Matiu 24:49 - EBƆRƐ BE KAWƆL

⁴⁹ nseŋ fara a bri mo braana anya nɛ b ka na nɛ mo nɛ nsanuupo wɔtɔ a ji a nuu,

Matiu 24:49 ပူးပေါင်းရင်းမြစ်များ

Aŋasa 23:20

Sa maa tu basa nɛ baa wu nsa a choŋ a gben, ŋko n wu ajibi a choŋ a gben a wora asheŋ.

Aizaaya 56:12

Kusɔ nɛ basa nɛ baa boo nsa bee kaŋɛ e la fanɛ men shin nɛ an ya nuu nsa m boo kananɛ anyee sha. Echefo peya e baa chɔ kabre peya!”

Aizaaya 66:5

Menyi nɛ menyee ŋana Enyɛnpe Ebɔrɛ nsaa wora mo kasonu na e nu kusɔ nɛ e kaŋɛ. E yɛ: “Ŋkpal men ka bee ji kashenteŋ a sa ma so, menyi gbagba be basa ko kishi menyi nna a maa sha ketu menyi n wora shɛŋ. Baa wora menyi eyurto nna a kaŋɛ le: ‘Men shin nɛ Enyɛnpe Ebɔrɛ na e ŋini mbe eleŋgboŋ nseŋ mɔlga menyi, saŋɛ na so anyeeŋ wu fanɛ menyi be ŋgbene fuli menyi.’ Ama bumo gbagba beeŋ ji anishinyɔr!”

Ezikɛl 34:3

Menyee nuu bumo be kenyipochu nna nsaa ta bumo be afuibi a lue asɔbuuso nseŋ naa mɔ bumo be belelabi a we, ama menyi alɛ maa keni bumo so nɛnɛ.

Maika 3:5

Kusɔ nɛ Enyɛnpe Ebɔrɛ na bee kaŋɛ nde: ‘Anebiana ko wɔtɔ nna a fule a nase kayurwushi be kɔnɔ a sa basa nɛ baa sa bumo kusɔ jiso nsaa ta kena a funti bekama nɛ b maa wora loŋ na. Enyɛnpe Ebɔrɛ na bee kaŋɛ loŋ be anebiana na nna fanɛ

Matiu 18:28

Ama kayɛrbi na ka lar n ya wu mo barkasa kayɛrbi ko malɛ ka ji mo kukɔ fanɛ bɔtɛ koŋwule, nɛ e nyaŋ mbe kubɔ to nsaa ponte mo so a kaŋɛ le: ‘Ka ma kukɔ nɛ fo ji na.’

Matiu 24:48

Ama nɛ fanɛ kenya dalubiwura na kaŋɛ mbe kumu le: ‘N nyɛnpe beeŋ chɛr ga pɔɛŋ nseŋ bɛta m ba,’

Matiu 24:50

mo nyɛnpe na beeŋ ya bɛta m ba kachɛ nɛ jemanɛ nɛ kenya na maŋ nyi ŋko a tama mo.

Matiu 7:15

Men baa de anebi fɛpoana so. Baa kaa wɔ mbolpɔ be nwɔl to nna a ba men kutɔ, ama ekuntuŋ lubi gbagba nna na.

Baru lela nɛ Jɔn kute na 2:10

“Keni, yabra belbelso lela nɛ ekama yaa fara a bar nɛ basa bee nuu bumo be keparso pɔɛŋ nɛ baa bar amo nɛ a maŋ wɔ ebel fanɛ ade na kaman. Nɛ manɛ e ba nɛ fo ere yaŋ ta alela na n yili loŋ m ba kaa chige amo naniere?”

Romebi 16:18

Ŋkpal manɛ so, mannɛ an Nyɛnpe Yesu Kristo na nɛ loŋ be basa na bee shuŋ na, bumo gbagba be epunana nɛ baa shuŋ a sa. Kɔnɔ belbelso nɛ ŋkpaŋ fuloŋ nɛ b kɔ a fule basa nɛ b maŋ nyi asheŋ to.

2 Kɔrintebi 11:20

Kashenteŋto, menyee tiŋ a nyiti ekama nɛ e bee ta menyi fanɛ anya ŋko ekama nɛ e bee ji menyi so ŋko emo nɛ e bee dese kasawule a nya menyi ŋko emo nɛ e bee keni menyi a bɔl ŋko emo nɛ e bee kpa menyi etaŋ.

Filipaiebi 3:19

Bumo be ekar la kemur nna, ŋkpal manɛ so, bumo be epunana e la bumo be Ebɔrɛ nɛ bumo be kemaŋkura malɛ la anishinyɔr be asɔ. Kashenteŋto, bumo be ŋgbene kikɛ wɔ durnya ere to be asɔ to nna.

1 Pita 5:3

Men sa maa ŋini bumo nɛ Ebɔrɛ ta m bɔɔ menyi enɔ na kenimu, men baa la basa nɛ mbolpɔbi na beeŋ tiŋ ŋ keni so n wora asheŋ.

Juud 1:12

Nɛ le be basa ere baŋ tu menyi n chena kakpa nɛ asɔriebi bee shɛr a ji a ŋini abar kasha, k du fanɛ asɔ lubi ka do kusɔ fuful so nna. Baa paŋ anishinyɔr nna a tase a ji a nuu a keni bumo nawule be amu so. B du fanɛ bɔrɛ ka mɔl nna nɛ afu ta awɔlpa na n choŋ nɛ bɔrɛ na gboŋi na nna. K maŋ kɔ tɔnɔ kikɛ kuraa. B naa du fanɛ ndibi sɔrso mo nɛ a maŋ kɔ asɔrso amo be kesɔr be saŋɛ na nna, amoso, b du fanɛ ndibi mo nɛ a wu nɛ b tia amo nna nɛ k ki fanɛ a wu nna na kuraa.

Kelaraŋŋini 13:7

B daŋ sa mo ekpa nna fanɛ e kɔ Ebɔrɛ be basa kena m pɔɔ bumo so. B daŋ naŋ sa mo eleŋ yiri kama to ebi so nɛ basa kama to ebi so nɛ ŋgbar kama to ebi so nɛ efuli kama so ebi so nna.

Kelaraŋŋini 16:6

Ŋkpal b ka mɔ fo basa laraso nɛ anebiana n lara bumo be ŋklaŋ so, fo alɛ gba ta ŋklaŋ n sa bumo nɛ b nuu. Kusɔ nɛ k baŋ daga bumo nna na.”

Kelaraŋŋini 17:6

N daŋ wu fanɛ kache na daŋ nuu Ebɔrɛ be basa laraso be ŋklaŋ nɛ bumo nɛ b daŋ ji Yesu be shɛda na be ŋklaŋ nna m boo. Ŋ ka wu mo nɛ k wora ma kanaŋ ko ga.

1 Samuɛl 2:29

Ama fo maa keni ma esarga na a bɔlɔ kenishi. Manɛ nna nɛ fee bunyaŋ fo mbinyɛnsobi na a chɔ ma nseŋ shin nɛ baa ji esarga na be mboŋ lela kikɛ?