so du fanɛ enyiashempo nɛ e pɔr mbe ebu n yili kefalta so nna.

Ashuŋ Shunso 8:22

Amoso, lar le be nfɛra lubi ere to nseŋ kule Enyɛnpe na nɛ e ta fo nfɛra fɛso lubi ere m paŋ fo.