Matiu 24:9 - EBƆRƐ BE KAWƆL

⁹ Ade malɛ be buushi, basa beeŋ shin nɛ b pɛ menyi n tɔrɔ menyi nseŋ mɔ menyi. Ekama beeŋ kishi menyi ŋkpal ma so.

Matiu 24:9 ပူးပေါင်းရင်းမြစ်များ

Aŋasa 29:27

Basa nɛ baa wora asheŋ nɛ a niŋi kishi belubiworapo ga. Nɛ belubiworapo malɛ gba kishi basa nɛ ba wora asheŋ nɛ a niŋi.

Danɛl 11:33

Bejuŋkparpo nyiashempoana na beeŋ ŋini basa damta asheŋ, nɛ b mɔ bumo be beko kena to ŋko nɛ b chɔɔ bumo m mɔ, n suge beko malɛ be asɔ nseŋ ti bumo ebu. Ama kumo be loŋ maaŋ chɛr.

Matiu 22:6

Nɛ bumo nɛ b ka malɛ nyaŋ kanyɛn na be anya na n wora bumo amɔmɔshiasheŋ nseŋ mɔ bumo.

Matiu 23:34

To, mee shuŋi anebiana nɛ benyiashempo nɛ beŋinipo menyi kutɔ nna na, ama menyeeŋ mɔ bumo be beko nseŋ ta beko ŋ gbir m mata kedibi largato so nseŋ bri beko malɛ ashi menyi be nshɛrbuana to n ju bumo ashi kade ko to n yɔ kepɔtɛ to.

Luuk 11:49

Ŋkpal ade so nɛ Ebɔrɛ ta mbe kanyiasheŋ ŋ kaŋɛ: ‘Meeŋ shuŋi anebiana nɛ beshuŋipoana bumo kutɔ, ama baaŋ mɔ bumo to be beko nseŋ tɔrɔ beko malɛ.’

Luuk 21:12

Ama pɔɛŋ nɛ le be asheŋ malɛ kikɛ e wora, basa beeŋ pɛ menyi n tɔrɔ menyi a ta menyi a bɔɔ nshɛrbuana to be benimuana enɔ nsaa ti menyi ebuana. Basa beeŋ kpal ma ketre so n yɛr menyi bewurgboŋana nɛ egomena be anishito.

Baru lela nɛ Jɔn kute na 15:18

“Nɛ durnya ere baŋ kishi menyi, men baa nyi fanɛ ma nɛ k fara ŋ kishi pɔɛŋ nseŋ ba kaa kishi menyi na.

Baru lela nɛ Jɔn kute na 15:21

Asheŋ ere kikɛ nɛ baaŋ wora menyi ŋkpal men ka la meya so, ŋkpal manɛ so, b maŋ nyi esa nɛ e shuŋi ma na.

Baru lela nɛ Jɔn kute na 16:2

Basa beeŋ ba kaa ju menyi ashi nshɛrbuana na to be keluri to. Saŋko beeŋ ba fo nɛ esa kama nɛ e mɔ menyi beeŋ baa fɛ fanɛ Ebɔrɛ nɛ e bee shuŋ.

Ashuŋ Shunso 28:22

Ama kaŋɛ anyi kusɔ nɛ k wɔ fo kumu to, kusɔ nɛ fee fɛ, ŋkpal manɛ so, an nyi basa ka bee malga kaplɛkama a gbiti katuŋ nɛ fo wɔ na to be basa.”

Ashuŋ Shunso 7:59

B daŋ kraa wɔ kekpa Stiven ajembu to nna nɛ e kule Enyɛnpe le: “Enyɛnpe Yesu, shin nɛ ma kiyoyu e ba fo kutɔ.”

1 Pita 4:16

Ama nɛ men luri tɔrɔ to ŋkpal men ka la bebɛsopo so, men sa maŋ shin nɛ k baa wora menyi anishinyɔr. Men baa di Ebɔrɛ epaŋ ŋkpal men ka bee ji mbe ketre so.

Kelaraŋŋini 2:10

Men sa maŋ kaa ŋana asheŋ nɛ a bee shin nɛ a ba menyi so ere. Mee kaŋɛ menyi nna na fanɛ alubipo na beeŋ shin nɛ b ta menyi be beko n ti ebu nɛ e wora menyi ŋ keni nɛ men ji tɔrɔ nchɛ kudu. Ama men baa yil to kpakpa loŋ n ya kaa fo luwu to be keluri to gba nɛ n sa menyi ŋkpa be kuwurwuro na.

Kelaraŋŋini 2:13

N nyi kakpa nɛ men wɔ ere be asheŋ, kakpa nɛ Setani baa tase gbagba. Ŋkeshin nɛ menyi alɛ maa lar ma ketre na kaman. Men maŋ lar men be yirda nɛ men kɔ ma so na kaman kikɛ, hale ma shɛdajipo nɛ esa beeŋ tiŋ n yirda na Antipas nɛ b daŋ mɔ men be kadegboŋ na to, kakpa nɛ Setani baa wɔ na be jemanɛ na kikɛ.

Kelaraŋŋini 7:14

Ndoŋ nna nɛ ŋ kaŋɛ mo le: “Ebunyampo, fo e nyi.” Nɛ e kaŋɛ ma: “Bumo e la basa nɛ b ji n lar tɔrɔgboŋ to na nseŋ fɔr bumo be epiŋi n ta amo n wɔtɔ Kpakpafɔlbi na be ŋklaŋ to nɛ a fuli parr na.