Matiu 24:45 - EBƆRƐ BE KAWƆL

⁴⁵ Nɛ Yesu bishi bumo: “Esa mo e la kenya nyiashempo nɛ e maŋ kɔ kebirkɔnshi, emo nɛ mo nyɛnpe beeŋ shin nɛ e baa keni mbe anya kikɛ so nsaa sa bumo bumo be ajibi saŋɛ nɛ a daga na?

Matiu 24:45 ပူးပေါင်းရင်းမြစ်များ

Ɛksodɔs 36:4

Kumo be kaman nɛ benyiashempo nɛ b daa wora wajɛbu cheembi na be kushuŋ na yɔ Mosis kutɔ

Aŋasa 14:35

Nyɛrbi nyiashempo be asheŋ bee bɔlɔ bewura kenishi nna, ama nyɛrbi wulpo bre bee nya bewura be kasogberge nna.

Aŋasa 28:20

Ebɔrɛ beeŋ nɛfa bekama nɛ baa ji kashenteŋ, ama E beeŋ gberge bekama nɛ baa sha fanɛ b bɔla ekpa lubi so n dii dama manaŋ na kusoe.

Ezikɛl 34:2

“Dimɛdi pibi, Ezikɛl, Israɛl be bejuŋkparpoana na du fanɛ mbolpɔkpapo nɛ baa keni ma basa nɛ b du fanɛ mbolpɔ so nna. Ama mee sha fanɛ fo kaŋɛ Israɛl be bejuŋkparpo na fanɛ b maŋ wora n nyalɛ nɛ ekama e nu. Kaŋɛ bumo kusɔ nɛ ma Enyɛnpetale Ebɔrɛ na kaŋɛ fanɛ: Asheŋ maaŋ nyalɛ n sa menyi, Israɛl be mbolpɔkpapo ere! Menyi be amu nɛ menyee keni so nseŋ kplaŋ ma mbolpɔ so.

Ezikɛl 46:24

Ndoŋ nna nɛ kanyɛn na naŋ kaŋɛ ma le: “Edaŋɛkpaana nɛ bɔrɛlambu na to be beshumpo bee daŋɛ esarga nɛ basa na bee lara na nna na.”

Matiu 10:16

Kede be kaman nɛ e naŋ kaŋɛ: “Kashenteŋto, mee shuŋi menyi nna nɛ menyi nɛ durnya ere to ebi e ya kaa wɔtɔ fanɛ mbolpɔ kaa wɔ ekuntuŋ to na. Men baa nyi asheŋ, a de men be amu so fanɛ awɔ nsaa du boeŋ fanɛ ali.

Matiu 13:52

Nɛ e kaŋɛ le: “Mbraŋinipo kama nɛ b ŋini mo ebɔrɛso be kuwura na to be asheŋ baa du fanɛ laŋwura ko ka bela asɔ popɔr nɛ asɔ dra ashi mbe kpanjawu to be ebu to n lar na nna.”

Matiu 24:46

Amo be kenya na mo nyɛnpe baŋ yɔ kakpa ko m bɛta m ba tu mo nɛ e bee wora kusɔ kama nɛ kumo be ekpa so, kenya na beeŋ nya kechɔrɔ ga.

Matiu 25:2

Bumo be benu daa la bewulpo nna nɛ benu malɛ la benyiashempo.

Matiu 25:21

Nɛ mo nyɛnpe kaŋɛ mo le: ‘Mbo, kenya lela nɛ meeŋ tiŋ n yirda. Fo ka baŋ ta gbrɛbi ere n shuŋ le ere nɛ m pin fanɛ meeŋ tiŋ n yirda fo. Amoso, naniere meeŋ ta asɔ damta m bɔɔ fo enɔ. Ba tu ma, fo nyɛnpe a nu ma kuwura to be ebel.’

Matiu 25:23

Nɛ mo nyɛnpe na kaŋɛ mo le: ‘Mbo, kenya lela nɛ meeŋ tiŋ n yirda. Fo ka baŋ ta gbrɛbi ere n shuŋ le ere nɛ m pin fanɛ meeŋ tiŋ n yirda fo. Amoso, meeŋ ta asɔ damta m bɔɔ fo enɔ. Ba tu ma, fo nyɛnpe n nu ma kuwura to be ebel.’

Matiu 7:24

Amoso, ekama nɛ e nu ma mmalga ere nsaa bɛ amo so du fanɛ enyiashempo nɛ e pɔr mbe ebu n yili kefalta so nna.

Luuk 19:17

Nɛ enyɛnpe na kaŋɛ mo: ‘Mbo, kenya lela, fo wora asɔ. Fo ka baŋ ta gbrɛbi ere n shuŋ le ere nɛ m pin fanɛ meeŋ tiŋ n yirda fo, amoso, naniere n sa fo nde kudu nɛ fo baa keni so.’

Ashuŋ Shunso 20:28

Men baa de men gbagba be amuana so nsaa de basa nɛ Kiyoyu Cheeŋ na ta m bɔɔ menyi enɔ na so. Men baa keni Ebɔrɛ be asɔriebi nɛ e ta ŋ ki mo peya ashi mo gbagba Pibinyɛn be luwu na so fanɛ kananɛ asɔbɔyakpapo bee keni mbe asɔbɔya so na.

1 Timoti 1:12

Mee chɔrɔ Yesu Kristo an Nyɛnpe ŋkpal e ka sa ma le be kushuŋ ere be eleŋ nseŋ yirda ma n lara ma fanɛ n shuŋ mbe kushuŋ nsaa maŋ ta dra na be mmalga lubi nɛ n daŋ malga ŋ gbiti mo na nɛ kananɛ n tɔrɔ mbe basa nseŋ fɛl mo na n wɔtɔ mbe kagbene to so.

2 Timoti 2:2

nseŋ ta mmalga nɛ fo nu ŋ ka bugi to m malga basa damta be anishito na m bɔɔ basa nɛ fo yirda fanɛ bumo alɛ beeŋ tiŋ ŋ ŋini beko enɔ.

Hibruwebi 3:5

Kashenteŋ nna fanɛ anebi Mosis ka daa maŋ lar Ebɔrɛ kaman fanɛ kayɛrbi ashi Ebɔrɛ be kowu to ebi kikɛ to nseŋ daa ji asheŋ nɛ a beeŋ wora kachako so be shɛda na.

Kelaraŋŋini 2:13

N nyi kakpa nɛ men wɔ ere be asheŋ, kakpa nɛ Setani baa tase gbagba. Ŋkeshin nɛ menyi alɛ maa lar ma ketre na kaman. Men maŋ lar men be yirda nɛ men kɔ ma so na kaman kikɛ, hale ma shɛdajipo nɛ esa beeŋ tiŋ n yirda na Antipas nɛ b daŋ mɔ men be kadegboŋ na to, kakpa nɛ Setani baa wɔ na be jemanɛ na kikɛ.

Ruf be kawɔl 2:6

Ndoŋ nna nɛ beshumpo be enimu na kaŋɛ Bowas le: “Mowabche nɛ e tu Nawomi n shi Mowab be efuli so m ba na nna.