Matiu 25:10 - EBƆRƐ BE KAWƆL

¹⁰ B ka wɔ ekpa to a yɔ nɛ b ya tɔ keresin na nɛ kejafɔ mo kul na malɛ ba. Ndoŋ nna nɛ bumo nɛ b daŋ wora shiriya na tu kejafɔ mo kul na n luri nɛ b ya ji kejafɔ to be kejigboŋ na. Kumo be kaman nɛ b ti ebu na be kabuna.

Matiu 25:10 ပူးပေါင်းရင်းမြစ်များ

Jɛnesis 7:16

Asɔbɔya nɛ a daŋ luri kuloŋgboŋ na to na kikɛ daa la kecheso nɛ kenyɛnso nna fanɛ kananɛ Enyɛnpe Ebɔrɛ daŋ kaŋɛ na. Nowa nɛ asɔ na kikɛ ka luri na be kaman nɛ Enyɛnpe Ebɔrɛ na gbagba ti kuloŋgboŋ na be kabuna.

Nshɛ 95:11

Ebɔrɛ daŋ nya agbo nna nseŋ bɔ ntaŋ ŋ kaŋɛ le: “B maaŋ luri ma kewushi na to kikɛ!”

Matiu 24:42

Amoso, men baa da so nɛnɛ, ŋkpal manɛ so, men maŋ nyi kachɛ nɛ ma, men Nyɛnpe beeŋ ba.

Matiu 24:43

Men baa nyi fanɛ laŋwura kama baa nyi kanyɛso be saŋɛ nɛ eyu beeŋ ba mbe laŋ to, e maaŋ di n shin nɛ eyu na e ba tintiŋ n luri mbe kowu to m ba yuri.

Matiu 24:44

To, menyi alɛ gba e wora shiriya a jo ma, Nyiŋgbasa Pibinyɛn na, ŋkpal manɛ so, meeŋ ba saŋɛ nɛ men maaŋ baa tama ma.

Matiu 25:6

Kiidiso ka ya fo nɛ b nu basa ka bee tre a kaŋɛ: ‘Kijafɔ mo kul na nde. Men baa ba m ba tu mo.’

Matiu 7:21

Mannɛ basa nɛ baa tre ma Enyɛnpe, Enyɛnpe na kikɛ e naaŋ luri ebɔrɛso be kuwura na to she bumo nɛ baa wora n Tuto nɛ e wɔ ebɔrɛso na be aparsheŋ na.

Luuk 12:35

“Men bela ase ŋ kre so nɛnɛ nseŋ chɔɔ efitila so n yili

Luuk 13:25

Saŋɛ nɛ kowurnyɛn baŋ koso n ti kabuna na, yili saŋɛ na so nɛ menyi alɛ beeŋ yili kabuna to a ŋmɛa kabuna na a kaŋɛ: ‘Enyɛnpe, bugi anyi.’ Ama e beeŋ kaŋɛ menyi: ‘M maŋ nyi kakpa nɛ menyi shi.’

Kɔlɔsiebi 1:12

ŋkpal manɛ so, mo e shin nɛ men daga kenya asɔ nɛ e kɔ a sa mbe basa na be ako ashi ebɔrɛso, kakpa nɛ kefulto wɔ na.

2 Timoti 4:8

Naniere bre ma kejinlar be kakɛ e ka a jo ma nɛ n sɔ. Kumo be kamɔnchɛ Enyɛnpe nɛ e maa ji demu a puni na beeŋ ta kumo ŋ kɛ ma. Mannɛ n nawule, ama e beeŋ ta kumo ŋ kɛ bekama nɛ b kɔ kasha a jo mbe kelar m ba na gba n ti so.

1 Pita 1:13

Amoso, men bela men be amu ase nɛnɛ ashi men be nfɛraana to a jo asheŋ be kewora. Men baa kɔ nfɛra cheembi nseŋ ta men be tama kikɛ n wɔtɔ nɛfa mo nɛ menyeeŋ nya saŋɛ nɛ Ebɔrɛ beeŋ lara Yesu Kristo ŋ ŋini na.

Kelaraŋŋini 1:7

Men keni mo nɛ awɔlpa kulti a ba na, kenishi kama malɛ beeŋ wu mo n ta bumo nɛ b ta kusɔ n da mo m mɔ na n ti so nɛ kasawule ere so be basa kikɛ e shu ŋkpal mo so. Kumo be loŋ bre maŋ kɔ emɔrɔ. Amɛn.

Kelaraŋŋini 19:7

Men shin nɛ anyi be ŋgbene e fuli anyi n dese nɛ an sa mo kemaŋkura. Ŋkpal manɛ so, Kpakpafɔlbi be kejafɔachɛ na fo nɛ mbe kejafɔ malɛ gba bela ase n loge.

Kelaraŋŋini 22:20

Esa nɛ e bee ji asheŋ ere be shɛda e naa kaŋɛ fanɛ: “Kashenteŋto, m maaŋ naŋ chɛr nseŋ ba.” Amɛn, Enyɛnpe Yesu, ba naniere!